اللغز للأخ /سعود السحيمي وجاك الموت ياتارك الصلاة معك 24ساعه فقط للحل

[شروق الامل]

السلام عليكم ورحمه الله وبركاته
اللغز تحدى لك ياسعود السحيمي ومعك 24 ساعه تحله
وممنوع عليك طلب المساعده من أي احد وهذا بذمتك تحله انت وبعد 24ساعه مطروح للجميع واذا احد قدم لك المساعده وطلع صح تقول اسم الشخص
جهز نفسك
اللغز
ياويش رجل من ماضي الازمان موجود
لكن ماحد يعرف البطن اللي احملت به
رجلاً مشهور عند أهل الهجن ياسعود
والصرب على بعدها أيضاً اشتهرت به
رجل لاعدو النشاما ماهو بمعدود
أما مهابيل العرب مربوط أسمها به


انتظرك يالدبلوماسي
أختك / شروووق الأمــــــل

[ثاقب النظره]

ههههههههههههههههههههههههههههههههههههههه الله يعينك ياسعود والله لغز يخلي الراس يفحط الليله انت وحنا بكرة:)

[الشمـــالي]

شد حيلك ياسعود الله يعينك


وتري الخاص شغال وحلة قريب :d

[مشعل بن مشحن السرحاني]

شد حيلك الله يوفقك .............

[رشيد البلوي]

تحدي جميل ننتظر الاخ سعود
مشكوره اخت شروق

[سعود السحيمي]

انا جيت
الحين يابخيله تقولى اسبوع واخرتها 24 ساعه
وبحكم انا فيها دبلوماسي نطلب ان تكون المهله اكثر بحكم انى مرتبط بالدوام حاليا والاجواء جميله وامطار ولله الحمد.

وايش جائزه اللغز ؟؟

[شروق الامل]

انا جيت
الحين يابخيله تقولى اسبوع واخرتها 24 ساعه
وبحكم انا فيها دبلوماسي نطلب ان تكون المهله اكثر بحكم انى مرتبط بالدوام حاليا والاجواء جميله وامطار ولله الحمد.


وايش جائزه اللغز ؟؟



اللحين تقول الوقت,,, عرضت عليك من البدايه اعطيك اسبوع ومارديت ولما لقيته صعب تقول بخيله ,,,,
صور اللغز وفكر بالدوام مع الاجواء الخياليه
الجائزه قلت لك عليها ويمكن طااااارت طير الله عقل عدوك شد حيلك ترا فيه منافسه قويه
الناس فكرت ويمكن عرفت الحل وانت تقول وراي دواااام

[شروق الامل]

ههههههههههههههههههههههههههههههههههههههه الله يعينك ياسعود والله لغز يخلي الراس يفحط الليله انت وحنا بكرة:)

اجل استغل الوقت وشغل مخك

[شروق الامل]

شد حيلك ياسعود الله يعينك





وتري الخاص شغال وحلة قريب :d


هلا وغلا بالشمالي
يمنع التغشيش, بما انك دخلت فكر بالحل وشرفني تواجدك وخل سعود بحاله

[شروق الامل]

شد حيلك الله يوفقك .............


وانت شد حيلك (لا) توقف عن التفكير

[مضالي وقت]

بالتوفيق ياسعود الله يعينك :|for you|: شروق غششيني وانا اختك هههههههه

[شروق الامل]

بالتوفيق ياسعود الله يعينك :|for you|: شروق غششيني وانا اختك هههههههه


هلا وغلا اللغز لك وانا أختك ولكن لا يمنع من انك تشغلي مخك :d

[سعود السحيمي]

قفص ولانفس

[ثاقب النظره]

اللغز مهجد العالم ياأخت شروق وهذا اللغز بالذات جنني وفعلا يعكس عقليه راقيه :)

[سعود السحيمي]

الحين المده 24 ساعه

وراح الوقت وانا انتظر الاجابه على هل هو قفص او نفس

[شروق الامل]

