تفاعل الشعراء مع خبر استشهاد العميد عوده البلوي وزملائه

[رشيد البلوي]

http://bluwe.com/kleeja/do.php?img=1115 (http://bluwe.com/kleeja/)
عند ما اعلن نباء استشهاد العميد عوده معوض البلوي وزميليه من رجال حرس الحدود بمنطقة الحدود الشماليه
تفاعل الكثير من الشعراء مع هذا الحادث الاليم الذي ارتكبته يد الغدر والخيانه ومثل هذا الحوادث الغادره
لن تزعز أمن البلد وترابط شعبه الوفي بجميع اطيافه حول قادته الحكيمه
وقصائد الشعراءمن جميع ارجاء الوطن حول هذا الحادث تبين هذا التلاحم
ومنتدى بلي يتقدم بأحر التعازي واصدق المواسه لمقام خادم الحرمين الشريفين وسمو ولي عهده الامين

وسمو ولي ولي العهد ولحكومته الرشيده وعوائل واقارب المتوفين والشعب السعودي النبيل

في هذا المصاب الجلل الذي طال عدد من رجال الامن البواسل

نعرض لكم بعض من القصائد التي تفاعل شعرائها مع هذا الحدث




(أعـــداد وتنسيــــق // رشـــــــــيد البلوي)


.................................................. .................................................. .........................................

http://bluwe.com/kleeja/do.php?img=1129 (http://bluwe.com/kleeja/)

نعـزي بـلي في عوده الحـر ابن هواش
شهـيد الوطن عسى ملافـيه بالجـــــــــــنه
نعـزي وطـنا وكل من في ثـراه اعـتاش
في النـادر اللي سـاق روحــه بــلا مــــنه
ورفيقه زميله طــارق الطيب الحـــــــواش
وعـزانا بـهم ماتـو على الشرع والســــنه
على ارض الوطن ماتو وفيهم كرامة جاش
لون الليالـــي ماخــــــذن مايــردنـــــــــه
سماها غطاهم وارضها للكرام افـــراش
تحضن نفوساً مابها الشـك والظـــــــنه
سقى اقبورهم من وابل المرزمات ارشاش
من الوابــل اللي من هـدبهن يسوقـــــنه
وطــنا وطــنا لاتحــظن عــيـــال الــلاش
تحـظن حـراراً لجـلك العمر يـبــرنــــــه
لاعاش الردي بأرض الكرامـه هنا لاعاش
يعــيش الكريم اللي نثــر هـيلـه وبــــنه
ونعــزي وطـنا فيك يالحـر ابن هـــــــواش
شـهيد الوطن عسـى ملافيك بالجـــــنه

شعر عبدالكريم الصويدر البلوي




http://bluwe.com/kleeja/do.php?img=1102 (http://bluwe.com/kleeja/)

لك يا محمد من بني عمك سلام
ما انت الوحيد اللي فقد غالي عليه

لابوك بصدور العرب قدر ومقام
هو راعي الوقفات والفعل النزيه


عوده معوض لا انذكر فعل الكرام
كريم في روحه وفي مدة يديه


من الجمل يأخذ من القسم السنام
وجهٍ يشرّف لأنذكر بين الوجيه


اطهر من اللي ما عرف دمٍ حرام
واشجع من اللي برر الغدر ورضيه


بالبيض يقضي يومه بذكر وصيام
وكفٍ يدافع عن وطنا ويحميه


شهيد ما له من كفن غير الغمام
مودّع الدنيا لـ مجدٍ يعتليه


شعر//أحمد عايد البلوي




http://bluwe.com/kleeja/do.php?img=1101 (http://bluwe.com/kleeja/)

بلغوا داعش ليا منها نوتنا
دون حد الدار بأحفاد الصحابة
دون عبدالله و داره لا نختنا
ما نهاب الموت يا محلا شرابه
دون حد الدار كم حنا عفتنا
من رجال الحرب و رجال الحرابه
للقياده ننتظر لا وجهتنا
كل ابونا دونها مثل الذيابه
بالعقيده والذخيره سلحتنا
والوطن والله يامغلا ترابه
نهجنا القرأن والسنه حمتنا
عزنا فيها وزادتنامهابه
انعمي بالستر يادارن ربتنا
لا يهمك من سواليف العصابه
أسألك يالله تحفظ مملكتنا
والملك والشعب ياالله الاجابه




عقيد متقاعد / صالح بن صميد الميهوبي البلوي

http://bluwe.com/kleeja/do.php?img=1104 (http://bluwe.com/kleeja/)

قام الفجر سمّا وفسّر ذراعة
وضا وصلى في خشوع ومذله
لله وحده سجدته وانصياعه
هذا هدى الاسلام مذهب ومله
مايدري ان العمر حان انقطاعه
في يومه اللي تو مازال ظله
يالله تلهمني من الصبر ساعة
على الفقيد اللي رحل عن محله
لاشك خلقك .. وهْبتك .. والوداعة
لكن حزني _ ضمن خلقك _ جبلّه
هذا الكريم السبع نسل السباعة
هذا الكرم والجود كاره وحلّه
منخا العزاز اهل الكرام والقناعة
ياقف معك بالعون دقه وجله
سمح اللقا .. وانقى الطبايع طباعه
لا شي عن فعل المكارم يشله
هذا العرادي من بلي من قضاعة
وسمٍ على التاريخ كلن يجلّه
عميد ركن معمّدينه قطاعه
اقصى شمال المملكة قايدٍله
قالوا مهمة قال سمعٍ وطاعة
الخوف ماعقّب رخا وامن .. لـّـه
حرٍ على العسرات ياطول باعه
اليا دخل ميدانها يستحله
لايامحمد جعلها لك شفاعة
ابوك عينه بالرضا مسفهلّة
يقول _ خير الخلق جود وشجاعة
من لانطق الا بوحيٍ من الله _
: ( المسلم ان صلى الفجر في جماعة
فــهو بذمة ربـــه اليـــوم كلــه )
أو مثل ماقال وتواتر سماعه
رواه مسلم واخرجه في سجلّه
االشاعر/ سلطان الوثر العرادي





http://bluwe.com/kleeja/do.php?img=1105 (http://bluwe.com/kleeja/)


بمان الله ياعوده بمان الله يالغالي
بمان الله يالقلب الجسور وعالي الهمه
تقدم بالرجال وصار الاول ماهو التالي
سقى الحدالشمالي في نهارالكون من دمه
يثور الملح والبارود والصالي على الصالي
يشم بخشمه البارود ما عد إنه يشمه
ثبت بالموقف اللي ياخذ الارواح طوالي
تقدم شايلا" عمره على كفه ولا همه
فقيده ع الوطن والشعب ماهو لي انا لحالي
أسدضم الوطن بضلوع صدره والثرى ضمه
ابا اصرف له تحية عز واميل له عقالي


وابا افخربه فخر من نومسه موقف ولد عمه


الشاعرعبدالله مناحي منقره البلوي




http://bluwe.com/kleeja/do.php?img=1121 (http://bluwe.com/kleeja/)

ابتدي بسم الااله الواحد الفرد الصمد
ما لغيره نبتهل ولاخضعنا بالسجود.
باسطآ سبعه ورافع سبعه ابليا عمد.
وكل شي مايصر الابامره بالوجود .
قولو الزمره عليها ابليس ينفث ويعقد.
داعش الي خالفت للشرع ونقضت العهود .
الوطن دونه ارجالآ مخلصين بالعهد.
الولاء والعهد لله ثم عطوه السعود .
يرحم الله عوده الي انتفض مثل الأسد .
يوم قالو ان داعش وصلو إلين الحدود .
ماخشى صوت الرصاص الي كما صوت الرعد .
واجهه بي كل شجاعه وبي عزم وصمود .
مرخص بروحه لجل يحمي ثرى هذا البلاد .
ياعسى جزاه عند الله جنات الخلود .

