حكايتي مع الفار ابن الفار ..؟؟

[ماجد سليمان البلوي]

حكايتي مع الفار ابن الفار ..؟؟


حكايتي مع الفار ابن الفار ..؟؟


في ليلة من الليالي
كنت جاي من السهره
وكان تعب العالم كله فيني من السهر والنعاس


فتحت باب غرفتي من الدوخه اتلفت يمين ويسار
وسمعت صوت يقول لي:


(من طول الغيبات جاب الغنايم)


بسم الله الرحمن الرحيم


وصحيت وقلت: من اللي يتكلم ؟


أطالع يمين..شمال


أحد بغرفتي ؟؟


من يكون ؟؟


فقال لي: انا هنا يا محترم تحت..؟؟


طالعت تحت الا فار تحتي يكلمني..؟؟


قلت له نعم شتبي ؟؟


قال الحين لو تتزوج مو احسن لك من هالمرمطه
والروحه والجيه..


قلت ترى ماني فاضي لك وروح عني لا اشوتك الصقك بالحيط..
تعباااااان وابي انام طس عني..


خذ بعضك وأضلف وجهك.. دور على مكان غير هذا..


المهم تركت الفار..


قلت خلني اريح على السرير شوي


فتحت التلفزيون وصرت اقلب بهالقنوات


المهم (طمر) الفار على الرسيفر وغير القناة


على الاخبارية..


قمت غيرت على قناة الموسيقى..؟؟


هو يغير وانا اغير..


قلت العن ابليسك بطل هالحركات لا أجيك أسطرك..


حطيت على قناة الموسيقى..


وكانت نانسي عجرم تغني


قال الفار


اما هاذى صاروووووووخ..؟؟


شوف الوجه والجسم اووف ياويل قلبي


قلت ماتحتاج شهادتك يابو الشباب


قال تصدق انها نفسيتكم المريضه يالبشر في هالزمان
الا من رحم ربي..؟؟


قلت اشفيه ومن قال لك هذا الكلام.. أنها فاره مثلك يا ذكي ؟
قال اللي سمعت..


شوف مااحلاها


وعلى ماقيل


من برى الله الله


ومن جوه يعلم الله


قلت ترى لسانك طويل ويبيله قص اقعد وخلك فار محترم.
قال عطني سجاره وحطها بفمي ..


قلت اقول ماتبيني اولع لك بعد ؟


المهم


نقز الفار على الباكيت وولع سيجاره


وحط رجل على رجل
قال ليش تزعل لمن الواحد يسولف معك ويقول الحق..؟؟


سكت انا


قال بس معاي حق..؟؟


اذكر زمااااااااان لما كنت عايش مع ابوي الفار العود


في الديرة..


طيبة الناس...وقلوبهم على بعض..؟؟


قلت اقول انطم ياحكيم زمانك ماني فاضي لك..؟؟


قال شوف لنا قناة اخبارية


خلنا نشوف العالم وش صاير فيه..


والا مالك مزاج تشوف اللي صاير فيكم يالعرب


من (شارون وبوش وأعوانه)


قلت أيش فيه اللي يبي يحرر فلسطين ؟


أنت فار يعني افلقك بالباكيت أصرعك هالمره تتكلم على شارون يا غبي ^_^


قام الفار يضحك
ههههههههههههههه هههههههههههه


لو فيك خير انت وعيال عمك العرب


حطيتوا فخ لشارون وبوش وذبحتوهم..


والا سممتوهم..


وهو له خمسين سنه يلعب فيكم


قفلت معاي انا


واخذت الطفايه قلت والله أن ما سكت لا احذف عليك الطفايه أجيب أجلك..


قال الفار: تدري خلنا نطلع من السياسة..


ما من وراها الا وجع الراس..


قلت لا والله الا انت واشكالك اللي توجعون الراس..


قال الفار: وين اللي تحبها ايش أخبارها !!


وين دنياها...تسال والا معطيتك أشكل وعرض اكتافها..


قلت شي مايخصك..


قال لا بجد إيش أخبارها


كنت ليلتها مهموم وعلى قد التعب اللي فيني مغموم


وزاد الفار همي بسؤاله..


سكت وهو ساكت


وكنت اقول بنفسي ياولد فضفض للفار


دام هالزمن مافيه احد تشكي له همك الا هالفار ..؟؟


المهم قلت شرايك بالحب هالايام


قال اي حب جعلك سالم


الحب( ده كان زماااااااان)..؟؟


تصدق حبيت لي فاره من كل قلبي


عطيتها كل الحب والحنان اللي كانت اي فاره تتمناه


كنت ابديها على نفسي في كل شئ..