اللغز مهجد العالم ياأخت شروق وهذا اللغز بالذات جنني وفعلا يعكس عقليه راقيه :)

شكراً على الاطراء وماعليك زود وحاول تفكر في الحل وانتظر الرمعه القاضيه منك

[شروق الامل]

الحين المده 24 ساعه



وراح الوقت وانا انتظر الاجابه على هل هو قفص او نفس




هذا تحدي ياسعود والمفروض ماتسأل,,,,, ننتظر وتستمر الحياااااة


اتوقع انتهى الوقت واللغز مطروح للجميع

[الهوى الغايب]

اقول ممكن
الحـــــل ...... الخرِج الابل





الله يعطيك العافيه اخت شروق

[سعود السحيمي]

الحياه مستمره

وبعدين له ما اسئل مافيها شي

وعلى قولتك دام الوقت انتهى اللغز امام الجميع

بس تمنيت ان الوقت يحسب من دخولى وليس من وقت طرحك للغز

شدو حيلكم ياشباب وحلو اللغز

[سعود السحيمي]

عرفت الحل بس خلاص انتهي التحدي

على فكره ترى الحل سهل وغير متوقع

بالتوفيق للجميع بالحل

[الرايق]

يعطيكي العافية ياخيتي وانا ابي اكون اول الرماعين وارزق علا الله
الحل هو الربيع

[الفالح]

اعتقد الحل هو السوط

[صقر القبيله]

يعافيك يااختي شروق الامل انا اقول حل الغز القيد

[ثاقب النظره]

:rolleyes: بعد تفكير طوووووووووووووووووووووووووووووووويل وصداع ومعاناه أتوقع الحل هوووووووو(الغزل)

[زيدان البلوي]

رمعة على الطاير : البو اللي يكون بديل للحوار عند موته

[شروق الامل]

اقول ممكن
الحـــــل ...... الخرِج الابل





الله يعطيك العافيه اخت شروق


هلا وغلا والله يعافي قلبك
رمعه جميله ولكن
الحل لا ماهو الخرج الابل
وانتظر رمعه جديده ربماااا تصيب

[شروق الامل]

الحياه مستمره


وبعدين له ما اسئل مافيها شي


وعلى قولتك دام الوقت انتهى اللغز امام الجميع


بس تمنيت ان الوقت يحسب من دخولى وليس من وقت طرحك للغز


شدو حيلكم ياشباب وحلو اللغز




هلا وغلا سعود بالنسبه للوقت لو تلاحظ مااحد دخل وحط إجابه له الا بعد مرور الوقت الكافي ,ولكن انت محاوله وحده ماكتبت رمعه او نص رمعه او ربع رمعه’ بح مافيه شي كل اللي كتبته قفص او نفس وهذا اخذ 24 ساعه اشوفها مصيبه’ وانت تعرف الدخول بالمنتدى ماله وقت محدد علشان ارد عليك وقتها واختصر وقتك ,ولكن خسرت التحدى واعترف في هذا الشي لا تحطه على الوقت
ويستمر اللغز ونستمتع بالردود وتفاعل الجميع

[شروق الامل]

يعطيكي العافية ياخيتي وانا ابي اكون اول الرماعين وارزق علا الله
الحل هوالربيع

الله يعافي قلبك بذكره
هلا وغلا ورمعه جميله ولكن ماهي صحيحه واتمنى تروق أكثر وتفكر زين و وراح تلقى الحل
وشرفني تواجدك

[شروق الامل]

اعتقد الحل هو السوط

هلا وغلا لا يااخوي ماهو السوط وشرفني تواجدك

[شروق الامل]

يعافيك يااختي شروق الامل انا اقول حل الغز القيد

هلا وغلا والله يعافي قلبك بذكره
لا الحل ماهو القيد
حاول ياصقر القبيله وأن شاء الله تجيب الحل
وشرفني تواجدك