الشاعر أرشيد عنيزان الهرفي البلوي




http://bluwe.com/kleeja/do.php?img=1108 (http://bluwe.com/kleeja/)

حي الشهيد وحي وقفات الابطال .
حي الرجال ابصد كيد المعادين .

موت الشرف يبقى مخلدللاجيال .
يبقى مسطر بالكتب ودواوين .

حي البطل عودة شهيد الوطن نال .
نال الشهادة جعلها با لمو ازين .

فادا بروحة قال عن الوطن قال .
انا العميد اباقف احماة لدين.

قام اوتقدم قال ماعندنا اشكال .
الي رجع للحق لة مستعدين .

ولا درى عن غدر شينين الاعمال .
يدالغدر شلة قلوب المسلمين.

غادر عن الدنيا عن الدار رحال .
عساة فالعلياء رفيق النبيين.

وياء الزملاة اكيد مضرب للمثال .
لعلهم في روض خضر البساتين .

الله يـعظـم اجرنا فـي رجال الطيب
رجـال الوطـن واحدودنا دوم محميه
الاولــه عـوده مـعـوض عـرادي لَـيب
قـايــد وطـناّ فـي حــدود الـشـماليه
الـقـايـد الحـلحيل مايقبـلـك يالعـيب
ضـحّا بـروحـه لاجـل دار السعوديه
والـثـانيـه مـرحـوم ياطــارق اللّهـيب
يـاجـعل روحــك بالـجـنان الـمعلـيـّه
والثالثه مايشوف شرالجروح اتطيب
سـالم عقيد القوم في ساعة الـهيـه
والـرابعه عـمّـام فاسق يجر اذنيـب
مـاهـو كـفـو لـمـواجـهة جيش بريه
الكـلب غير النّبح والـرّيـب والتكذيب
ولا الرجال ازحول علماً على امطيّه
ماغير ايهابد امهابد ولاظنتي بيجيب
مادام عــالاسـلام حـنا عـلـى ضيّه


الشاعر: هاني علي الصريبطي.

http://bluwe.com/kleeja/do.php?img=1109 (http://bluwe.com/kleeja/)

ان خلد التاريخ شجعان وابطال.
من ضمنهم عوده معوض نعده.
رجال واللي وقفوا حوله رجال.
مثل الاسود لضدها مستعدة.
حد الوطن صاروا على ترابه جبال.
وسيوف لارقاب العداء مستحدة
قصة بطولتهم تدرس للأجيال
كيف الوطن نحمي ترابه وحده.
ترفع لهم بيضاء على راس ماطال.
تبقى على طول الزمن مستجدة.

الشاعر المهندس //زيدان علي الهرفي

http://bluwe.com/kleeja/do.php?img=1110 (http://bluwe.com/kleeja/)

مرحوم يامن سقت عمرك هديه
يله عسا في جنة الخلد ملفاك
لجل الوطن ماقلت وين السريه
ماقلتها والمنطقه تحت يمناك
عوده معوض قال عمري عطيه
تفاخرت ربعك بلي في سواياك
شجاع من نسل الرجال القويه
ماخاب منهو للمهمات سماك

شعر//عزيز حامد العرادي

http://bluwe.com/kleeja/do.php?img=1111 (http://bluwe.com/kleeja/)

الكل يرثي من رحل دون داره
عوده معوض راح فــدوة وطنا
ماهمنا لو شنو الفرس غاره
مدام هذا الحــر رجال منا
النصرحنا وانتم اهل الخساره
والغدر منكم واهل الاسلام حنا
بلـي تشرف فيك ب أول صـداره
فــي ضل عبدالله وقايد بلدنا
ماهو حزن باالفعل هاذي بشاره
شهيدنا عوده وهـذا فخـرنا
من عينه قايد ووقع قــراره
رد المعـادي عن وطنا وعنا
مسكين ياللي خان دينه وجاره
عساه في بـــلاوه لا يمتحنا

شعر : مسند بن دعيس البلوي

http://bluwe.com/kleeja/do.php?img=1112 (http://bluwe.com/kleeja/)

اليوم والله كن قلبي على نار .. من يوم جاني علم والله يا شينه
عوده معوض من رجاجيلن احرار .. انا اشهد ان موته يجيب الغبينه..
مرحوم يا قايد دفاعه عن الدار .. ضحى بنفسه يوم ربي عوينه..
رجلاَََ شجيع وبالمهمات صبار.. مقبل على العدوان من دون دينه ..
واحنا بلي دون الوطن نشعل النار .. فدا فدا دون الحرم والمدينه ..
واحنا بلي ما همنا كل غدار.. باقدامنا عند الملاقا نهينه
.. ودون الوطن والله نضحي بالاعمار.. يشهد لنا التاريخ بأول سنينه ..
رقيب اول متقاعد / سالم سليمان ابن زيد الوحيشي

http://bluwe.com/kleeja/do.php?img=1113 (http://bluwe.com/kleeja/)

http://bluwe.com/kleeja/do.php?img=1117 (http://bluwe.com/kleeja/)




http://bluwe.com/kleeja/do.php?img=1114 (http://bluwe.com/kleeja/)


حي الشهيد وحي وقفات الابطال .
حي الرجال ابصد كيد المعادين .
موت الشرف يبقى مخلدللاجيال .
يبقى مسطر بالكتب ودواوين .
حي البطل عودة شهيد الوطن نال .
نال الشهادة جعلها با لمو ازين .
فادا بروحة قال عن الوطن قال .
انا العميد اباقف احماة لدين.
قام اوتقدم قال ماعندنا اشكال .
الي رجع للحق لة مستعدين .
ولا درى عن غدر شينين الاعمال .
يدالغدر شلة قلوب المسلمين.
غادر عن الدنيا عن الدار رحال .
عساة فالعلياء رفيق النبيين.
وياء الزملاة اكيد مضرب للمثال .
لعلهم في روض خضر البساتين .
شعر//فهد عواد الميهوبي
http://bluwe.com/kleeja/do.php?img=1116 (http://bluwe.com/kleeja/)