حتى قطع الخبز كنت اجيبها الى حد باب بيتها


آآآآآآآآآآآآآآآ آآآآآآآآآآآآآآآ آآآآآآآآآآآآآآآ آآآآآ آآآآآه


كنت صادق وكنت ناوي اخطبها


ناظرت الا والفار دموعه على خده


المهم صعب علي كسر خاطري


قلت يابن الحلال يا فار وسع صدرك


قمت واعطيته سيجاره وولعتها له


قلت كمل


قال في يوم كنت جايب لها خبزة


ويوم حطيته الا وهي تقول لي


خذ خبزك ولو سمحت لعاد تجي هالمكان


لو شفتك لأقص ذنبك..


اللي بينا انتهى


انصدمت بغى يجيني جلطه ..


قمت ورحت ذيك الليله وقررت اراقب البيت


ابي اشوف إيش السالفه.


فجأة الا وذاك الفار جايب قطعة حلاوه..


وباين عليه ولد نعمة مو مثلي طايح حظي..


شكله عايش في بيت اغنياء..


المهم حط الحلاوه وسلم عليها قدامي


قلت في نفسي اذبحه واقضي عليه....المهم تراجعت..


وعرفت ان هالدنيا ما فيها غير هالمصالح والمظاهر


وقررت ماعاد احب..


المهم كان الفار صاحبي.. شكله يكسر الخاطر


ودموعه منهمره على خده


قلت يابن الحلال يا صاحبي تلقى غيرها واحسن منها


قال الفار: المهم ما قلت لي ايش اخبار حبيبتك..


قلت تصدق مدري عنها


خلتني مع ذكراها ليل نهار


قال الفار لي: بصراحة ماحاولت تحب وحده ثانيه


قلت توك تقول (الحب دا كان زمااااان)


قال اي والله تصدق كل شئ زمان كان اجمل وأحلى


من وقتنا هذا..؟؟


العولمة ذبحتكم انتوا يالبشر


صار الجار مايسير على الجار


والاخ مايسأل عن اخوه


وكلمتكم صارت اشهر من نار على علم


(مايمديني مستعجل...عندي شغل)


وانتم ماعندكم الا الخرابيط..؟؟


قلت هذا حال الدنيا ياعزيزي الفار


قال الفار: لا تعيب الدنيا


العيب فيكم..


اغرتكم العولمة ومظاهره الكذابة


وشعارتها ونستكم قيمكم وعاداتكم


ومبادئكم الطيبة..


تذكر زمان كانت الناس على قد حالها


بس نفوسها نظيفه


اما الحين الناس صايره فوووووووووووووو وق


ونظيييييييييييي ييييييييييييييف ة


بس من برا..؟؟


اسكت ايها الفار.. قلت تبيني أخنقك !!


قال ليش كنا حلوين إيش اللي غيرك ؟


المهم انسدحت على السرير وقعدت اطالع فوق وغمضت عيني


ونمت نوم طوويل وقعدت تلفت يمين ويسار أدور الفار يا فاار !! يا فاار !!


دخل علي أخوي وقال أي فار ؟؟


قلت ها ها .. لا ولا شيء ..


ضحك وقال لي كمل نومك ..


وقعدت أضحك على نفسي لاني كنت أحلم بالفار ..؟؟


لكم تحيات
ماجد البلوي

[مشعل بن مشحن السرحاني]

ماأجمل هذه الحكايه ........
سلمت اياديك أخوي ماجد ............

[ماجد سليمان البلوي]

ماأجمل هذه الحكايه ........


سلمت اياديك أخوي ماجد ............


الف شكر لك اخي مشعل
على ردك الطيب
بارك الله فيك

[مرزوق خلف الربدي (رحمه الله)]

هلا وغلا /ابو سعد

هذا فار فاصله فيوزهـ

يفكك صاروووخ السهرهـ


دمتم بحفظ الله

[ماجد سليمان البلوي]

هلا وغلا /ابو سعد


هذا فار فاصله فيوزهـ


يفكك صاروووخ السهرهـ




دمتم بحفظ الله


هههههههه
اضحك الله سنك
يا ابو ثامر
صدقني غير احط لي صورة قطو
قبل النوم على صدري ههههههه
الف شكر يا ابو نادر
اجمل التحيات

[صقر الوابصي]

وين الفار هذا ابي اصير صديقه ..

شكرا لك...:|for you|:

[احمد جبرين الهرفي]

سلمت اناملك الذهبيه تحياتي واشواقي الحاره