مداعبه شعرية (سياسية)

[السرحاني]

هايل
ابشرك ياحسن صارت سياسية =من حبها لي عن الثورة تحجويني
متفاعلة مثل كرمان اليمانية = احيان تنسى مع الزحمة تعشيني
الله يرحم سواليف الرومنسية = كني يهودي يسولف مع فلسطيني
هذا وانا ياحسن روحي رياضية = لاشك وضع العرب ماهوب مرضيني
رد/ حسن عبيد
اصبح ربيع العرب ثورات شعبية = بالهرج يبغو يعدلون الموازيني
لو خيمتك في رتمة القوز مبنية = ما كان صارت حواجز بينك وبيني
انا الى شفت لي ناس ازغيلية =اسد اذاني و اغمض في نظر عيني
الله يخارجك من سحر العمانية = ونا يثبتني الخالق على ديني

رد هايل
وش فيك ما خذت موضوعي بجدية =ادور الحل عندك وانت تغديني
خابر حلولك تصير حلول جذرية = اما تأيد كلامي او تخطيني
تخيل اني على وجهه شمالية = من شدة البرد ناري ما تدفيني
مطالبي ياحسن سهله وشرعية = ما يرضي الطفل بعض احيان يرضيني
رد حسن

انااعرف انك مسويها حواليه = لكن بغيتك من الموضوع تعفيني
مذاهب الناس سنية وشيعية = الذيب مثلك لا خويته يخاويني
كنك مصمل عليهم كد جاهية = يا كبر حظك لا صار العيد عيديني
نظرتك لاتصير بالشعر ازدواجية = بينت لك من حلول اللغز حرفيني

مداخلة غازي
ما لوم هايل لو تصيبه حساسية = الوضع ماهوب مرضيه ولا هوب مرضيني
يبغى يرجع زمان الشمس والفية = يوم الرومنسيه ان الزين يفليني
دنياك يا صاحبي ماهي طبيعية = اخاف لا طولت فيه تعنيني

[خالد خلف السرحاني]

الاخ الغالي ابو بندر هذه مداخلتي اتمني ان تروق لذائقتك
ومنك نتعلم الشعر رد بسيط ولايرقا الى مستواك الشعري...



سمعت انك يابو بندر غزيت وياعسا كسبان
تــدور لــك دفاء يوم الليالي تبلش الـبردان
جلست بنسرتاً تبغا بها اتركز على النيشان
عسا اللي معطي الاحداث ماهر داخل الميدان
تراء دينك يحثك ياالقيادى تحمل الكتمـان
تــجدد ذكــرياتــك مــع غـرام بديــرة الجـــدان


/مع ارق تحيه لسمو مقامك الغالى ....

[سعود السرحاني]

صح لسانك

ابو بندر

أبو زياد

وسلمت ابو ريان على مداخلتك المتواضعة

[الذيب سرحاني]

إكتملت بردود آلع ـم
ح ـسن وآلخ ـآل ـآلغآلي غ ـآزي بمداخلته
..
أشخآص تألقوآ بإلقآء الحروف وأنت يآ أبآ بندر
..
كل ع ـبآرآت الود لك سيدي
..
كن بخ ـير

[عبداللطيف محمد الحمراني]

محاورة ومـدآعبـة في قمة الجمآل ..!

شعراء لا يختلف عليهم أثنين ..!


يعطيك العافيه السرحآني ..!

[غازى دخيل الله السرحانى]

يعطيك العافيه يالسرحاني

بس ليه كسرت شطر بيتي الأول لا يكون بسبب الثوره والا شي

على العموم سلمت ودمت يالغالي.