ياحدود المملكه دونك شجاع
العميد اللي تصدى للفتن
عوده معوض ولحظات الوداع
ماتراجع عن دفاعه للوطن
أرخص النفس العزيزه للصراع
يوم داعش ودة عبور الحصن
يابلي والفخر باسمك يذاع
هذا ابومحمد تصدى للمحن
صايم البيض ولاعنده خداع
مادرى عن تصاريف الزمن
ياوطن كلنا عوده وأمرك مطاع
مايهم الجرح لأجلك والحزن


محمدسعدالعرادي -الوجه

http://bluwe.com/kleeja/do.php?img=1107 (http://bluwe.com/kleeja/)

الله يحسن عزاكم يا بلي في الفقيد

ويعظم اجر السعوديه بفقد الشجاع

ماخاب من حطه القايد وحطه عميد

نطح عدو الوطن رواه كيف الدفاع

عزمه يسوقه وراسه فيه باس" شديد

من دون حد البلد روحه جعلها وداع

الله يقبلك يا عوده وجعلك شهيد


لاجل الوطن كل مانغلي ونملك يباع.

شعر//امجدعوض سعيّد الفاضلي.

http://bluwe.com/kleeja/do.php?img=1122 (http://bluwe.com/kleeja/)

مبروك ياعوده بنيل الشهاده
حيا الشجاع اللي وقف بالمهمات

مات العميد مدافعاً عن بلاده
لا ماتتقا واكتفا بالخفارات

وطارق معه بالخلد دار السعاده
ياالله ترحمهم وتغفر لمن مات

والوايلي يمشي بحكم القياده
مرافق القايد وجتله سلامات

جاه الصواب ودخله للعياده
وبامر الولي يطيب من هالاصبات

ولك الفخر يالمملكه والسياده
ماعاش من ينويك غدراً وحيلات

حنا جنودك والوفاء صار عاده
وحنا فدا للمملكه بكل لحظات

حب الوطن مغروس يوم الولاده
يجري بشرايين السعودي لساعات

الشاعر/محمد سويكت العنزي.

http://bluwe.com/kleeja/do.php?img=1107 (http://bluwe.com/kleeja/)

مرحوم يا عوده يا حامي الحدود
يا فخر بلي ياللي للصعيبات منقاد


ذودك عن الوطن وعن ارض الجدود
وكلنا نفدي الوطن ضباط وافراد
قيك يفتخر كل الوطن وحنا شهود
مرحوم يا صقرنا يا حامي البلاد
ويا داعش خذ العلم والعلم ماهو يعود
أرض الوطن غاليه وحنا دونها افراد
ويالله تحمي وطنا من شر الحسود
وتهلك عدو الدين والخاين المنقاد

قصيدة الشاعر/بندر مسعد المحيسني البلوي

http://bluwe.com/kleeja/do.php?img=1107 (http://bluwe.com/kleeja/)



مرحوم يافخر الوطن وأرض الاسلام
يافخرنا يالله عسى الخلد فالك
قدمت روحك للوطن درع وحزام
ماهبت غدار الوغى يوم جالك
بلوي نعم فخر للاجيال قدام
بلوي نعم درب الشجاعه خصالك
بلوي نعم مجدك بقا طول الأيام
بلوي نعم عزٍ لعمك وخالك
بلوي نعم نفقدك مابين الأعمام
بلوي نعم ياطيب والله فعالك
ادعوا معي رب الكريمين الإكرام
ياالواحد العالي عزيزٍ جلالك
تدخل لنا عوده بجنات الانعام
وتقبَله ياربي شهيدٍ لجا لك
نحسبه والله يحسبه رب الآنام
يالله تقبل دعوة اللي عنا لك

الشاعر / ملوح عواد بريكان الخولي البلوي

http://bluwe.com/kleeja/do.php?img=1107 (http://bluwe.com/kleeja/)

مرحوم يالي دون حد الوطن مات
. عميد ركن ومن شيوخ العرادات
. عوده معوض مات لا شك ما مات ..
. . شهيد واجب عند رب السماوات


.من لابتا يوم العصور القديمات
... مهاوشه بالهوش لبسو وسامات ..


أهل الكرم والجود في ما مضى وفات
. . حتى ذلول الضيف نالت كرامات .


... وابو محمد له مواقف شريفات
. بالمرجله والطيب نال الشهادات .

الله يرحمك ويسكنك فسيح جناته ..
سويرح خشيبان العرادي البلوي

http://bluwe.com/kleeja/do.php?img=1107 (http://bluwe.com/kleeja/)
ماهو فقيده يا عرب في قضاعه
الا فقيده للوطن عطر الارواح
عوده توفى مير يا طول باعه
صايم وقايد والشهاده لها راح
ياما مدحنا تسلم النا ذراعه
في جنة الفردوس يارب لا طاح
القايد المطنوخ والجهد باعه
دون الوطن في وقت زوغات الارماح
نفرح بعزك والكرامه بضاعه
يالي جنيت اغلى ثمنها والارباح
محلى الشهاده موفي اليوم صاعه
محلى الشهامة والمروه ليا صاح
ماني معدد في وصوفك قناعه
لان الشعر ما اوفاك نوره بالاصباح
انت الوفى والجود رمز الجماعه
انت الوطن والطيب والسد بك باح

( صالح الجهـــني)
http://bluwe.com/kleeja/do.php?img=1107 (http://bluwe.com/kleeja/)

دون الوطن والدين راحو رجاجيل
لكنهم فازو بكسب الشهاده
راحو غدر من حابلين المحابيل
ولا فكلن مصبعه في زناده
من جاه يومه راح لو كان حلحيل
الموت حق لابغا الحي صاده
بس الفخر لياوزعن المحاصيل
حيث الشهيد ينال كل السعاده
عساك ياعوده بزين المنازل
في جنة الفردوس تنعم براده
وطارق ويحيى شاربين الفناجيل
الكل منهم عزوتة في بلاده
الشاعر/ ابراهيم راشد الكويبين


http://bluwe.com/kleeja/do.php?img=1107 (http://bluwe.com/kleeja/)


اللـه مــن علــم لفانــي بالاعــلام
بـــث الخبــر مـن شامها لايمنهـا

استشهد القائد ولا خاف الألغام
دون الوطــن وقـف حياتــه رهنها

مـاخــاب مــن خلاه للحد مقـدام
ضد العـدا والنفس مغلـى ثمنهـا

يـاللــه ياللــي بالمقــاديــر عــلام
تكتــب لعوده روضـةٍ مــن جننها

حنى عليكم يـا عدوين الاسـلام
المملكــه تخســون تاطـو ردنهــا

نبقى لها يالمعتدي درع وحزام
مثلــك ولا حــرك عيــون اوجفنها

اليــد وحـده شعب مـع يد حكـام
كــل الروافـض لا لفــون انغبنهـا

ويـاللــه ياللــي بالمقــاديــر عــلام
تكتــب لعــوده روضــةٍ مـن جننها

الشاعر / سالم بن صقيرالصريبطي البلوي

http://bluwe.com/kleeja/do.php?img=1107 (http://bluwe.com/kleeja/)

