مكتوب ممنوع اخر الكرت!!!

[شروق الامل]

السلام عليكم ورحمه الله وبركاته


اسعد الله اوقات الجميع بكل خير



الحمدلله الان اصبح لدى الجميع خاصه في مجتمع النساء في


جميع الاماكن المخصصه لهن بعدم احضار جوال الكامرا



ولكن نجد البعض الى الان تصر على إحضار الجوال في


المناسبات وتتهاوش عند الدخول تسب الانظمه ليش تمنعوني


ادخل فيه وانا عمه العريس والا خالته او جارتهم وتقول انا نسيت وجبت جوالي ومااقدر استغني عنه يقولون هاتيه

نحطه بالامانات تقول اخاف عليه و الى اخر الاعذار التى لا

نجدها مقنعه 00وتسبب احراج لاهل العرس ماله داعي خاصه


انه كتب في نهايه بطاقه الدعوه بخط واضح يمنع اصطحاب

جوال الكامرا بقسم النساء <<<لا حياة لمن تنادي ولسان طويل

تغفل بعض مفتشات الجولات عن اهل العروس او من يحضر


معها ونجد فعلا جولات الكامرا موجوده بيننا ويتم التصوير بها



<<<<شكل اهل العروس من المعفي عنهم او لا يشملهم النظام


او ربما الجميع عاقل لا يستخدمه الا في الاتصال


--هنالك البعض يستإجر بعض المفتشات لتفتيش من خارج


القصر على الجولات وعند الحضور والله انها تسأل فقط


00معاك جوال كامرا فقط دون التفتيش وندخل <<<تخيلو

عاد باللي مايخاف الله تدخل ومعها الجوال




يعني شكلنا ندخل ببراقعنا


كسبو الرجال لا مكياج والا تسريحه <<<فكه







بصراحه وبشفافيه من منكم يحرص على أن يتفقد جوال أهله

خاصه اذا ذهبت


الى مناسبه ؟؟

مساحه حره للجميع انتظر تفاعلكم ومناقشاتكم في هذا الموضوع ومن لديه إضافات تثري الموضوع فليتفضل بها مشكوراً

لا تنسوا الاستغفار والدعاء لجميع المسلمين والمسلمات والمؤمنين والمؤمنات الاحياء منهم والاموات

اختكم فى الله ////شـــــــــــــــــــرووووق الآمـــــــــــــــــل

[الجريح]

وعليكم السلام
صراحه شي يقهر انو الحريم يكونن على أعصابهن على حساب وحده وياه جوال الكمراء.
حتى لو كانت ام العريس . لان في نساء وأي أنسان يعرف انوا القصر غير حريص على التفتيش صدقوني ماراح يجيب أهله للزواج .
جد قويت عين دي الي ترفض عدم تسليمها للجوال.
شكرا اختي شروووق

[سعود السرحاني]

للاسف اصبح الكثير يستأهل بهذا الامر

والبعض قد يكون بالنية الطيبة

ولكن اذا سرق الجوال او فقد

فتكون ذنب من جمعت صور لبنات وثقن فيها

برقبتها وسوف تسبب الكثير من المشاكل خصوصا

اذا اصبحت هالصور بأيدي ضعاف النفوس


فنصيحتي الأخوات تجنب ذلك وعدم التساهل به

وحتى ان لم تضف عبارة يمنع دخول جوال ابو كميرا


واذا ماتستغني عن الجوال جوال ابو كشاف على الذمة وسعره ماعتقد

بيخسر

شكرًا على طرحك لهذا الموضوع

[محمود عيد البلوي]

وبعض النساء وربي ناقصات عقل تدرين ليه جايبه جوالها ابو كميرى وعارفه انه ممنوع وتبي تدخل به القاعه بس علشان تشوفه فلانه وفلانه وتستعرض فيه ,,,,> في هذه الحاله اقول الله لاتبلانا واصحاب العقول في راحه ..