[شروق الامل]

:rolleyes: بعد تفكير طوووووووووووووووووووووووووووووووويل وصداع ومعاناه أتوقع الحل هوووووووو(الغزل)

هلا وغلا وهذا بعد تفكيررررررررررررررر طويل وصدااااااااااااااااااع ومعاناة طلع الغزل اجل لا تفكر يمكن تجي ع البركه الله يسعد قلبك

الحل ماهو صحيح ياثاقب النظره هل لك نصيب من اسمك (المعرف)

[شروق الامل]

رمعة على الطاير : البو اللي يكون بديل للحوار عند موته

هلا وغلا ابو علي شرفني تواجدك
هي فعلا على الطاير بس ماصابت الهدف ماهو البو
انا اخاف منك ومن ابو سامي بعد القارات و البنانير شد حيلك

واتوقع تطولون ماتحلونه

[مشعل بن مشحن السرحاني]

طيب أقول على بركة الله وأول رمعة

(( الوسم )) العلامة التي تشير إلى صاحب الجمل ،،،،،

[سعود عقيل بن مظهر السحيمي]

يمكن يكون الرسن

[ثاقب النظره]

هلا وغلا وهذا بعد تفكيررررررررررررررر طويل وصدااااااااااااااااااع ومعاناة طلع الغزل اجل لا تفكر يمكن تجي ع البركه الله يسعد قلبك




الحل ماهو صحيح ياثاقب النظره هل لك نصيب من اسمك (المعرف)

هلا أخت شروق أنا قصدي غزل النسيج لانه قديم ومهنه مجهولة المبتكر والصرب أشتهرو بغزل النسيج ومهابيل العرب توقعت الغزل منهم ويعرفونه أهل الهجن وكل هذا التحليل وتقولين على البركه الله يسامحك ولكن راح أسوي بحث آخر وانشاء الله اللغز هذا أنا حلاله واصير مو شيخ الرماعين بل ملك الرماعين:)

[شروق الامل]

طيب أقول على بركة الله وأول رمعة

(( الوسم )) العلامة التي تشير إلى صاحب الجمل ،،،،،



هلا وغلا ابو فيصل رمعه جميله ولكن ماهي صح

[شروق الامل]

يمكن يكون الرسن

هلا وغلا ابو محمد ونورتنا لا ماهو الرسن
وانتظر محاولاتك رغم اني حاسه مااحد راح يجيبه هذا تحدي ماهو سهل, سعود طير رأسي بالتحدي

[شروق الامل]

هلا أخت شروق أنا قصدي غزل النسيج لانه قديم ومهنه مجهولة المبتكر والصرب أشتهرو بغزل النسيج ومهابيل العرب توقعت الغزل منهم ويعرفونه أهل الهجن وكل هذا التحليل وتقولين على البركه الله يسامحك ولكن راح أسوي بحث آخر وانشاء الله اللغز هذا أنا حلاله واصير مو شيخ الرماعين بل ملك الرماعين:)

اولاً-يعطيك ربي العافيه
ثا نياً-اعتذر اذا ضايقتك أو أخطأت بكلمه
ثالثاً- ماراح اعرف اذا كنت تقصد الغزل كالنوع من انواع الشعر , او الغزل النسيج لو ماوضحت
واللي يفرق بالنطق وضع الحركات على الكلمه
وأن شاءالله تكسب وتكون اللي تبي اهم شي شد حيلك وأنتظرك يعجبني الحماس
اللغز صعب ويحتاج تفكيييييييير عميق

[سعود السحيمي]

طيب ايش المشكله اذا سئلت هل هو قفص او نفس

انتي طرحتي اللغز ورحتي وراحت معها ال 24 ساعه

المهم الاخوان ماشاء الله عليهم احسن مني وان شاء الله يحلونه

[علي بن عايش الرقيقيص]

