ليت الزمن يرجع ....!

[زحمة مشاعر]

ياليت الزمن يرجع ورا ولا الليالي تدور

.............................ويرجع وقتنا الأول وننعم في بساطتنا

زمان أول أحسه فيه صدق شعور

...............................نحب ونخلص النيه وتجمعنا محبتنا

زمن مافيه لا غيبه ولا حتى نفاق وزور

..........................ياليته بس لو يرجع ونسترجع طفولتنا

صغار قلوبنا بيضا نعيش بعالم محصور

........................ولا نعرف أبد أغراب مغير عيال حارتنا

صحيح صغار في التفكير ولكن ماعلينا قصور

...........................نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور

.........................نحاول نزعج العالم في روحتنا وجيتنا

وعشان نأخر الحصه نخبي علبة الطبشور

..........................نشاغب بس في الاخر تميزنا براءتنا

نحب الضحك والهيصه نحب ننط فوق السور

..................نفرفش ليه مانفرفش ما دام الضحك عادتنا

ولكن دارت الأيام وبان الخافي المستور

............................وصار الهم متعلي على قمة سعادتنا

كبرنا وصارت الدنيا تصف أحزاننا بالدور

...................وتهدينا الألم والهم غصب عن عيني رغبتنا

تعبنا من بلاوينا أحد غارق و أحد مقهور

............................وكلن غارق بهمه وفي الآخر تشتتنا

وأنا ما اقول غير إلا ياليت إن الزمان يدور

...........................ونرجع للورا فتره نعدل وضع عيشتنا

[مشعل بن مشحن السرحاني]

مشكور على الاختيار الجميل................

[قاسم الرموثي]

صح لسان قائلها
وفعلا ليت الزمان يعود .
يعطيك العافية على الاختيار ...