حافي احلام

[هيثم اللحياني]

أول بيتين من هذه القصيدة أرسلتها للشاعر سلطان البوي قبل عدة أعوام و قررت أن أكملها و آخر بيتين فيها للشاعر (( سلطان البوي )) كرد على أول بيتين و الذي أتمنى أن يكون بألف خير و كل عامٍ و أنتم إلى الله أقرب


يا هيه علمني وش اسرار الايام=أشوفها تجري و انا اللي موقف
يا صاحبي قالوا تواريخ و ارقام=و شفتها رحله و ليلٍ يخوف
ماشي بهالدنيا بلا عضود و حزام=و اكذب .. أقول اني من اهل التصوف
قدمي بحر ديجور و المركب حطام=و من يبحر بأوهام بيده يجدف
كم لي على درب الأمل حافي احلام=كل ما انكسر بي حلم عنه آتعفف
و قصة خشوع احزان محراب الآلآم=قصة طفل بالخوف بات و تلحف
صب الفرح كذبة عشاشيق و آرام=على رفيقك يا رفيقي تعطف
و انا بصدق لو تساقيني اوهام=رشفة تنسيني أنيني و تخفف
قد قالها سلطان من بضعة اعوام=و لد بلي ما زل و اجزل و وصف
( هون على الخاطر ترى الخير قدام )=( كلٍّ بهالدنيا شقي و مصدف )
( امش و توقع في مواقيع الاقدام )=( و اضحك لو ان الضحك كذب و تكلف )