وبعدين ياشروق اذا لقيتم حرمه معاها جوال ابو كمرى بالقاعه ليه ماتكلموووها وتقولون لها دسي وظبي جوالك وتهزيئه لها علشان ماتجيبه ثاني مره ,,,,والله المفروض كلكم يد وحده اي وحده معاها جوال ابو كمرى تمسكنها وتنصحنها .......>>> والله لو اني ساهر :d

اؤيد كلام اخوي سعود السرحاني ...

وفقك الله ياشروق الامل على الموضوع الطيب ...

[خيالة بلي]

شروووووق الأمل
لا غربت لك شمس غاليتي على مواضيعك اللي بوقتهااااااا

الأسبوع الماضي حضرت زواج لقريب لي وكنت انبه على البنات لا تحرجون أهل الزواج " وبالفعل ابو كشاف على الذمه "
لكن مااشوف إلا اختي تأشر لي على حرمة ترقص وبيدها جوال كاميرا " كيف دخلته ما ادري بالرغم إنها ليست من اهل الزواج ؟
صح إنها حرمه كبيره لكن الأنظمة تنطبق على الكل

ودام إنها دخلت فيه ليه ترقص فيه .. شوفوني معاي جوال غالي
ههههه

شروق المفروض أهل الفرح مايتهاونون بالأمر

كل الشكر ودااااامت دياركم عامرة بالأفراح بدون كاميرات

[يااسرالبلوي]

وعليكم السلام اخت شروق اشكرك على طرح هذا الموضوع انا براي المتواضع اضع اللوم على الرجال لأنو لو كل رجل منع كل من هم تحت امرته من اخت وام وزوجه من حمل الهواتف المحمولة التي تحتوي على خاصية التصوير لأنتهت المشكلة لأني لا اجد اي سبب مقنع لأن تحمل المرأة الهاتف الذي يحتوي على خاصية التصوير هذا السبب الاول اما السبب الثاني فهو اننا معروفين على مستوى العالم اننا اكثر شعب يضرب القوانين التي وضعت لحمايتنا بعرض الحائط وتقبلو تحياتي

[سعود السحيمي]

المفروض اى وحده معها جوال كمرا تنطق برا ماتدخل عشان تتئدب.


.
انا بكرت زواجي ان شاء الله بكتب بالاخير مايحتاج اوصيكم عن الجولات <- حركه ههههه


شكراً شروق الامل .


وتقبلى مشاركتى المتواضعه

[شروق الامل]

وعليكم السلام

صراحه شي يقهر انو الحريم يكونن على أعصابهن على حساب وحده وياه جوال الكمراء.
حتى لو كانت ام العريس . لان في نساء وأي أنسان يعرف انوا القصر غير حريص على التفتيش صدقوني ماراح يجيب أهله للزواج .
جد قويت عين دي الي ترفض عدم تسليمها للجوال.

شكرا اختي شروووق



هلا بك ابو مازن وعظم الله اجرك في وفاة عمك

بصراحه الجميع صار يخاف من دخول الزواجات لا وابشرك احيانا ماتلقى احد يفتش خير شر من باب الثقه يعني كل وحده تلبس عباتها من اول العرس لاخره بلا هم
شرفني مرورك

[شروق الامل]

للاسف اصبح الكثير يستأهل بهذا الامر

والبعض قد يكون بالنية الطيبة

ولكن اذا سرق الجوال او فقد

فتكون ذنب من جمعت صور لبنات وثقن فيها

برقبتها وسوف تسبب الكثير من المشاكل خصوصا

اذا اصبحت هالصور بأيدي ضعاف النفوس


فنصيحتي الأخوات تجنب ذلك وعدم التساهل به

وحتى ان لم تضف عبارة يمنع دخول جوال ابو كميرا


واذا ماتستغني عن الجوال جوال ابو كشاف على الذمة وسعره ماعتقد

بيخسر

شكرًا على طرحك لهذا الموضوع


هلا بك سعود
هذه مصيبه ثانيه ان الجوال ينسرق ولكن لا حياة لمن تنادي ونستمر في مسلسل ضياع الجولات وسرقتها في قصور الافراح البارح كنت بزواج انسرق جوال وحده وجلست طول العرس تبكي من قهرها عليه ياحليل ابو كشاف من جد

ولكن من جد مافيه احد يتابع اهله والا اتوقع مانشوف هالمصايب اللي احيانا تسبب مشاكل في الزواج وتحرج الناس

[شروق الامل]

وبعض النساء وربي ناقصات عقل تدرين ليه جايبه جوالها ابو كميرى وعارفه انه ممنوع وتبي تدخل به القاعه بس علشان تشوفه فلانه وفلانه وتستعرض فيه ,,,,> في هذه الحاله اقول الله لاتبلانا واصحاب العقول في راحه ..