حناء بلي لاحك عودا رأس عود
ارواحناء ماهي عليناء غاليه
نذود بالقوه أو بالانفس نذود
حتى نصف الاوله والتاليه
نزير للهجاء كماء تزير الأسود
دوله ولكن للملوك امواليه
عن دم عوده مايصاحبنا ركود
في عون من يحي العظام الباليه
النار شبوها نبي نصمد صمود
الرؤوس تطبخ غيض ماهي ساليه
دقو طبول الحرب مافيها قعود
مادام وصلت رؤوس قومان عاليه
جنود داعش والنصارى واليهود
دارت عليناء أحداثها المتواليه
عيدو علا التاريخ تاريخ الجدود
في شعلت الهيجاء احرقو هالجاليه
آثار ما دونه مراسيم أو حدود
شلت ثعالب في صحاري خاليه
اما يعم النصر والعالم شهود
ولا تروح أبطالها متاليه

(سليمان سالم محمد الميهوبي البلوي)

http://bluwe.com/kleeja/do.php?img=1107 (http://bluwe.com/kleeja/)


للمجد صفحات يكتبها مداد الذهب
ولاكل من رامها ياصل لصفحاتها

تاريخ الامجاد يحفظ في كتاب العرب
وعوده معوض تعطربه سجلاتها

في ساحة المجد يظهر لك عريب النسب
ويسوق روحه ويزهد في ملذاتها

بأرض الشمال العزيزة في صباح النشب
عطر بدمه ثرى عرعر وساحاتها

لمواجهة ثلة صارت لثلة ذنب
تلبس من العار مايفضح مساراتها

وبلادنا دونها الموت الحمر والحدب
وارواحنا لاجلها في كل وجهاتها

تفخر بعوده بلي من للشهاده كسب
وتفخر به ارض الوطن واعظم رجالاتها

فالح محمد ابوذراع البلوي

http://bluwe.com/kleeja/do.php?img=1107 (http://bluwe.com/kleeja/)

لبي النداء وكان الله داعيه .

وارخص العمر حين الحق ناداه

ضد الوجيه اللي سعـت درب الخـراب

ما خابـت الهقـوات لـو جـار الزمـن

و اليا دعاهم داعـي الواجـب يُجـاب
تبّت يديـن اللـي علـى عوده عـد ن

و خابت ظنون اللي توّهـم بالسـراب

يا رب مـا خيّبـت مـن فيـك استعـن

يالله عسى دعـواي عنـدك تستجـاب
يالله عسـى منزلك جـنـات عــدن

ي البطل اللـي لا تـذل و لا تـهـاب !!


الشاعر المضلي /سلطان بن مرزوق النجيدي

http://bluwe.com/kleeja/do.php?img=1107 (http://bluwe.com/kleeja/)


احسن الله عزاء المملكه بالفقيد
عوده بن معوض راعي الاوله
ماتوخر بساعه جا النهار الشديد
جعل جنات رب الكون هي منزله

الشاعر / حمدان مرزوق البويني

http://bluwe.com/kleeja/do.php?img=1107 (http://bluwe.com/kleeja/)

ياربوعنا هذا القدر والمقادير
والله يصبر شعبنا والجماعه
الله يجازي كل واحد بكم خير
وترحم عميدآ محتزم بالشجاعه

سعود بن مظهر

.

http://bluwe.com/kleeja/do.php?img=1107 (http://bluwe.com/kleeja/)

القايد الي قتل في يوم الاثنين
في الواجب استشهد ودون الوطن مات

بسبب وفاته والله ان حن حزينين
مماحصل لو ماعرفناه بالذات

غلاة ربعه ثم غلى الارض والدين
وقصة هل التخطيط واهل الخيانات

ووقفته دون الحد ظد الملاعين
دواعش التكفير واهل الخيانات

شاجع وجدانه على الحرب ظارين
والنعم ياالشجعان جمع البلوات

وقفاتهم تعرف بكل الميادين
ومع الملك عبد العزيز اكبر اثبات

والي قرى التاريخ فيه البراهين
ومعا رسول الله بكل الغزوات

وتشهد لهم غزوات موته وحطين
وافعالهم تعرف جداد وقديمات
لمااعتلو ع الخيل مثل الشياهين
وتشهد لهم عوج السيوف المحنات

ياالله عسا عوده جنان الرضيين
نطلب له المعبود رب السموات

انقل تعازي باسم( يام )السلاطين
باسمي واسم ربعي لكم ياالبلوات




الشاعر // سالم بن عبدالله بن ظهيره ال فروان اليامي (تبوك)

[رشيد البلوي]

http://bluwe.com/kleeja/do.php?img=1107 (http://bluwe.com/kleeja/)

مايبلش الرجال ~ لا قابل إرجال
إما رضا للحق ← وألا رضو به

مايبلشك كود الردي نذل الافعال
يقول توبه .. لين ترضى بتوبه !!

بلي .. لها تاريخ ماضي ولا زال
تحفظ عهدها .. ماتحكحك جنوبه

رديهم دون الوطن يشعل إشعال
نار اللقا سقم العدا في حروبه

ولو هي على الافعال وشبورن طوال
وفسر الزنود .. ونطح نوبه ونوبه

ماكان •عوده• بالغدر مات مغتال
تدرجو لين وصلو .. وإغدرو به

إستسلمو ← لكن بهم طبع محتال
لما عجزو عنه .. كذا فجرو به

تفكيرهم كله .. متاهات وخبال
ألينها من عند ربي ← عقوبه

واما الشهيد ألي له الدمع همال
بكت عليه الناس .. لما درو به

مامات منهو جاب من صلبه أشبال
ألي أبوهم .. والمخاطر تلوبه >

وقف على حد الوطن درع وجبال
دون الوطن رمح العدو صار صوبه

وألي بدمه .. سطر المجد بأمثال
ضحى .. وربعي كلها إتفاخرو به

وألي بإسمه تفتخر فيه الاجيال
مضرب مثالن للشجاعه دروبه

والله يرحم عوده بكل الاحوال
ويجعل له الجنه ويغفر ذنوبه




الشاعر//أسعد إبراهيم السحيمي

http://bluwe.com/kleeja/do.php?img=1107 (http://bluwe.com/kleeja/)

البارحة كني على الخد ملطوم .
هاض القصيد امن اولة مستويلي .

تطلع نجوم اوتختفي بعدها انجوم .
ونا على مقيل فكري دليلي .
سجيت رجلي ولفضاء كلة اغيوم .
اقول وش ذنب الشهيد القتيلي .

