محسن دعيس البلوي هوجاس القصيد

[مسند دعيس القريد الوابصي]

بسم الله الرحمن الرحمن الرحيم


قصيده للأخ الشاعر/ محسن دعيس البلوي


سبحانك اللهم رب الكون ذو العرش المجيد = بديت في ذكرك ونعم الذكر لامني بديت

عبرت عما في ضميري للقريب وللبعيد= وشكيت أحاسيسي على شعري لغيره ماشكيت
البارحه بين الظروف وبين هوجاس القصيد =المعركه دارت وأنا اللي من ضحاياها جنيت
نزفت شعرٍ له مذاق وذائقة طعمه فريد= شربته العطشان وأنا أخذت قرطوع ورويت
ماهو من أطراف الجسد لكن من حبل الوريد =من صافي أحساس المعنى لاستعنت ولا خذيت
قمت أتذكر سيرة أصحاب الرسول ومايفيد= والتابعين وتابعيهم لين وقفت وقريت
وقارنت ظلم أبو لهب مع تضحيات أبن الوليد= سالت دموعي فوق خدي غصب وانامابكيت
هذا وانا قلبي حديد وضرب كفي من حديد =لكن من ياقف بصفي لاسكت ولا حكيت
ورجعت متعوذ بربي منك يابليس المريد =وسليت نفسي في غلا دنياي لوني ماسليت
أخذت رحلة عمر في مركب فكر واكبر رصيد= اكبر رصيد من التجارب بعد مابعت وشريت
ان الغني من يرضي الله قبل مرضات العبيد= وان الفقير اللي مايقنع لو عطيته ماعطيت
وان الحياه مغامره والله يدبر مايريد= واشوف رزقي في جبيني لاسرحت ولا ضويت
وعبرت عن مافي ضميري للقريب وللبعيد =وشكيت أحاسيسي على شعري لغيره ماشكيت

[مقرن البلوي]

صح السانه
رحمة الله عليه
يعطيك العافية

[ابو وليد ابن مذهان]

صح السانه رحمة الله عليه
يعطيك العافية وزدنا من القصايد الجميله
له الله يرحمه ويسكنه فسيح جنانه

[مشعل بن مشحن السرحاني]

صح لسان الشاعر ومشكور على النقل................

[مسند دعيس القريد الوابصي]

هلا الله يسعد مساكم اخواني
اعذروني لني معرف تنسيق القصيده ودمتم بخير وعافيه