الحل هوه تنوخ
يعرفه أهل الإبل تنوخ الإبل
وأهل صربيا يعرفو مملكة تنوخ

أاذا عدو النشاما المراد هنا النجاشي والرسول الذي ارسل له بخطاب من الرسول وإسلامه
مهابيل العرب المراد رسول هرقل وكان تنوخي

[مرزوق خلف الربدي (رحمه الله)]

هلا وغلا / شروق الامل


الخزام / هو مصنوع من المعدن او ليف النخل او الشعر اوالجلد ويوضع في خشم البعير للصيطرة على الهجين وترويضه

مبروك فوز الاهلي

[محمد فارع البويني]

يااخت شروق الامل انا قريت اللغز والردود كلها صراحة منتي هينه ولاتخافين ذكرت الله (ههههههههههه) ولكن أنا ابي افك الازمه واحله
الحل هو( الشعر) النبطي والفصيح

[صقر القبيله]

مني متأكد يمكن يكون الحديد

[زيدان البلوي]

الرمعة الثانبة: القراد

[مرزوق خلف الربدي (رحمه الله)]

هلا وغلا / شروق الامل

(الحادي ) الرجل يهيجن (يغني ) أمام الأبل يحثها على سرعة السير


إن شاء الله ماتنسين تباركِ للنصراويين بالفوز بالرياض

[مرزوق خلف الربدي (رحمه الله)]

الله أعلم إ ابو علي صاد حل اللغز

[ثاقب النظره]

ما شاء الله عليك يازيدان :rolleyes:

[ثاقب النظره]

ياربي لك الحمد كان براسي حل كويس ماكتبته هههههههههههههههههههههههههههههههههههههههه

[شروق الامل]

طيب ايش المشكله اذا سئلت هل هو قفص او نفس


انتي طرحتي اللغز ورحتي وراحت معها ال 24 ساعه


المهم الاخوان ماشاء الله عليهم احسن مني وان شاء الله يحلونه



مااقول غير الله يسعد قلبك بطاعته

[شروق الامل]

الحل هوه تنوخ
يعرفه أهل الإبل تنوخ الإبل
وأهل صربيا يعرفو مملكة تنوخ

أاذا عدو النشاما المراد هنا النجاشي والرسول الذي ارسل له بخطاب من الرسول وإسلامه
مهابيل العرب المراد رسول هرقل وكان تنوخي

اولاً - عوداً حميداً ياابو غزيل ويبقى لغز جميل بعودتك ومشاركتك وهذا يشرفني
ثانياً- محاوله رائعه وتوضيح مفيد ولكن للاسف ماهو صحيح

شرفني تواجدك

[شروق الامل]

هلا وغلا / شروق الامل



الخزام / هو مصنوع من المعدن او ليف النخل او الشعر اوالجلد ويوضع في خشم البعير للصيطرة على الهجين وترويضه


مبروك فوز الاهلي



هلا بك ياحكيم المنتدى والله يبارك بعمرك هذا الاهلي لا حضر ................ الباقي مااحفظه ,,,,اهم شي لا يزعل علينا ابو ميعاد اشوفه غايب,

بالنسبه للحل للاسف ماهو الخزام
وتواجدك يسعدني

[شروق الامل]

يااخت شروق الامل انا قريت اللغز والردود كلها صراحة منتي هينه ولاتخافين ذكرت الله (ههههههههههه) ولكن أنا ابي افك الازمه واحله
الحل هو( الشعر) النبطي والفصيح

هلا وغلا يااخوي
لالالا تخااااف محصنه نفسي وثقتي بالله ان مايصيبني الا ماكتب لي ,,,

تمنيت أن حل اللغز الشعر علشان حماسك ولكن للاسف ماهو صحيح

شرفني تواجدك

[شروق الامل]

مني متأكد يمكن يكون الحديد


هلا وغلا صقر القبيله كيف جاء معاك الحديد عندي فضول اعرف رغم أن الحل ماهو صحيح للاسف
وشكراً لحماسك ومشاركتك