وش ذنب من عينة جفاها حلا النوم .
قال اسهري ياعيون لاتشتكيلي .

انا على ثغرت وطن حاكم القوم .
حقن علينا نفعل المستحيلي .
سمع النداء قال استريحو ونا اقوم .
دامة زهم بسمي ميبغى بديلي .

نهض وقام وقال لبية مخدوم .
كانك دخيل ابشر بزبن الدخيلي .

الي رجع للحق فدار محشوم .
يبشر بخير انكان عمرة طويلي .

لحضة شوي الاسنى النار مسموم.
يد الغدر شالة زنود الفتيلي .

ياز مرة التكفير فدين معصوم .
قتل النفوس الطاهر يا هبيلي .

تدري الشهيد ايموت بالمسك مختوم .
ونتة ومثلك مات موتت ذليلي.

مرحوم ياعودة فاللحاد مرحوم .
موت الشرف شرفت فعلك جزيلي .

بطل الحدود اسمك بطل جيت بقدوم .
ما هي غر يبة يا لحصان الاصيلي.

وياء ازملاك ابطال وشبال وقروم .
عساء مقابركم لمزن المخيلي ..




..شعر.. مسلم مناورالرشيدي

http://bluwe.com/kleeja/do.php?img=1107 (http://bluwe.com/kleeja/)





لازعزع أمن الوطن خاين ونذل وحسود،

بلي لها وقفتأ دون الوطن وتحماه ،

تقدم ارواحها دون الوطن بالحدود،

وأكبر دليل العميد اللي بروحه فداه.

الموت لو زاد لحماية وطنا نزود ،

عسكر وشيبان وشيوخ وشباب ورعاه ،
حبأ ورثناه من عهد الآبا والجدود .

حب الوطن عند ربعي مثل فرض الصلاه..

عطاالله ابراهيم ابن فهيد الزبني

http://bluwe.com/kleeja/do.php?img=1107 (http://bluwe.com/kleeja/)




يابلي نادى المنادي صبرنا مايحتملنا*
والفخرفي كل حد من الحدود مجددينه*

نادو لمطنوخ يام اللي يعزي في بطلنا*
ودي اسلم عليه وودي اقبل جبينه*

والله إنا يامطنخ يام فيكم ماجهلنا*
يامنومسة المحازم بالرصاص ان حل حينه*

ووالله إنا يامحازم يام لامنا زعلنا*
ناصل العلم البعيد ونبرد كبود الغبينه*

ووالله ان لو مالحمول معلقه ذروة جملنا*
غير يكبر شقها وان يتعبون مخيطينه*

مانسوق اقدامنا للمرجله لو ماصملنا *
وان صملنا كل قبر نودعه جثه دفينه*

موتنا دون الكرامه حقنا في ورث اهلنا*
من على وقت الرسول وفتح مكه والمدينه*

مثل ابن هواش بالناموس يوم انه شملنا*
ثانيآ ساق الصمايل ممن حدود الحصينه*

المدايح بك تنومس وان ضربنا بك مثلنا*
انت عبرود المشوك في نحور اهل الضغينه*

وانت ضلعآ يتعب الراقي بسفحك ياجبلنا*
في حدود البر ضلع وبالبحر برج وسفينه*

زغردي يااخت الشهيد وجددي ماضي سملنا*
وعلمي بنات حواء للتحمل والسكينه*

علميهن دام رب الكون خصك في بطلنا*
ان لبطون النسأ فضل وفضايلها ثمينه


















الشاعر/سليمان حمدان ابن جبيل الميهوبي البلوي













http://bluwe.com/kleeja/do.php?img=1107 (http://bluwe.com/kleeja/)

دون الوطن والعارعودة فقدناه
في جنة الفردوس تبنى قصورة
ياالله عسى في جنة الخلد مثواه
يامنبة حب النوى من بذوره
سعد الخوي والجار ومن كان ينصاه
نعم العميد اللي طوالن شبوره
فادى بعمره مايفكر بدنياه
ونفسه على قدر الليالي صبوره
عارعليناكان داعش تركناه
على المنافذحافرينن قبوره
صرحن عن العدوان حناحرسناه
ولاداعش الفيران بصمة وصورة
حنا بضرى اللي تركع الناس لرضاة
لحكم ابومتعب واخوات نوره

الشاعر : عبدالله عايش السحيمي البلوي












http://bluwe.com/kleeja/do.php?img=1107 (http://bluwe.com/kleeja/)


لازعزع أمن الوطن خاين ونذل وحسود

بلي لها وقفتأ دون الوطن وتحماه ،

تقدم ارواحها دون الوطن بالحدود،

وأكبر دليل العميد اللي بروحه فداه.

الموت لو زاد لحماية وطنا نزود ،

عسكر وشيبان وشيوخ وشباب ورعاه ،
حبأ ورثناه من عهد الآبا والجدود

حب الوطن عند ربعي مثل فرض الصلاه..

الشاعر //عطاالله ابراهيم ابن فهيد الزبني

http://bluwe.com/kleeja/do.php?img=1107 (http://bluwe.com/kleeja/)

للمجد قمه وممشى ومجلاس
ولطيب فعل والشجاعه فراسه
عوده تقدم يوم دقن الاجراس
من دون حد المملكه زاد باسه
نمرن يهوش وبطشته كلها باس
دون الوطن ماحط كرس الرياسه
اقدم على موته وكله على ساس
يعلن عن الشعب السعودي حماسه
ارسالتن تاصل دواعيش الانجاس
من ياصل حدودن لنا جز راسه
وربعي بلي وان دق بالقلب هوجاس
تدعس على داعش وربعه وناسه
ايه ابلوي وافخر وللمجد نبراس
الموت ماهبناه نشرب بكاسه
الشاعرتركي خليفه البلوي

http://bluwe.com/kleeja/do.php?img=1107 (http://bluwe.com/kleeja/)

حناء بلي لاحك عودا رأس عود
ارواحناء ماهي عليناء غاليه
نذود بالقوه أو بالانفس نذود
حتى نصف الاوله والتاليه
نزير للهجاء كماء تزير الأسود
دوله ولكن للملوك امواليه
عن دم عوده مايصاحبنا ركود
في عون من يحي العظام الباليه

النار شبوها نبي نصمد صمود
الرؤوس تطبخ غيض ماهي ساليه

دقو طبول الحرب مافيها قعود
مادام وصلت رؤوس قومان عاليه

جنود داعش والنصارى واليهود
دارت عليناء أحداثها المتواليه

عيدو علا التاريخ تاريخ الجدود
في شعلت الهيجاء احرقو هالجاليه

آثار ما دونه مراسيم أو حدود
شلت ثعالب في صحاري خاليه

اما يعم النصر والعالم شهود
ولا تروح أبطالها متاليه

(سليمان سالم محمد الميهوبي البلوي)

http://bluwe.com/kleeja/do.php?img=1107 (http://bluwe.com/kleeja/)

الله من قلبٍ عظيمه كسايره..
وضيقٍ وعوقٍ واسعاتٍ دوايره..