وبعدين ياشروق اذا لقيتم حرمه معاها جوال ابو كمرى بالقاعه ليه ماتكلموووها وتقولون لها دسي وظبي جوالك وتهزيئه لها علشان ماتجيبه ثاني مره ,,,,والله المفروض كلكم يد وحده اي وحده معاها جوال ابو كمرى تمسكنها وتنصحنها .......>>> والله لو اني ساهر :d

اؤيد كلام اخوي سعود السرحاني ...

وفقك الله ياشروق الامل على الموضوع الطيب ...


هلا بك محمود ومن يقول انا نسكت
اخر مشهد كان في زواج وحده جايبه جوالها اعتقد انها اخت العروس المهم جالسه تصور فيه انتبهو لها اخوات العريس وقامت معركه ضاريه بالايدي ومسك الشعور وتدخلو بينهم رجال وتقريبا خرب العرس بسبت عدم مسؤوليه او عدم مبالاه الله يسترنا ياشيخ والله ندخل الزواجات واحنا على اعصابا وعيوننا يمين يسار من هالموضوع من جد قلق امي تقريبا شوي وتحلف ما نحضر اي زواج

الله يوفق الجميع يازين ساهر بينهم 000وساهر لا تخلونه

[شروق الامل]

شروووووق الأمل

لا غربت لك شمس غاليتي على مواضيعك اللي بوقتهااااااا


الأسبوع الماضي حضرت زواج لقريب لي وكنت انبه على البنات لا تحرجون أهل الزواج " وبالفعل ابو كشاف على الذمه "
لكن مااشوف إلا اختي تأشر لي على حرمة ترقص وبيدها جوال كاميرا " كيف دخلته ما ادري بالرغم إنها ليست من اهل الزواج ؟
صح إنها حرمه كبيره لكن الأنظمة تنطبق على الكل


ودام إنها دخلت فيه ليه ترقص فيه .. شوفوني معاي جوال غالي
ههههه


شروق المفروض أهل الفرح مايتهاونون بالأمر



كل الشكر ودااااامت دياركم عامرة بالأفراح بدون كاميرات



هلا وغلا بك
يااقلبي المصيبه العظمى كالتالي اذا دخلت وحده ومعاها جوال كاميرا وعلشان تسكت ولدها تعطيه الجوال ويدخل على الكاميرا ويصور يلعب مسكين علشان امه يمديها ترقص وتوجب الناس واحنا لنا الله

شوفي انا من المفروض اذا ابي احضر زواج احترم الشخص اللي دعاني بعض الناس لها ترتيب معين في زواجاتها من بينها ممنوع اصطحاب جوال الكاميرا <<الجميع يكتبه عارفه
ولكن اعتقد هذا الشئ فيه احترام الداعي للمدعو انا ليش احط نفسي في موقف محرج لي ولغيري
زميلتي امس رغم انها متعلمه وفاهمه ويعتبر مو شي جديد عليها والله استغربت منها احضار جوال كاميرا معها اخذوه منها وحطوه بالامانات واذا تبي تتصل لازم تروح علشان تأخذ جوالها وتتصل يعني معاناة انت في غنى عنها ونرجع ونقول لا حياة لمن تنادي

[شروق الامل]

وعليكم السلام اخت شروق اشكرك على طرح هذا الموضوع انا براي المتواضع اضع اللوم على الرجال لأنو لو كل رجل منع كل من هم تحت امرته من اخت وام وزوجه من حمل الهواتف المحمولة التي تحتوي على خاصية التصوير لأنتهت المشكلة لأني لا اجد اي سبب مقنع لأن تحمل المرأة الهاتف الذي يحتوي على خاصية التصوير هذا السبب الاول اما السبب الثاني فهو اننا معروفين على مستوى العالم اننا اكثر شعب يضرب القوانين التي وضعت لحمايتنا بعرض الحائط وتقبلو تحياتي


