اهداء لسعادة العقيد منصور منقره

[سعد بن رشده السرحاني(رحمه الله)]

http://up.arabseyes.com/uploads2013/10_12_13138665347013211.jpg (http://up.arabseyes.com/)


.............
لقيت لي صوره بها حروف قيفان
لفتت وفا بين الرجال الوفيه

لابوسعد فيها تحيه وعرفان
منصور راع المرجله والحميه

النادر اللي للمواجيب عنوان
بالطيب والنوماس مافيه زيه

من قبل لايلبس على الكتف نيشان
صيته تراث جدود ماهي عريه

مناقره لاثار بالجو دخان
ياما حموها فوق سرج العبيه

ربعاً لهم بالمرجله والكرم شأن
بالوقت ذا وايامنا الآوليه

يستاهل التمجيد قولاً ببرهان
والمدح لآهل الطيب حقاً عليه

والصوره اللي طيبها للعرب بان
وقفة وفا فيها إحترام وتحيه

سطر معانيها سلايل كحيلان
عبدالرحمن محمد ابن سهيه

تحمل مشاعر صادقه بين الآخوان
من طيبهم كلاً يقدر خويه
...........
مع تحيات
سعد هويمل السرحاني البلوي

[رشيد البلوي]

والنعم بالممدوح والمادحين
الناس شهود الله في أرضه
صاحب الطيب والعلم الغانم
يشيد به البعيد قبل القريب

يستاهل العقيد منصور منقره هذه الاشاده
التي ماجت من فراغ
شكراً للشاعرين

[عز الرفيق]

هلا اخوي سعد
ابيات جميلة ونعم بالمادح والممدوح
مميز كما عودتنا دئما
تقبل تحياتي

[سعد بن رشده السرحاني(رحمه الله)]

الاخ العزيز
رشيد البلوي
كما قلت العلم الغانم يبقى عند اهله
وانت راعي علم غانم بيض الله وجهك
الف شكر لمرورك وكلماتك المميزه
وتقبل سلامي

[سعد بن رشده السرحاني(رحمه الله)]

الغالي عز الرفيق
بصدق انت اسم على مسمى
بارك الله فيك
وحياك اينما كنت
لك مني مليون تحيه وسلام

[خالد علي فالح السحيمي]

أخي الغالي وشاعرنا القدير سعد السرحاني

صح لسانك وبيض الله وجهك

وصح لسان الشاعر بن سهيه

والعقيد منصور منقره من الرجال اللي نفخر بصيتهم وعلمهم الغانم



ودي و تقديري

[مشعل بن مشحن السرحاني]

من قدم الطيب يجزى بطيب مثله

ويستاهل الممدوح وصح لسانك......................

[سعيد بن مشحن البلوي]

ونعم بالمادح والممدوح
والمناقره فخر للشعر والمدح فيهم شرف
الله يعطيك العافيه على الطرح المميز