ماكنها الا هيمٍ هملٍ تعاقبت..
ميراد بدوٍ يابساتٍ وقايره..

والرجل مهما كنّ علّته وردها..
عينه تبين ما لجا في ضمايره..

الارض تنبي بالذي داج فوقها..
والعزّ ينبي بالعزيز وعشايره..

والفخر ما يكسب من المال والترف..
بالروح وزناد الشجيع وذخايره..

والمرجله تعرف ولدها وعودها..
وعمادها يوم الرجاجيل حايره..

امثال عوده طيب الله دفنته..
ومثواه في يومٍ تلضّى سعايره..

فاداى بروحٍ يعلم الله غلوها..
ماهي بعنده عند خايب سرايره..

فاداى بها في وقتها ما يسومها..
وناطح رماح القوم والقوم غايره..

الحر ينطح ما تغرر من القفا..
والا الردي ما ينطح الا غرايره..

مرحوم ياطود الفخر شامخ النبا..
مرحوم يا"كسر"الضمير و"جبايره"..

مرحوم ياعم المراجل وخالها..
مرحوم يا رجلٍ حميده مسايره..

تبكيك فزعات الرجال وقبالها..
ويبكيك مسهاج الرضى في بدايره..

فاديت في روحٍ عسى الخلد دارها..
من دون دارٍ دونها النفس ثايره..

يوم انتثر دمّك على ماهد الثرى..
مسكٍ على كف الثرى من نثايره..

بارت بك اللي ماعرف عرقها الوفا..
غدّارةٍ مكارةٍ عين جايره..

بارت بك اللي سلمها الكذب والخنا..
تاخذ من الدين المنزّه ستايره..

دوافعٍ ماهي على ملّة الهدى..
راع البصر فيها يضيّع بصايره..

وان راح عوده في وجوبه ورفعته..
حنا كماه بماقفه وبمصايره..

الروح من دون الوطن مرخصينها..
والموت نفرح به وننطح نذايره..

عساه في ظل الولي واسع الذرى..
في يوم ينسى كل بَرٍّ برايره..

واللي معه في واجبه والاجل..
في جنة الفردوس تجعل قرايره..

لشاعر//ناصر منصور منقره البلوي

http://bluwe.com/kleeja/do.php?img=1107 (http://bluwe.com/kleeja/)

لاواهني اللي الشعب ذادي
وعن الوطن قدم حياته هديه

سعادة القائد بالنفس جادي
قدم حياته لين صارت ضحيه

خدمة وطن والدين أقوى المرادي
يبغي الشهاده مع حياه سرمديه

الموعد الفردوس يوم المعادي
مع خيار الخلق صبح وعشيه

لبس الحلل والمن مطعم وزادي
كرامت المولى لمثله عطيه

نلت الشهاده ياعريب الجدودي
منيه تحقق للنفوس الابيه

أقسمت بالمعبود رب العبادي
على كتاب الله من صدق نيه

وكانت حياتك كلها في جهادي
نيتك يا عوده صارت مطيه

أهني( بلي) كافه شيوخ وفرادي
وخص أبن هواش راعي الحميه

بفقيدكم يوم ذاد عن البلادي
بحزم وعزيمه والشكيمه قويه

يالله في الفردوس بسمه ينادي
مع رسول الله ( جدي) ونبيه

والمعذره ودي بمدحه يزادي
بعوده نهني لا عزاء بال أسيه

وأختم بذكر الله من أقصى فؤادي
وصلاة ربي على شفيع البريه

الشاعرالشريف/ محمد بن حسن البركاتي

http://bluwe.com/kleeja/do.php?img=1107 (http://bluwe.com/kleeja/)

يـالـعـلـي الـعـظـيـم ويالـسـمـيـع الـمـجـيــب
يـالـعـزيـز الـحـكـيــم ويــالـــرءوف الـحـمـيــد
يالـغـفـؤر الـشـكـور ويـالـقـديـر الـحـسـيـب
يـالـخـبـيـر الـبـصـيــر ويـالـعـلـيـم الـمـجـيــد
ثـم أصلـي علـى وجــه الـرسـول الحبـيـب
صـفــوة الـخـلــق سـيـدنــا وخــيــر الـعـبـيـد
بعدهـا عــن رحـيـل الـلـي رحيـلـه صعـيـب
جـيـت اعـبــر وعيـتـنـي حـــروف القـصـيـد
كـن شعـري يقـول أن كــان عقـلـك لبـيـب
مـوت عــوده مـعـوض فــوق كــل النشـيـد
وصف موت الشجاع يفوق شعر الأديب
الـنـبـيـل الـكـريــم أبــــو الـيـتـامـى الـعـمـيـد
فـيـه جـرحـآ بسـيـط وفـيـه جـرحـآ عطـيـب
وفـيــه حـزنــآ قـريــب وفـيــه حـزنــآ بـعـيــد
والـمـصـائـب تــبــدل ضـحـكـنـا بـالـنـحـيـب
ومـوتــك اكبرمصـيـبـه يـالـخـلـوق الـفـريــد
كـــل واحـــد بـكــى لـمـوتـك بـعـيـد وقــريــب
والـحـزن مــا تـــرك فـــي مملكـتـنـا سـعـيـد
ان تحدثـت عـن شخصـك كـريـم وحبـيـب
فــقــت بـالـجــود لـلـطـائـي ولابــــن مـهــيــد
وان تحدثـت عـن طيـبـك ماخلـيـت طـيـب
امتـلـكـت الـوفــاء والـطـيـب وانــتــه ولــيــد
وان تحـدثـت عــن ماقـفـك مـيـقـاف ذئـــب
لـلـمـنـاعـيـر شـــيــــخ ولـلـمـعــانــد عــنــيـــد
وان تحـدثـت عــن عـزمـك وردت القـلـيـب
بـيــن مـاضــي تـلـيـد وبـيــن حاضرمـجـيـد
ويوم دون الوطـن ضحيـت ماهـو غريـب
خـابـر أنــك عـلـى الـعـدوان بـاسـك شـديـد
أنت رمز الشجاعة وأنـت ساسـك عريـب
مـاقـفـك ضـــاف لـلأمـجــاد مــجــدا جــديــد
مـــن قبـيـلـه لـهــا تـاريــخ حـافــل رحــيــب
حــر مــن مـاكـر الاحـــرار سـاســك جـويــد
من بلي مكرميـن الضيـف سقـم الحريـب
وارثـيــن الـمـراجـل مـــن حـفـيـد ال حـفـيــد
وأنــت يــا بــو محـمـد كــل فعـلـك عجـيـب
فيك مـن نخـوة ابـن العـاص وأبـن الوليـد
أنـت مـن كـل منـبـع مرجـلـه لــك نصـيـب
رجــــل ديــــن ومـتـواضــع ورأيــــك ســديـــد
انــــت لـوغـبــت عــنــا سـيـرتــك مـاتـغـيــب
يـالــعــرادي لـــــو يـبــيــد الـجــبــل مـاتـبـيــد
جرحـنـا مــن فـراقــك حـــار فـيــه الطـبـيـب
كـــــل مـاحــنــا تــذكــرنــاك عــــــود جـــديـــد
اه ليتـك تجـي مـن عقـب طــول المغـيـب
وتنـظـر الـجـرح وتـشـوف الـعـذاب الاكـيـد
انـتـمـنــى ولـــكـــن الــمــنــى وش يــجــيــب
لـــو يـفـيـد الـمـنـى مــاكــان نـبـكــي فـقـيــد
لــكــن يالله يـالــلــي لـلــدعــاء تـسـتـجـيـب
تكـتـبـه يـاكـريــم الــوجــه عــنــدك شـهـيــد
واسكـنـه جـنـة الـفـردوس وانـــت المـثـيـب
واجـعـل القـبـر روضـــه يالـعـزيـز الحـمـيـد
وارحـــــم امـواتــنــا يـالـمـطـلـع يـالـحـسـيـب
وعيضنـا خيـر عـن فـرقـا البـلـوي العمـيـد
يـالـعـزيـز الـحـكـيـم ويالـسـمـيـع الـمـجـيـب
ياعـظـيـم الـرجــاء يـــا فـاعــل لـمــا يــريــد

