محاورة غزلية بين بدوي وحضرية..؟؟

[ماجد سليمان البلوي]

محاورة غزلية بين بدوي وحضرية..؟؟


الحضريه:
قلنا سلام الله يا راعي الرعيه
وين الطريق اللي تودي للبلد


معنا غشيم ما عرف قيمة خويه
ضيعنا بقفار ما فيها أحد


البدوي :
يا هلا ويا مرحبا بالنرجسيه
أقلطي فالدار دارك والولد


هذيك خيمتنا ولا أنتي الخليه
ولك أمان الله في يوم الأحد


الحضريه :
ما لنا مجلاس يا رجل الحميه
مثلنا لا غاب لحظه يفتقد


غير هالهندي عساه اليوم حيه
لا عرف درب ولا هو اللي نشد


البدوي :
إن جلستوا مرحبا ضيوف عليه
وإن تعذرتوا معك طير السعد


ما يجوز الغصب لك وأنتي بنيه
لكن العوده ولازم من وعد


الحضريه :
إن عطاني الله عمر ولي بقيه
لازم أرجع مع هلي لك يوم غد


وإن تفارقنا تذكرك المطيه
وجعل يخلفنا على ديارك رعد


البدوي :
ليتني هندي معك يا الغشمريه
وإن هالهندي في المفلا قعد


ليتني وياك نرعى بالرعيه
أو ليت قلبي خبل لا رحتي هجد


الحضريه :
الله يخليك ما ني ببدويه
ما نقصني يا ولد هم ونكد


دلنا على الخط دام الشمس حيه
لا دنانا الليل هالهندي رقد


البدوي :
هذاك دربك من ورا هذيك الحويه
وأستري وجهك ولا تبديه أبد


وأن بغيتي تحطبي مالك لويه
أجعلي بيديك حبل من مسد


وسلامتكم
تحيات
ماجد البلوي

[ثاقب النظره]

هههههههههههههههههههههههههههههههههههه يعطيك العافيه وصراحه ابداع في الرد بين الشخصيتين وتسلسل رائع في مجرى المحاورة . مره أخرى أقول لك يعطيك العافيه وصح لسانك

[ماجد سليمان البلوي]

هههههههههههههههههههههههههههههههههههه يعطيك العافيه وصراحه ابداع في الرد بين الشخصيتين وتسلسل رائع في مجرى المحاورة . مره أخرى أقول لك يعطيك العافيه وصح لسانك

الف شكر اخي ثاقب النظرة
على ردك الطيب
طيب الله فالك
عافاك ربي

[مشعل بن مشحن السرحاني]

هههههههههههههههههههههه

سلمت أياديك ..............