ياخادم البيتين هذي حقيقه

[حمود سلمان بن مخيلي السميري]

هذي حقيقه




متقاعد( ن) ماوصل الراتب الفين = ياخادم البيتين هذي حقيقه
احلف عليها والحق الدين بالدين = والقلب من قل الموارد بضيقه
الراتب ألف وتسع ميه وخمسين = ونفسي على زود التقاعد شفيقه
خدمت انا بالجيش خمسه وعشرين= هذا صحيح وثابتاً بالوثيقه
بالخط الاول كامله تسعه سنين = ونار الحرايب فوقنا والحريقه
نهجم على العدوان لله ملبين = والمؤمن اللي للشهاده طريقه
افزع لنا يا أبو الفقارى المساكين= ننخاك يا راع الكفوف الطليقه
والمملكه في خير وانتم كريمين= وافضالكم عمت شعوباً شقيقه
والخير فيك ومنك عوق المعادين = وحنا جنودك والمواقف دقيقه
رهن الإشاره مثل صف المصلين = من خلف ابو متعب ونمشي طريقه


. =حمود سلمان مخيلي السميري البلوي












.

[مقرن البلوي]

صح السانك
وهذي هي الحقيقة

[سعود السحيمي]

صح لسانك ولاهنت يالغلا

[طلال بن شليويح البلوي]

صح لسانك ويعطيك العافية على هالابيات الصادقة التي نبعت من معاناة
مصيبة والله ان يكون جزاء خدمة ٢٥سنة في حروب ودفاع عن المليك والبلاد
تقاعد الف وتسع ميه وخمسين
اقسم بالله انه شي مخجل لبلد من اغنى دول العالم

[عيد بن قيضي الوابصي البلوي]

اخي العزيز الشاعر ابو رائد

صح لسانك وبيض الله وجهك على القصيده الهادفه التي تحكي احوال الكثير والكثير من المتقاعدين
وارباب الاسر مع مانواجه من غلا المعيشه 0
ولعلها تصل الى مسامع خادم الحرمين ووفقك لله لكل خير
وتقبل سلامي وتقديري

[خالد علي فالح السحيمي]

صح لسانك شاعرنا القدير ابو رائد

والله انك ماقلت غير الصحيح وجبتها على الجرح



من ابياتي :

في ارضنا وردٍ من الغير ينشم=وردٍ نشوفه ماقدرنا نجيبَه
لقمة مواطن تنّزع من على الفم=راحت غريبه في بلادٍ غريبَه



:|for you|:



ودي و تقديري