شعر : ناصر بن عليثه المحياوي الجهني




http://bluwe.com/kleeja/do.php?img=1107 (http://bluwe.com/kleeja/)








الله يرحم من توفى على الحد
وجعل الجنه مسكنه في الحوده
لومات عوده فعله ايعد ويعد
لن البطل فى نفسه اثبت وجوده
ابوجه المهاجم متوانا ولاصد
في ساحت الميدان يقدم اجنوده
فعل الرجال لى دون الوطن سد
الله يكثر من مثايلك عوده
ابطال بالميدان يدن على يد
الكل منهم باذلن فى جهوده
لو ابا مجد وش اقول وش اعد
فعل اشجاعه ثابتاتن اشهوده
عساه وخوياه فى جنت الخلد
الى فعايلهم اجزال محموده

الشاعر سلامه عتيق الهرفى البلوى

http://bluwe.com/kleeja/do.php?img=1107 (http://bluwe.com/kleeja/)

عزي اصحاب الوطن بالصاحب
وجميع ربعه مع رجال الجود
واللي من الأرهاب جانا ساحب
انـبـشّـره بالنار والبارود
من لايضحّي للوطن متلاعب
ماعنه لا ناشد ولا منشود
ياعوده معوض شهيد الواجب
عليك رحمة ربنا المعبود
واللي معك من جملة المراتب
وأهل الشجاعه حبلهم ممدود
ﺎيامنا مغـلوب ولا غالـب
والزود عند اللي ركع بسجود
بالوقت هذا كثرة المذاهب
والخلق كله بين نقص وزود
لونّها بالمال والمناصب
الملك لله ثم ابن داؤود
ولونّها بالجاه و المراكب
هداج تيما ماوراه إعدود
لكن الأمانه خيرة المكاسب
ودينك وبر الوالدين الفود
يالله حسن الخاتمه للطالب
والحمد لله ثم لبن سعود
يالله عفوك حقق المطالب
في جنة الفردوس ياودود
تمت وصلى الله عد المشارب

على رسوله عد ماهبة النود

عواد حمدان الشنوطي البلوي

حمد معوض معوض وماجور
وانا ادري انك فاقدن لك وليده
وماقدر الله يابن الاجواد مقدور
والصبر بالانسان خصله حميده
والموت مثل الخلق منهي ومامور
وكل ادمي يجري معه في وريده
مافي يدينا اجال واحزان وسرور
عبيد والله مكتلف في عبيده
وتبغى المهم اللي كتبنا له سطور
اسمع وخذ مني حقيقه اكيده
ماانت بوحيد انت بمشاعرك مخشور
عوده على شبه الجزيره فقيده
حنا معك يا محمد احساس وشعور
وقلوبنا من حر جرحك وقيده
كل السعوديه معك جوك طابور
من الرضيع الى الملوك الرشيده
وحنا عرب واخوان بالدين والشور
وعدونا بالموت الاحمر نكيده
ياخوي لاتحزن وعش وانت مسرور
وهامتك من فوق النجوم البعيده
عوده شلع يم الفخر شلعة صقور
وانهى كفاحه في نهايه سعيده
باذن الله انه فاز في جنة الحور
ونفسه على الله نحتسبها شهيده
اللي وقف لعداه مع شقة النور
يوم ابرزوا له دون سابق وعيده
ليثن وقف واجنوده سباع ونمور
واستشهدوا دون الوطن والعقيده
وعوده مع اهل الخير بالخير مذكور
طيب وفاء حتى الشجاعه فريده
واخذ الكلام مع الناس مشهور
المرجله ماهي عليكم جديده
انتم بلي مافيكم شكوك وقصور

روسن على صكات بقعاء عنيده

الشاعر/محمد ربيعان الرشيدي

http://bluwe.com/kleeja/do.php?img=1107 (http://bluwe.com/kleeja/)

يقول عوده معوض مات مايعتبر مات

نال الشهادة والوطن يفتخر فيه

دايم عقيد الجيش عند المهمات

اوامره تمشي وهو فوق كرسيه

وعوده مسكهم مسكة الذيب للشاة

لولا الغدر جاب الدواعش بيديه

هذي تعازينا لكل العرادات

واخص فيها ابنه محمد واذاويه

الشاعر / فهد الميهوبي

http://bluwe.com/kleeja/do.php?img=1107 (http://bluwe.com/kleeja/)

ماني معزي بلي في موتتك يالعميد!!
الا بهني بلي في سيرة ابطالها .
يكفي بلي عن عزاها في مماتك شهيد!!
واظن دنيا الفنا دايم هذا حالها.
العمر بعته ياعوده بالنهار الشديد!!
وشريت سيرة شرف ياعلو منزالها
. انا ادري انك على الي يعرفونك فقيد !!
عساك في جنة الفردوس وظلالها .
وعندي طلب من بلي قدام ختم القصيد !!
على اسم عوده تسمي قادم اعيالها.

