قصيده للشاعر ناصر عبدالله العرادي

[راعي حمده]

بسم الله الرحمن الرحيم


السلام عليكم ورحمة الله وبركاته

نقدم بين ايديكم اليوم قصيده
للشاعر / ناصر عبدالله العرادي
بعنوان (وجهة نظر)

املين من الله ان ترضي ذائقتكم الشعريه
وان تحوز على رضاكم واستحسانكم



وجهة نظر بقولها ماهي لقافه وانتقاد
واللي يصيبه شك منها يلحقه منقودها
اصحابنا الغالين في درب الجفا والابتعاد
تظاهروا بالضحك لي والغيظ وسط كبودها
والغلطه اني مامشيت من اول بدرب(ن) حياد
هذا ثمن وصل الصداقه والجفا مردودها
اخلصت من قلبي وهم بقلوبهم ليه سواد
الله خلق ذيك القلوب وعالم(ن) مقصودها
وليالنا بكره تعلمنا وندري بالوكاد
والمستحيل ان الليال البيض تشبه سودها
واللي يقول اصبر ياناصر كلها كبوة جواد
اقول له ما تثبت الحجه بليا شهودها
وشرهة الطلقه من البندق على راس الزناد
ولا ينقبل عذر(ن) يساوي نقصها مع زودها
احترت في هذا الزمان الحر مع وقت البراد
والنـاس لاقـالت تراهـا ماتـوفِ وعـودهـا
والصقر في تالي الزمن يلد عينه للجراد
هذي حقيقه واضحه يصعب علي جحودها
واللي يغر من الرسن لونه على ظهر الشداد
كنه سحابه روحت وقفت تحن رعودها
ما سيلت راس الجبل ما بينت بارض(ن) شداد
يعني يموت الوارد الضامي بجال اعدودها
ولاخاب ظني بالقريب اكيد مابرجي بعاد
والزمل ويش يعينها بالحمل لولا عظودها
تمت وانا خايف يطيح ستارها بين العباد
ومن بعد ماني منتقد ترمي علي منقودها



الشاعر / ناصر عبدالله العرادي