قصيدة للشاعر بشير عرابي البلوي في اللملكة العربية السعودية وحكامها ورجالها البواسل

[أسد من أسود بلي]

بسم الله الرحمن الرحيم


قصيدة للشاعر بشير عرابي البلوي في المملكة العربية السعودية وحكامها ورجالها البواسل


قالو تشجع قلت وشو دوره = هرج بلا معناه مايرادي
أنا أبشجع كل رجل إسطوره = اللي حمو حد الوطن من غادي
اللي مشى للمعركة طابوره = بركانهم هز الجبل والوادي
بمقاتلات بالسماء منشوره = والأرض معها قوةٍ تزدادي
رجال حموها برها وبحوره = مادنسوها شلة الإلحادي
المملكة بظلالهم منصوره = هم درعها من ماضي الأجدادي
قبل المدافع محتمين سوره = فوق النظى مع قرح الأجيادي
يوم أن أبو تركي تعلى كوره = خلى الصعب يمشي مطيع وهادي
خلف وراه أبطالها وصقوره = عدوهم عنهم يروح إحيادي
والشعب هو ساس الوطن وجسوره = كلٍ بروحه باللزوم مفادي
ماجِمْعو من كل صوب وصوره = بنقال وإلا من بني هنادي
سعودي سعودي مايهاب إخطوره = يردون حوض الموت وردٍ عادي
المملكة حكامها أخوة نوره = مايقربه بوتٍ ولا نجادي
بظلال أبو متعب وحنكة شوره = صقر العروبه مخلبه قدادي
العاهل اللي وافيات إشبوره = ريف الصديق وللعنيد إعنادي
المملكة بظلالهم مسروره = هم درعها الضافي عن الحسادي
مهبط وحي والشرع هو دستوره = ونمشي على نهج الرسول الهادي
وصلوا عدد ماشع وأشفق نوره = على محمد سيد الأسيادي

[مشعل بن مشحن السرحاني]

صح لسانك على هالأبيات .....................

[خلف فالح العصباني]

صح لسان ابو سلطان

صاحب الشعر الجزل

يعطيك العافية

[أسد من أسود بلي]

صحة أبدانكم ويعطيكم ألف عافية

[مقرن البلوي]

صح السانك
رائع ومبدع جداً
شكراً

[أسد من أسود بلي]

صح السانك

رائع ومبدع جداً
شكراً

صح بدنك ويعطيك الله الف عافية

[سفير حريمل]

صصح لسآنك

قصيدة ة جزلة ة من شآعر جزل

[أسد من أسود بلي]

صصح لسآنك




قصيدة ة جزلة ة من شآعر جزل


صح بدنك ويعطيك الله الف عافية