قرات لك::: حسب تجارب الأولين

[م. أحمد بن حسن البلوي]

محمد الثبيتي @حسب تجارب الأولين ,,,,,,, رااااائعة:

الأوله
اترك مسافة كافية بينك وبين الآخرين
بعض البشر ودك حدود المعرفة معهم سلام

والثانية
اصمت ولاتحرص على كثر الكلام الصمت زين
اللي سكوته ساتره يمكن يعريه الكلام

والثالثة
إذا تكلمت احذر تكون أطول المتكلمين
السالفة لاطولت يضعف معاها الاهتمام

والرابعة
أمزح ومزحٍ باللسان أخير من مزح اليدين
مزح الرجال العاقله على حدود الاحترام

والخامسة
اضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بابتسام

والسادسة
أكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام

والسابعة
احلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام

والثامنة
إذا شريت بدين لاتبطي على المتجملين
كلٍ حلاله غاليٍ عنده لو إنه مايسام

والتاسعة
لاجاك مديونك معه بعض الوفى وبعضه لحين
فأستد باللي جاك وش دراك لله الدوام

والعاشرة
ترى التغافل فيه لذه وانشد المتغافلين
وإن جات كلمة توجع أطلقها مع سرب الحمام

والحادية عشر
أرضى ليا جاك الرضى لو العذر ماهو سمين
وترى التسامح ميزة السادة رفيعين المقام

والثانية عشر
أصدق مع نفسك وتلقى نفسك من الصادقين
والنفس خيل أبليس لاتعطيه نفسك واللجام

والثالثة عشر
ليانصحت انصح خفى لاتفضحه فالحاضرين
ترى الرجال يقودها لين الحكي قود الخطام

والرابعة عشر
إذا تسولف عن طموحاتك مع المتفرغين
كنك تسولف للنصارى فالحلال وفالحرام

والخامسة عشر
العمر ماهو فرصةٍ وحدة ولاهو بفرصتين
مع كل مطلع شمس لك فرصة وخطوة للأمام

والأخيرة
لا زالت تعلمنا الليالي والسنين
والعلم خير من الجهل والنور جلاي الظلام ..

وسلامتكم:|for you|: :|for you|: :|for you|: :|for you|:

**** سبحان الله وبحمدة سبحان الله العظيم ***
*سبحان الله * الحمد لله * لا اله الا الله * لا حول ولا قوة الا بالله * والله اكبر*
:|for you|: :|for you|: :|for you|: :|for you|: :|for you|: :|for you|: :|for you|: :|for you|: :|for you|: :|for you|:

ٌ

Sent from my GT-N7000 using منتدى قبيلة بلي الرسمي mobile app

[مسند دعيس القريد الوابصي]

صح لسانك
والله يحفظك ويرعاك

[م. أحمد بن حسن البلوي]

صح لسانك


والله يحفظك ويرعاك


مشكور على المرور وصح بدنك :|for you|: :|for you|: :|for you|: :|for you|: :|for you|: