أفلام المآسي

[بشير الخولي]

من دفتر الماضي أتمنى أن تحوز على رضاكم

أفلام المآسي

آه يا جــو المتـــاعب والمــآسي
خــــلني لله و ابعــد عن طــريــقي

ما يكفي من ردى حظـــي أقاسي
لا تطينهــــا ترى جــرحي عميــــقي

تدري إني من حياتي شاب راسي
وشفــت من جــور الزمن مالا يليـقي

لا ونيــس ولا صديقـــاً لــي يواسي
وفي زمـان المصــلحـة كــــلاً رفيقــي

والصديق اللـي تخبره صار ناسـي
باعني يا للأســــف هذا صديقــــي

كنت احسب إنه خوي وأعز ناسـي
ما توقعـــته يخــــليــني غــريــــقي

يشهـد الله يــوم جيــته رد كــآســـي
جيت ضامي وللأســف ما بل ريقــي

و يوم صـــد وبــان به طبع التناسـي
زادت جــروحي مع همـــومي وضيقي

أنكويت بصـاحـبي وأعلنت يأســـي
واحتملت من الــــزمن ما لا يطـيقــــي

ما دريت انه لعـب دور السياســـــي
ونيته ما هــي على وجـــهة طـــريــقي

وش تبي أكثر من أفلام المـــــآســــي
من بطــولة قــلب يصلاه ألحريقي

بعد كل اللـــي سمعته من مآســــي
وعشت فيني بالأسى واقع حقيقي

وش تبي مني وأنا مهدود ساسي
وخاطري من صدمته عيا يفيقي

وسلامتكـــم،،،

اخوكم/أبوعلي