نصيحه

[محمد موسى العرادي]

http://im37.gulfup.com/HsoMr.gif (http://www.gulfup.com/?UhSjcj)





هذي القصيدة نصيحه موجهه لابني (( موسى ))


بتاريخ 29/3/ 1434هـ


http://im36.gulfup.com/P820k.gif



موسى تعال اليوم واسمع وصاتي
افهم وصاتي يابني يوم اوصيك
اول صاتي لك تقيم الصلاتي
ليا قمتها ربي من الشر ينجيك
والثانية تدفع حقوق الزكاتي
ومن مالك اللي تحت تصريف اياديك
والثالثة صوم رمضان بتقاتي
وتصح عن اللي في نهاره يثانيك
والرابعه حج الحرام ياغناتي
تلبس حرام تقول لبيك لبيك
هذي فروض الله علينا ثباتي
واقول جعل الله يطول لياليك
حافظ على اخوانك عال وبناتي
رحب بضيف الله لاجاك ناصيك
وصلت الرحم تنفعك بعد المماتي
وتغليك عند اللي ليا غبت يبكيك
ووصيك في صحبت ارجالا ثقاتي
اللي بوقت الضيق كلا يناديك
وجنب عن اللي مثل شمس المراتي
وقت الرخاء كلا يحبك ويغليك
خلك سوات الصقر بالنايفاتي
ولا تمن شيا تبذله بيض اياديك
خلك حليم ميزا بالصفاتي
بعض الغضب عن كلمة الحق يغديك
ربعك على سترك سوات العباتي
بالحر ولا البرد بشتك يغطيك




http://im36.gulfup.com/P820k.gif (http://www.gulfup.com/?o8HFCp)

[محمد عطالله بن سهيه]

صح لسانك ابو موسى