إحترص وأحذر النمام ..؟؟

[ماجد سليمان البلوي]

إحترص وأحذر النمام ..؟؟

ياطارد الدنيا تراها تحاربـــــــْــك
تخدعْــك بالمظهر وجمع الملاييـــن

مرّات تضحك لك ومره تحاسبْــك
ترميك من عالي القمم لاسفل الطين

ارجع الى الله قبل تبنى نصايبْـــــــك
واجعل رضاربّك لمشيك عناويــــــن

واخْـذ العبر والمعرفه من تجاربْـــــــك
ولا تطيع النّـفس تدخلْــك في الدّيــــــن

وابعد عن الأنذال مادام شاربْـــــــــــك
وادمح لزلاّت الخوي والقريبيـــــــــن

ولْوالدينك برهم ولْـقرايبْــــــــــــــــك
وابذل لهم برّك على الراس والعيــــن

واللّـي من اوّل كان خــصــمٍ لشايبْـــك
هذا عدوٍّلك وشرّ المعــــاديــــــــــــــن

لاتأمنـه لو كــان بـالودّ قــاربْـــــــــك
عدوّ ابــوك يعلّــقــك بيــن نـــاريــــــن

واختر من الأصحــاب منهــو يناسبْك
واحذر من اهل الغــدر لو نطقهـم زيــن

واحذر من النمّــام يوصل مراكبْــــــــك
ويكرّهــك باللّـي لشخصـك محـبـيــــن

واللي نوالك شـــرّ ماهو بصايبْــــــــــك
الكل بامر الله ولامــره ذلــيليـــــــــــن

وان كان ماجــاك الفرج من قرايبْــــــك
وشعــاد ترجـي عند ناسٍ بعيديــــــــــن

وان كان ماجـاك الفرح مـن حبـايبْــــك
احسن تقفّــي عن حــبايب مقفّـــــــن

ابو غريب يقول يارب طالبْــــــــــــك
تحسن خواتمنــا وتقضي لنا الديـــــن
وسلامتكم..
من البريد..
ولكم تحيات
ماجد البلوي

[رشيد البلوي]

صح اللسان قائلها قصيده جميله
تحتوي على نصائح قيمه
شكراً أبوسعد

[مسند دعيس القريد الوابصي]

وانت سالم وغانم
وصح لسان شاعرها قصيده من أجمل القصايد
وشكرا لك أبو سعد

[مشعل بن مشحن السرحاني]

صح لساااان الشاااعر .........