هلا بك ياسر

بالعكس رايك رائع وسليم انا طرحت سؤال في نهايه الموضوع ولكن الاخوان شكلهم مانتبهو له
ردك ورايك تقريبا هو جواب السؤال

فعلا ولى الامر له دور في الحد من هذا الوضع بالمتابعه والحث على تجنب المشاكل واحترام الاخرين واذا صادف بعض المواقف ونسيان تغيير الجوال او ليس لديها جوال بدون كاميرا ابسط الاموار انه يعطيها جواله اذا كان بدون كاميرا ويحل الوضع بساطه او تدخل العرس بدون جوال يعني راح تموت 00اوتروح بيتها وهو الاسلم في نظر البعض وبتروح عليها الكشخه

بالنسبه للاخوان البعض عايش على مبداء خالف تعرف

[شروق الامل]

المفروض اى وحده معها جوال كمرا تنطق برا ماتدخل عشان تتئدب.



.
انا بكرت زواجي ان شاء الله بكتب بالاخير مايحتاج اوصيكم عن الجولات <- حركه ههههه


شكراً شروق الامل .



وتقبلى مشاركتى المتواضعه



هلا بك سعود
تصدق هو يعتبر حل جذري خلها تتحمل نتيجه تصرفها
فهمت يعني نجيب جولات كشخه <<<صح
الله يسهل امر زواجك ونطبق لك الحل الجذري <<<غير يكرهوني الحريم شريره

[مشعل بن مشحن السرحاني]

بارك الله فيك أخت شروق الأمل على هالموضوع الرائع والمليء بالصراااحه والصدق ..............

[شروق الامل]

بارك الله فيك أخت شروق الأمل على هالموضوع الرائع والمليء بالصراااحه والصدق ..............


هلا بك مشعل

العفو يااخوي وبارك الله فيك وفي الجميع وصراحه الموضوع وصدقه بتفاعل وردود الاخوان والاخوات

[محمود عيد البلوي]

وعليكم السلام اخت شروق اشكرك على طرح هذا الموضوع انا براي المتواضع اضع اللوم على الرجال لأنو لو كل رجل منع كل من هم تحت امرته من اخت وام وزوجه من حمل الهواتف المحمولة التي تحتوي على خاصية التصوير لأنتهت المشكلة لأني لا اجد اي سبب مقنع لأن تحمل المرأة الهاتف الذي يحتوي على خاصية التصوير هذا السبب الاول اما السبب الثاني فهو اننا معروفين على مستوى العالم اننا اكثر شعب يضرب القوانين التي وضعت لحمايتنا بعرض الحائط وتقبلو تحياتي

اخوي ياسر الله يصبحك بالخير لماذا تضع اللوم على رجال يعني افتشهم عند الخروج من البيت

والا اراقبهم والا افتش شنطتها والله عيب ,,,, حرمه بطول وعرضواحيانا تلاقها متعلمه ابحث

واقلب فيها على العموم وعن جوالها على العموم الرجال ليس لهم علاقه بهذا الموووضوع ذبحتم

الرجال والله ..

وفقك الله ..

[شروق الامل]

اخوي ياسر الله يصبحك بالخير لماذا تضع اللوم على رجال يعني افتشهم عند الخروج من البيت

والا اراقبهم والا افتش شنطتها والله عيب ,,,, حرمه بطول وعرضواحيانا تلاقها متعلمه ابحث

واقلب فيها على العموم وعن جوالها على العموم الرجال ليس لهم علاقه بهذا الموووضوع ذبحتم

الرجال والله ..

وفقك الله ..


