قصائد من ذاكرة التاريخ

[ابو سالم ابن قرفان]

السلام عليكم ورحمة الله وبركاته

يحضرني من قصيدةالشاعر سند العرادي رحمه الله

عيني بكت من ود ما توده
........... من زود ماتوده عيني ضيعت ماها
توي عرفته وتوي بحت في سده
.............. ماهو مسلم على الشياب لولاها

فجاراه في قصيدته جدي الشاعر حمد قرفان رحمة الله عليه

ياللي عيونك بكت من ود ماتوده
................... حنا مضت عندنا اللي كنها ياها
سلم علينا وترك عندنا العده
.................... وعود قوطر عن العده وخلاها
امه تبكي وتقول وليدنا رده
..................... وحنا خطانا عروسه ما لقينها

فرد عليه عمي الشاعر سليمان رحمة الله عليه بقوله

يا راكب اللي زهت في طيب العده
................. تلفي على الشايب اللي شاف حلياها
ابوي وده يرد البد عن بده
.................... والرجل يا ابوي تتبع لين ماطاها
وحنا نجيب الفوايد من ورى جده
....................... ونحوشها للأبو ونسلمه ياها
وبعض المخاليق مقاريد ومحده
................ ولا تقرب الجربا و لاتشرب على ماها



وسلامتكم

رحم الله الشعرااء جميعاً

اخوكم ابو سالم ابن قرفان

[علم غرورك عزتي مالها حد]

الله ررررررررررررررروعه

يعطيك العافيه على النقل


ورحم الله جميع موتى المسلمين

[مقرن البلوي]

صح السانه رحمه الله
مشكور على النقل

[بن صقير]

يعطيك العافيه

[حامد بن راشد الوابصي]

الله يرحمهم جميع

ماتوا ولازالت ذكراهم تصدح بأرجاء
ديارنا الحبيبة


ألف شكر لك أبو سالم

[رشيد البلوي]

الاخ ابو سالم نشكر لك هذه اللفته الرائعه اتجاه موروث جميل من قصائد قديمه من ذاكرة الاباء والاجداد
رحم الله قائل هذه الابيات واسكنهم فسيح جنانه