{قصيدة اهداء من الشاعر فهيد الحمري الى سمو الامير سعد آل سعود}

[يوسف الحمري]

هذه القصيدة اهداء من شاعر عشيرة الحمر فهيد بن صالح الحمري الى صاحب السمو الامير سعد بن عبدالله ل سعود وقد قيلت في الحفل
الذي اقامه الاستاذ لافي مفلح السحيمي والعقيد منصور ظاهر البلوي




يامرحبا حييت ياسمو الامير = اعداد ماهل المطر من سحابه
حيوا معي وصفقوا يا جماهير = حي الامير وحي يوم لفاء به
حيوا جنابه يالوجيه المسافير = قولوا معي يامرحبا ياهلابه
سعد عبدالله من احرار مشاهير = آل سعود اهل الوفاء والمهابه
الشعر والشعار وكل التعابير = تقف وفاء امام حضرت جنابه
وانا وقفت اقول مسيت بالخير = عني وعن اهل الوفاء بالنيابه
يا طير ياطير السعد عشت ياطير = حر اشقر الجنحان كلا درابه
ياسيدي زادك معزه وتقدير = تواضعا واخلاق مع حسن اجابه
والا انت آل سعود وامجادكم غير = درع الجزيرة في نهار الحرابه
اهل السيوف اللي تقص الحناجير = حكام شرع الله ومنزل كتابه
انتم حماها بالليالي المعاسير = وحاربتم دعاة الفتن والعصابة
عبدالعزيز الفيصلي واصل السير = على ظهور الخيل واتعب ركابه
قام ابو تركي في جميع التدابير = مشى على نهج النبي والصحابه
حتى اصبحت دولة حضارة وتطوير = وتجاوزت كل الامور الصعابه
وبعده ملوكا سطروا المجد تسطير = كل مستلم مليك كمل منابه
واليوم ابو متعب عطى لكل تحذير = لمكافح الفساد عين رقابه
وسخر لشعبه كل جهدا وتفكير = وحافز نزل لكل شخص بحسابه
ونايف مع نايف محد يلف ويدير = خلا الارهابي ما يتعود ارهابه
الله يعزك يالسيوف البواتير = آل سعود اسود نجد وهضابه
والامن والامان مافيه تقصير = ياويل من هلوس وضيع صوابه
عن الوطن والدين مابه معاذير = نموت فيه ونندفن في ترابه