برد عليك بدل ياسر ولي الامر له دور مهما قلت 00يااخي ماقال فتش شنطتها مجرد التنبيه قبل الخروج من المنزل او في السياره ذكرها قولها غيرتي جوالك علشان مااياخذونه منك واقدر اتصل عليك وهي تفهم لا تكبر الموضوع <<<والرجال هم الاساس مانستغني عنهم ولا هم يستغنون عنا ولو نذبحهم حلال فيهم هم ذبحونا كمان

الوالده الله يخليها لي قبل مانطلع تقول جولاتكم غيرتوها والا لا واحيانا نكتفي بجوال الوالده وخلاص اهم شي وسيله اتصال

[فواز بن مرزوق]

مشكلة هالجوال
سمعت ان فيه زواجات صارت بها هوشات حامية الوطيس بسببه
بس الصدق ان هالجوال من بعد الله سبحانه فتح باب رزق للمفتشات
الحل الجذري سحب الجوال او طرد من تحمل الجوال
غير كذا ما فيه حلول
لان الامر صار متعارف عليه بانه ممنوع احضار جوال الكاميرا للنساء
ما يحتاج حتى يكتب بآخر بطاقة الدعوة !!
بس العناد ماله حل
جربو تكتبون يسمح بأحظار الجوال ابو كاميرا ونشوف .. يمكن الشغله عناد ^_^
عاد عندنا شعب "بعضهم" هوايته المحببه محط القوانين بأقرب جدار بسبب العناد

[عبادي البلوي]

انا نفس موضوع ياسر
والله حرام المفروض انه يكون بالقصر جهاز لكشف الجوال اذا كان بدون كاميرا يدخل والباقي بررررررررررررى


مشكورررره
موضوع جميل..:||angr|: :||angr|:

[شروق الامل]

مشكلة هالجوال

سمعت ان فيه زواجات صارت بها هوشات حامية الوطيس بسببه
بس الصدق ان هالجوال من بعد الله سبحانه فتح باب رزق للمفتشات
الحل الجذري سحب الجوال او طرد من تحمل الجوال
غير كذا ما فيه حلول
لان الامر صار متعارف عليه بانه ممنوع احضار جوال الكاميرا للنساء
ما يحتاج حتى يكتب بآخر بطاقة الدعوة !!
بس العناد ماله حل
جربو تكتبون يسمح بأحظار الجوال ابو كاميرا ونشوف .. يمكن الشغله عناد ^_^

عاد عندنا شعب "بعضهم" هوايته المحببه محط القوانين بأقرب جدار بسبب العناد




هلا فواز

والله فكره نكتب يمكن تجي العكس, وبعدها يدورون شي ثاني يخالفون فيه

اما محط القوانين حدث ولا حرج والا يخترع لك قانون يكون في مصلحته

بالنسبه لجهاز الكشف على الجوال فيه بس المشكله باللي يستهبلون
شوف الطرد احسها صعبه ذوقيا خاصه في مناسبه زواج يؤخذ الجوال في الامانات ويكتب عليه اسم الاخت وانتهى ولكن 0000000000!!!!!!!!!؟؟؟؟؟؟؟

[شروق الامل]

انا نفس موضوع ياسر
والله حرام المفروض انه يكون بالقصر جهاز لكشف الجوال اذا كان بدون كاميرا يدخل والباقي بررررررررررررى


مشكورررره
موضوع جميل..:||angr|: :||angr|:


هلا عبادي

وانا بعد معاكم ولكن لا حياة لمن تنادي من قبل البعض

العفو وشرفني مرورك

[ريـم البلويُ]

مـــوضوع رأئع .. أنا استغرب من بعض أقول الحححريم يــأختي قالو لك ممنوع خلاص افهمي ممنوع ياليييل لازم تجي وتتمشكل ويطلع صوتها وبعدها يمكن تتوب
وبالنسبه للمفتشات الي عند الباب .. أغلبهم منظر عند الباب وتلقا الجهزتها مو شغاله ولا تفتش ولا شي تسال بس معك جوال بسس.. لازم اهلل العرس يهتمو ويجبون مفتشه ثقققه ... أما الي ترقص فييه حاله خاصصه ههههه وش قوة العيين هذي ..