[شروق الامل]

هلا وغلا / شروق الامل


(الحادي ) الرجل يهيجن (يغني ) أمام الأبل يحثها على سرعة السير



إن شاء الله ماتنسين تباركِ للنصراويين بالفوز بالرياض


هلا ابوي ماراح انسى هذا يوم عالمي لراقي
ابي اعرف كيف ركبت الحل على اللغز لا ماهو صحيح

[شروق الامل]

الرمعة الثانبة: القراد

ايش تبي اقولك يازيدان
ماشاءالله
ماشاءالله
ماشاءالله لا قوة الا بالله الله يحفظك يارب ,,,هالمره صابت الهدف
كتبت لك الخوف منك ومن ابو سامي رغم انه مارمع هالمره
صحيح القراد وممكن تفسرر لهم اللغز كيف حليته ,,,الله يبارك لك بعمرك وصحتك وعيالك ويجعل بطن جابك للجنة
انتظر تفسيرك

[شروق الامل]

في نهايه الموضوع اشكر الاخ سعود على تحمله واعتذر كان حصل شي منى خطأ غير مقصود,,
واشكر الجميع إداره ومشرفين وأعضاء وزوار على التفاعل مع اللغز والحماس الذي شجعني في المزيد من العطاء لهذا المنتدى ولهذا القسم الذي تجد فيه الحماس والمنافسه والثقافه
هذا اللغز وغيره من الالغاز اكسبني معلومات ثقافيه خرجت بإقلامكم من خلال البحث عن الحل
فشكراً من القلب للجمييييييييييييييييييع وإالى لقاء في لغزززز قادم أن شاء الله
أختكم/ شروق الأمــــل

[مشعل بن مشحن السرحاني]

ايش تبي اقولك يازيدان

ماشاءالله
ماشاءالله
ماشاءالله لا قوة الا بالله الله يحفظك يارب ,,,هالمره صابت الهدف
كتبت لك الخوف منك ومن ابو سامي رغم انه مارمع هالمره
صحيح القرد وممكن تفسرر لهم اللغز كيف حليته ,,,الله يبارك لك بعمرك وصحتك وعيالك ويجعل بطن جابك للجنة

انتظر تفسيرك




الأخ / زيدان البلوي سلمت أياديك وصح لسانك ماشاء الله عليك .....
الأخت شروق الأمل تستحقين الشكر والتقدير على هاللغز اللي أرشحه لغز الموسم لكثرة المشاركات والردود وتفاعل الجميع.........

[زيدان البلوي]

السلام عليكم ورحمة الله وبركاته
شكرا ياشروق الامل على الجهد الكبير والالغاز الرائعة والمميزة والحقيقة انتي من بعث الحيوية والنشاط في منتدى الالغاز وجعلتيه من اكثر الاقسام متابعة في المنتدى
بالنسبة لي كيف حليت اللغز:اول شي قولي انتي كيف جبتيه وربطتي كل هالمعلومات مع بعض ولا حله بسيط مقارنة مع المتاهات اللي دوختينا فيها
نرجع للحل :التحليل
ياويش رجل من ماضي الازمان موجود(كائن حي معروف من قديم الزمان)
لكن ماحد يعرف البطن اللي احملت به(امه غير معروفة)
رجلاً مشهور عند أهل الهجن ياسعود(مشهور عند اهل الابل)
والصرب على بعدها أيضاً اشتهرت به(الصرب تشتهر بهذا الشئ)
رجل لاعدو النشاما ماهو بمعدود (ضعيف)
أما مهابيل العرب مربوط أسمها به(يوصف به الشخص الهبيل)
النتيجة:بعد التفكير والتدقيق والبحث والربط والشيل و الحط اتضح ان المقصود القراد
وامه غير معروفة لانه يخرج من شجر الرمث (علميا ثبت ان انثى القراد تضع البيض في زهرة الرمث) وودائما موجود في الابل وعاصمة صربيا هي بلغراد وضعيف ويصف به الهابيل
والحل هو القراد وهو المطلوب اثباته

