سلام الله عليكم يابلي ياربعنا الغالين

[رامي الجهني]

سلام الله عليكم يابلي ياربعنا الغالين = بلي ولا جهينه بالنهايه كلها قضاعه = ابسولف مع الشعار وين اهل المعاني وين = وابخيل بروقن في سما الايام لماعه

[عاشق ابوراكه]

صح لسانك رامي ..

حياك الله في منتدىآ بلي بين أهلك وربعك ..

أتمنىآ أن ارىآ مشآركآتك في أقرب وقت ..

تقبل تقديري ودمت بكل ود :|for you|:

[رامي الجهني]

صح الله بدنك ياخوي عاشق ابو راكه والله يبقيك وانا لي الشرف يوم اشارك بمنتدى قبيلة بلي العزيزه ولا اعتبر نفسي غير من اهل المنتدى

[رشيد البلوي]

سلام الله عليكم يابلي ياربعنا الغالين
= بلي ولا جهينه بالنهايه كلها قضاعه
= ابسولف مع الشعار وين اهل المعاني وين =
وابخيل بروقن في سما الايام لماعه





عليكم السلام ومرحبا بالطرقه اللافين
مافيه شك وأبرك الاوقات هالساعه
يارمي انت عزيز ومن ربعأ عزيزين
والبرق مايخيله الا بدوي يدل منجاعه

[رامي الجهني]

ذلولك يارشيد الله يبارك فيك جات منين = يديها مكسره والحال مايعجبك باوضاعه= نبي ناخذ من الدله ياراع الكيف فنجالين = بعدها كان عندك علم قوله داخل القاعه

[سفير حريمل]

ع ـليك السسلآم ورحمة الله وبركاته

شرفتنا ياولد العم بحضورك

[مشعل بن مشحن السرحاني]

أااااهلاً وسهلااااً،،،،،،،،،،

[رشيد البلوي]

ذلولك يارشيد الله يبارك فيك جات منين =
يديها مكسره والحال مايعجبك باوضاعه=
نبي ناخذ من الدله ياراع الكيف فنجالين =


بعدها كان عندك علم قوله داخل القاعه





من غار مايوقع به غير الصقور الشياهين


مرقاب يصعب على اكثر الصقار مطلاعه


انا ادري بكرمك يامزود الكيل كيلين


لكن صاعك المشهور هو مين صناعه

[رامي الجهني]

وسبع انعام لكن لاتبعد نظرتك بالعين = قوافيها سليمه لكن الاوزان مرتاعه = صنعه اللي بعث خير البشر بالقارعه والتين =ولابه جن بعده لستراق السمع سماعه

[شروق الامل]

وعليكم السلام ورحمه الله وبركاته
ياهلا وغلا
فيك في المنتدى وكسب المنتدى شاعر بحضورك يااخ رامي والا يهون البقيه ونستمتع بالمحاوره بينك وبين الاخ رشيد مبدعين ماشاء الله عليكم

[رامي الجهني]

الاخت شروق الامل شاكر ومقدر لك مرورك الاكثر من رائع وكلماتك الجميله وهذا من ذوقك الراقي

[رشيد البلوي]

وسبع انعام لكن لاتبعد نظرتك بالعين =
قوافيها سليمه لكن الاوزان مرتاعه =
صنعه اللي بعث خير البشر بالقارعه والتين =
ولابه جن بعده لستراق السمع سماعه




يارامي يقولون أن بلك انها بارقابها وسمين
وسم معروف وسامه وسم مجهول طباعه
ناساً تقول انت راعيها وناساً تقول اللناس ثانين
وانا محتار وش اصدق مدري صحيح ولا اشاعه

[سعود عقيل بن مظهر السحيمي]

حياك الله اخوي رامي
ملعبه حامية الله يعطيكم العافيه

[سعيد بن مشحن البلوي]

مرحبا باخونا رامي


هلا في شاعر اجهينه عريب الاصل والجدين


لفى مسير علينا في طـريقه يعرض ابـضاعه


وحنا قوم ما يخفى عــلينا كل زين وشــــيـن


عرض بعض الذهب لاكن معرف طبع بياعه

[رامي الجهني]

انا مغنيني الله ماستعير ولا استلفها دين = صحيبك شاعر ويفهم وياخذها على ذراعه = عليك بنفسك ولا تلتفت في هرجة الغاوين =ترى الخداع في عينه يشوف الناس خداعه

[رامي الجهني]