يعطيك الف عافيييه

[شروق الامل]

مـــوضوع رأئع .. أنا استغرب من بعض أقول الحححريم يــأختي قالو لك ممنوع خلاص افهمي ممنوع ياليييل لازم تجي وتتمشكل ويطلع صوتها وبعدها يمكن تتوب


وبالنسبه للمفتشات الي عند الباب .. أغلبهم منظر عند الباب وتلقا الجهزتها مو شغاله ولا تفتش ولا شي تسال بس معك جوال بسس.. لازم اهلل العرس يهتمو ويجبون مفتشه ثقققه ... أما الي ترقص فييه حاله خاصصه ههههه وش قوة العيين هذي ..



يعطيك الف عافيييه


هلا وغلا ريم
شفتي بالله ناس ماتتوب الا بعد كررررش وتزعل بعد وتقول ماعندهم ذوق000 عاد اللي ترقص معها جوال فديتها تبي تكشخ حرام يعني بس اكيد على حساب اعصابنا وتلقي عيون الحريم على الجوال
الله يهديهن

والله يعافي قلبك

[بحــور]

مراحب شروقه اعذريني جهازي مدري وش صايبه (خاشه برد)
واخوي رافض يصلحه يقول اول وافقي تروحين معي لرياض واصلحه >>نذل:||angr|:
لي عوده و تقبلي مروري

[شروق الامل]

مراحب شروقه اعذريني جهازي مدري وش صايبه الوكاد خاشه برد

واخوي رافض يصلحه يقول اول وافقي تروحين معي لرياض واصلحه >>نذل

لي عوده ياوخيتي و تقبلي مروري


هلا وغلا ياقلبي يعني صايبته سخونه نقعيه بمويه والوكاد انه يطيب<<لا تصدقي امزح ههههههههه
روحي معه رغم انه حررررررررر ولكن غيري جو <<<<ياليت كل اخو نذل يسوي كذا اعطي اخوي من نذالة اخوك يمكن يكون اشد نذاله ويوديني ماليزيا

[فواز بن مرزوق]

هلا فواز


والله فكره نكتب يمكن تجي العكس, وبعدها يدورون شي ثاني يخالفون فيه


اما محط القوانين حدث ولا حرج والا يخترع لك قانون يكون في مصلحته


بالنسبه لجهاز الكشف على الجوال فيه بس المشكله باللي يستهبلون

شوف الطرد احسها صعبه ذوقيا خاصه في مناسبه زواج يؤخذ الجوال في الامانات ويكتب عليه اسم الاخت وانتهى ولكن 0000000000!!!!!!!!!؟؟؟؟؟؟؟



طيب اذا اختنا بالله اصلاً ما عندها ذوق وجايه وكاشخة بالجوال وهي عارفه انه ممنوع ؟
لين نجامل على حساب أنفسنا ؟؟
اذا الذوق بالأساس معدوم عندها .. ما فيه حرج بطردها وبيكون درس قوي قوي قوي لها
بالعكس أنا لو محلكم راح استمتع بالطرد
جربو بس وشغلو الطرد
صدقوني تلاقون جوال ابو كشاف كَسر سوق الآي فون

[شروق الامل]

طيب اذا اختنا بالله اصلاً ما عندها ذوق وجايه وكاشخة بالجوال وهي عارفه انه ممنوع ؟

لين نجامل على حساب أنفسنا ؟؟
اذا الذوق بالأساس معدوم عندها .. ما فيه حرج بطردها وبيكون درس قوي قوي قوي لها
بالعكس أنا لو محلكم راح استمتع بالطرد
جربو بس وشغلو الطرد

صدقوني تلاقون جوال ابو كشاف كَسر سوق الآي فون


شرير ياافواز

يكفي ان جوالها يؤخذ منها بالامانات وتلقاها طول الليل رايحه جايه على مفتشات الجوال علشان تتصل 000اما الطرد من جد انا ضده هو صحيح يعتبرقله ذوق انها جايه بجوالها رغم التحذير ولكن فيه حلول اخري منها ماسبق ذكره
ابو كشاف
هو مكسر سوق الاي فون من بدري يازينه اي فون ابو كشاف

ونقول الضرب في الميت حرام