قصيدة: الشاعر عوض الله ابو مشعاب -والقبر

[مسند دعيس القريد الوابصي]

عوض الله
ياقبر قلي عن زمــــان الاقامـــــه
كم عام يقدر ينتقل منـك راعـــيك
ودي توضح لي شروط السلامــه
من ضمتك من ظلمتك من بلاويك



الـقــبـــــر
ياعوض الله من ينشد يثمن كلامه
راجع خطيـاتـك وراجع حسانيـــك
تبقى بجوفي لين يــوم القيـــامه
محدن يجي عندك ولا يتصل فيك



عوض الله
وان كانت الاعمال خامه وخامـــه
منها ذهب صافي ومنها سراميك
ممكن تفيد المعــذره والنـــــدامه
بعد نزولي بالكفن في ضواحيـك

الـقــبـــــر
فوقك ليـا جات النصايب علامـــه
ثـنتيـن توضع عند راسك ورجليك
ماعاد ينفعـك العتــب والملامـــه
من حيـن روحـك ترتفع عند باريك

عوض الله
يـاقـبــر مـادورت مـنــك الكرامـــه
ارجـو عـفـو ربـي ولانـي بـراجيك
اللي بـديـه الامـر مـاسك زمامــه
رب الملـوك ورب كـل الـمـمـاليـك

الـقــبـــــر
ياعوض الله في هذا التحدي غشامه
ابــلا عمـل ماهـو مناسب تحديـــــك
اوصيـك عـهــد الله صــون الـتــزامــه
منـي ومن بـعـدي مـن الـنــار ينجيك

عوض الله
ياقبـر زودت المخـــاوف جسامـــــه
زدنـي نصايـح نافعه قبل ما جيـــك
اخاف اجـي لك فوق ظهري غرامه
وتسديدهـا مايقبل الدفـع بالشـيـك

الـقــبـــــر
اقـرأ كـتـاب الله وافـهــــم نظامـــــه
وتلقى الذي يعني لغيـرك ويعنيـــك
واختـار مـايعنيـك وامسك خطامـــه
مادمـت حـي خطام الاعمال بيـديك

[مسند دعيس القريد الوابصي]

عبره لمن يقراها

[محمدسليمان البلوي]

الله يعطيك العافية يامسند على نقل هذه القصيدة الثمينة المعبرة عن الحال الذي سوف نمر عليه جميعا بﻻ استثناء

القبر...وماادراك ما القبر

صح لسان صاحب القصيدة الشاعر/عوض الله ابومشعاب...