شكرا شروق الامل وبانتظار لغز جديد

شكرا للاخوان اللي حاولوا وهم من حمسونا اكثر واكثر
شكرا لكل من اثنى على حل اللغز واقول الله يعطيكم العافية
وعلى المحبة نلتقي ودمتم بخير

[ثاقب النظره]

السلام عليكم ورحمة الله وبركاته
شكرا ياشروق الامل على الجهد الكبير والالغاز الرائعة والمميزة والحقيقة انتي من بعث الحيوية والنشاط في منتدى الالغاز وجعلتيه من اكثر الاقسام متابعة في المنتدى
بالنسبة لي كيف حليت اللغز:اول شي قولي انتي كيف جبتيه وربطتي كل هالمعلومات مع بعض ولا حله بسيط مقارنة مع المتاهات اللي دوختينا فيها
نرجع للحل :التحليل
ياويش رجل من ماضي الازمان موجود(كائن حي معروف من قديم الزمان)
لكن ماحد يعرف البطن اللي احملت به(امه غير معروفة)
رجلاً مشهور عند أهل الهجن ياسعود(مشهور عند اهل الابل)
والصرب على بعدها أيضاً اشتهرت به(الصرب تشتهر بهذا الشئ)
رجل لاعدو النشاما ماهو بمعدود (ضعيف)
أما مهابيل العرب مربوط أسمها به(يوصف به الشخص الهبيل)
النتيجة:بعد التفكير والتدقيق والبحث والربط والشيل و الحط اتضح ان المقصود القراد
وامه غير معروفة لانه يخرج من شجر الرمث (علميا ثبت ان انثى القراد تضع البيض في زهرة الرمث) وودائما موجود في الابل وعاصمة صربيا هي بلغراد وضعيف ويصف به الهابيل
والحل هو القراد وهو المطلوب اثباته

شكرا شروق الامل وبانتظار لغز جديد

شكرا للاخوان اللي حاولوا وهم من حمسونا اكثر واكثر
شكرا لكل من اثنى على حل اللغز واقول الله يعطيكم العافية
وعلى المحبة نلتقي ودمتم بخير
يعطيك العافية على هذا التحليل وأشكر الأخت شروق على هذا اللغز والمطابق للحل 100%

[سعود عقيل بن مظهر السحيمي]

بس نفسي اعرف من اﻷخت شروق من الشاعر
اللي سوى هاللغز..

[شروق الامل]

الأخ / زيدان البلوي سلمت أياديك وصح لسانك ماشاء الله عليك .....

الأخت شروق الأمل تستحقين الشكر والتقدير على هاللغز اللي أرشحه لغز الموسم لكثرة المشاركات والردود وتفاعل الجميع.........


هلا وغلا ابو فيصل العفوووو والله يسعدني انه يكون لغز الموسم وهذا تقدير منكم فشكراً لك
وويستاهل ابو علي لغز جديد ولكن اخاااف مايدخل المنتدى

[شروق الامل]