عسى فيك البقا ياللي ترحب والله ونعمين= بلي كلن يسد بلازم الثاني على الطاعه = وحنا قوم مانخلف يابن مشحن سلوم الدين = لفينا ضيوف ماجينا ندور شريه وباعه

[سعيد بن مشحن البلوي]

[quote=رامي الجهني;824305]



عسى فيك البقا ياللي ترحب والله ونعمين


بلي كلن يسد بلازم الثاني على الطاعه


وحنا قوم مانخلف يابن مشحن سلوم الدين


لفينا ضيوف ماجينا ندور شريه وباعه








الرد سعيد البلوي


بني عمي جهينه كلهم ياصحابي فطنين


لاجاك العلم في وضح النقى ياصاحبي راعه


وش اللي مزعلك قلنا ذهب ماقالو ابلاتين


يارمي مانبي نعطيك نظاره وسـماعــــه

[رامي الجهني]

تفضل هات ذيك الجوهره لاتقول لي بعدين = مادام انك نويت تجيبها والوقت لساعه = انا ماقلتلك زعلان وانته راح فكرك وين = اخبر يديك مليا بالذهب والماس بانواعه

[سعيد بن مشحن البلوي]

تفضل هات ذيك الجوهره لاتقول لي بعدين


مادام انك نويت تجيبها والوقت لساعه


انا ماقلتلك زعلان وانته راح فكرك وين


اخبر يديك مليا بالذهب والماس بانواعه



<><>


<><>



انا ماعندي الا الرمح والا السيف ابو حدين


مادامك ماتبي لحم وشحم مع زبد ومياعه


خذ ابضاعتك رح دلل عليها بشارع الخمسين


وتلقى لها زباين بالبلد جمله وقطاعه

[عبدالرحيم عبدالله الهرفي]

صح لسانكم الجميع

محاوره تطرب البال

وابركها حزه تواجدك معنا اخي الشاعر رامي الجهني

ويالله ان تحييك

[رامي الجهني]

مكرمنا الولي عن عيشتك يامحني الكفين = واذا عندك سيوف سيوفنا للروس قطاعه = ترانا مابلشنا يابلي بمخاطب الصاحين = ولن حصلتلي مجنون احط الحبل بكراعه

[سعيد بن مشحن البلوي]

[quote=رامي الجهني;824618]





مكرمنا الولي عن عيشتك يامحني الكفين


واذا عندك سيوف سيوفنا للروس قطاعه



ترانا مابلشنا يابلي بمخاطب الصاحين


ولن حصلتلي مجنون احط الحبل بكراعه




***




هههههههههههههههههههههههههه



طعامي كبش يالحوات وانت تفضل السردين



تـقـلع للبحـر كـل حـوت والامواج زواعــه





عنه تكرم جيهينه بس لك حوتك يابو زقلين



تشيله في شليلك وان حملت الحوت بشراعه



ههههههههههههههههههه

[رامي الجهني]

نعرف الريشه اللي في جناح الطير جات منين=الا يابعدها ديرة بلي عن ديرة خزاعه = اظنك جاهل سلوم العرب لوتاصل السبعين = ووجهك بالمرق مغسول غط الوجه بقناعه

[سعيد بن مشحن البلوي]

[quote=رامي الجهني;824651]





نعرف الريشه اللي في جناح الطير جات منين


الا يا بعـدها ديرة بلي عــن ديرة خـزاعــــه



اظنك جاهل سلوم العرب لوتاصل السبعين


ووجهك بالمرق مغسول غط الوجه بقناعه

()()()

ههههههههههههه

وحن عارفين الطير الابرق مايجي لونين

بلا الله به جهينه والديار عراض ووساعه


الين اسمك يارمي زين واضن ان شلك زين

وتلبس جنز والى راحت تاخذ معك دراعه

ههههههههههههههههههههه

[رشيد البلوي]

الاخ العزيز رامي الجهني نرحب بك في منتدى بلي الرسمي
حياك الله وبياك والنعم بك وبربعك جهينه

الحقيقه اننا كنا مستمتعين ومتابعين للمحاوره الذي بينك وبين الاخ العزيز
سعيد بن مشحن البلوي

الا ان الجولتين الاخيرتين من محاورتكم للاسف بدأت تاخذ منحنى غير مقبول
بالمنتدى لذا نامل منكم التقيد بضوابط المنتدى وان تكون محاورتكم بعيده عن الاسفاف
او سوف نقفل الموضوع

ودمتم سالمين