السلام عليكم ورحمة الله وبركاته
شكرا ياشروق الامل على الجهد الكبير والالغاز الرائعة والمميزة والحقيقة انتي من بعث الحيوية والنشاط في منتدى الالغاز وجعلتيه من اكثر الاقسام متابعة في المنتدى
بالنسبة لي كيف حليت اللغز:اول شي قولي انتي كيف جبتيه وربطتي كل هالمعلومات مع بعض ولا حله بسيط مقارنة مع المتاهات اللي دوختينا فيها
نرجع للحل :التحليل
ياويش رجل من ماضي الازمان موجود(كائن حي معروف من قديم الزمان)
لكن ماحد يعرف البطن اللي احملت به(امه غير معروفة)
رجلاً مشهور عند أهل الهجن ياسعود(مشهور عند اهل الابل)
والصرب على بعدها أيضاً اشتهرت به(الصرب تشتهر بهذا الشئ)
رجل لاعدو النشاما ماهو بمعدود (ضعيف)
أما مهابيل العرب مربوط أسمها به(يوصف به الشخص الهبيل)
النتيجة:بعد التفكير والتدقيق والبحث والربط والشيل و الحط اتضح ان المقصود القراد
وامه غير معروفة لانه يخرج من شجر الرمث (علميا ثبت ان انثى القراد تضع البيض في زهرة الرمث) وودائما موجود في الابل وعاصمة صربيا هي بلغراد وضعيف ويصف به الهابيل
والحل هو القراد وهو المطلوب اثباته

شكرا شروق الامل وبانتظار لغز جديد

شكرا للاخوان اللي حاولوا وهم من حمسونا اكثر واكثر
شكرا لكل من اثنى على حل اللغز واقول الله يعطيكم العافية
وعلى المحبة نلتقي ودمتم بخير

هلا وغلا ابو علي وشكراً على الاطراء ولولا تفاعلكم ماتحرك القسم أنتم سر تميزه
وشكراً لتوضيح والتحليل وترا الربط ماهو هين
وكيف جت الفكره جنون التحدي يطير العقل والفكر

[شروق الامل]

يعطيك العافية على هذا التحليل وأشكر الأخت شروق على هذا اللغز والمطابق للحل 100%

هلا وغلا ثاقب النظره وسعيده بتواجدك وبعث روح المرح عبر تعليقاتك واشكر تواجدك المستمر
وحماسك

[شروق الامل]

بس نفسي اعرف من اﻷخت شروق من الشاعر
اللي سوى هاللغز..

هلا وغلا ابو محمد وشرفني تواجدك,
اما بالنسبه لسؤلك اللي نزل الموضوع هو صاحب اللغز
واذا اي واحد عنده شك يسدح اسمه ويجيه نصيبه بالاسم من الالغاز والميدان ياحميدان,,
وانتظر ردك وشكلي ببدأ فيك ياابو محمد اعطيني رايك ويمكن اكتب لك لغز سهل ماابي اضايقك وماتعرف تحله

[ثاقب النظره]

هلا وغلا ثاقب النظره وسعيده بتواجدك وبعث روح المرح عبر تعليقاتك واشكر تواجدك المستمر


وحماسك

أشكرك أخت شروق وتواجدك مميز وطرحك للمواضيع مميز وصدقيني أنا مالي بالألغاز ولكن لقيتها تحمس وفيها اخذ وعطا وانا حطيت براسي أكون ملك الرماعين ولو بعد حين:d

[سعود عقيل بن مظهر السحيمي]

استفساري ياشروق ماهو استنقاص فيكي لاسمح الله
بس ماتوقعت انك شاعره ..
وطيب ليش دافنه مواهبك؟
وبعدين انا ماتحداكي زي سميي انا مسالم..

بالتوفيق وانا اخوك

[شروق الامل]

استفساري ياشروق ماهو استنقاص فيكي لاسمح الله
بس ماتوقعت انك شاعره ..
وطيب ليش دافنه مواهبك؟
وبعدين انا ماتحداكي زي سميي انا مسالم..

بالتوفيق وانا اخوك

هلا وغلا ابو محمد انت كبير ومقامك عالي وان شاء الله بعيد عن استنقاص الناس,,
والثقه موجوده بالنفس...,,
ماتتوقعون شاعره هذا شي عادي لانه مااحد يدري اني اكتب الا القله ’
ماهي مدفونه ولكن تقدر تقول شي خاص اللي اكتبه ,,,
سميك الله يسلم قلبه اشوفه شاد حيله ربي يقويه,,,,
واشكرك على طيب خلقك ,,,,,,,