الشاعر/ ناير سلمان المرواني

http://bluwe.com/kleeja/do.php?img=1107 (http://bluwe.com/kleeja/)

ربعك بلي أهل الحمى و الحمية
تنومسوا يا عودة و خسروا عداك
أهل السيوف المرهفات الندية
فرسانهم كم قالوا لعايل .. هناك
ترفع لكل الرآية .. ما هيب بلوية
رآية وطن ترفع لمثلك و شرواك
يا سويف دونك مرخصين المنية
عودة بنازف دمه الطاهر أرواك




الشاعر والناقد الأدبي : فرحان الفرحان




http://bluwe.com/kleeja/do.php?img=1107 (http://bluwe.com/kleeja/)
جلجلي يا طبلة الحرب الضروس
وأعلنيها حرب واقرب يالقتال
والله اني فوق داعش غير ادوس
لعنبو مقدارهم صفع النعال
الاسد واقف لهم عيا يشوس
لين رد المعتدي حامل ذلال
يسبق العسكر وعزمه ما يروس
يفدي بروحه وطن قبل الرجال
عوده اللي للمراجل طيطموس
اشهد انه درع حامي للشمال
ما إنخلق مثله ولا مثله هجوس
بالشجاعه والكرم مضرب مثال
ولعوها حرب تشبه للبسوس
لابتي يا لابتي مابه عذال
ياقضاعه صدرك اليوم محموس
والعلاج بدم داعش لو يسال
افتحو باب الشمال بلا فلوس
جت بلي تطحن عداها بالنزال
ولعت حربٍ صلاها ومحسوس
لين تعرف شلة الفرس الحلال
إتخسون اذناب فرسٍ ومفروس
مالكم بالدين موقع او مجال
علفتكم فرس والتوجيه روس
وانتم المستعبدين بهالريال
البراءه منكم انتم يالنجوس
والبقى للدين يا أشباه الرجال

الشاعر / أحمد موسى العرادي البلوي

http://bluwe.com/kleeja/do.php?img=1107 (http://bluwe.com/kleeja/)

عوده رفع روسنا من فوق هام السحاب.

جدد فعول الجدود ولا قصر دونها.
عساه بالجنه الخضراء وحسن الثواب.
هنوا بلي زي ماكنتم تعزونها.
حيوا شهيد الوطن حيوا عريب الجناب.

وأصحابه الي معه لازم تحيونها.
أرواحهم قدموها خدمة للتراب.
عن ديرة يقهر الشيطان من دونها.
ياالله تقبل شهادتهم وتبر المصاب.
وترجعه للديار الي ثنى دونها.
الوايلي ساق عمره مارجع برتياب.
عز القبيله وعز الي يعرفونها.
وحنا بلي نارد حياض الوغى مانهاب.
وكل القبايل لهم وقفه يقفونها.
قولوا لداعش مشى في ليل ولا ضباب
ديارنا يعلم الله مايطبونها.

حنا حفاد الصحابه حافظين الكتاب.
وسنة محمد رسول الله ومظمونها.
ماهمنا غدرة الحاقد ونبح الكلاب.
ياهل الظلاله ديارنا لا تمرونها.

قصيدة الشاعر /سعد فالح الاشينق البلوي




http://bluwe.com/kleeja/do.php?img=1107 (http://bluwe.com/kleeja/)


والله ان الداعشي لوكان يعقل
ماتحرش في مناعير الجزيره
إن جهل حنا على جهله بنجهل
لين نقطع دابر الروس الشريره
في قيادة قائد(ن) لقال يفعل
قائدالأمة ومقدام المسيره
المليك اللي من أجل الشعب يعمل
جابر العثره وحلال العسيره
والعضيد اللي من أجل الدار يزعل
حامي احماها وزيزوم المغيره
قائدالقوة وزير الجيش الأمثل
راحت العدوان من جيشه كسيره
من فداهايوم جاها الشر جحفل
شب نار الحرب واوقدها سعيره
غير إبن نايف عطيب الكف الأخطل
لين شتت شملهم في كل ديره
قائد الحد الشمالي ماتزلزل
البطل يمشي علي سيرة وزيره
يوم شاف الموت ماخاف وتسلل
افتدى حد الوطن وارخص مصيره
دون حدك ياوطن علقم وحنظل
والصغيره عندنا تجزى كبيره
الدواعش تحتفل يومه ترجل
راح سيف وباقي سيوف (ن )شطيره

الشاعر// موسى سعد منقره

.http://bluwe.com/kleeja/do.php?img=1107 (http://bluwe.com/kleeja/)

من يموت اليوم صامد في ميادين الكرامه
..............سجل التاريخ فعله في سجلات البطوله

واللي وده بالشهاده ما تراجع.. عن مرامه
..............هذا عوده بن معوض فارس وكله رجوله

العميد اللي.. تقدم ..للخطر ثابت.. مقامه
.............قدم النفس الزكية للوطن لحظة وصوله

ماتوارى عن جنوده ..ولاتفاخر. بالزعامه
..............الله يرحم راس عود"عقبه بانت فعوله

والجنوداللي معه رمزالشجاعه والصرامه
............دون حد..الدار جند" بالمواقف. ينتخوله

من يخون الدار ..عار"يلحقه مابه شهامه
...........مجرم" يقتل ويفسد بس داري مايطوله

غاب عوده بس فينا مثل عوده باهتمامه
...........أرضنا تنجب رجال"في مطانيخ وزحوله

يابلي لااحد"يعزي والشرف يلبس وسامه
...........لادموع ولا ندامه وندعي الله في قبوله

يقبله رب البرايا ..ويرحمه يوم القيامه
...........مسكنه جنه وسيعه بإذن رب"يسجدوله

الشاعر //محمد الثوعي

[مسند دعيس القريد الوابصي]

الله يعطيك العافيه اخوي رشيد البلوي
على ماقمت فيه
ويحفظك رب العالمين

[محمدسليمان البلوي]

الله يعطيك العافية على ماقدمت وبيض الله وجهك

[أبو نايف الهرفي]

الله يرحم الفقيد والله يجزىٰ جميع الشعار الذين كتبو هذه المرثيات الرائعه برجل يستاهل (( الله يرحمه )) والله يعطيك العافيه يابو سامي على هذا الطرح المميز

[رشيد البلوي]

http://bluwe.com/kleeja/do.php?img=1123 (http://bluwe.com/kleeja/)



http://bluwe.com/kleeja/do.php?img=1124 (http://bluwe.com/kleeja/)





http://bluwe.com/kleeja/do.php?img=1126 (http://bluwe.com/kleeja/)

الشاعر محمد موسى العرادي


أعزي اصحاب الوطن بالصاحب
وجميع ربعه مع رجال الجود
واللي من الأرهاب جانا ساحب
انـبـشّـره بالنار والبارود
الله يسود وجه شخصاً كاذب
بيومً عسير يشيب المولود
من لايضحّي للوطن متلاعب
ماعنه لا ناشد ولا منشود
ياعوده معوض شهيد الواجب
عليك رحمة ربنا المعبود
واللي معك من جملة المراتب
وأهل الشجاعه حبلهم ممدود
اايامنا مغـلوب و الا غالـب
والزود عند اللي ركع بسجود
بالوقت هذا كثرة المذاهب
والخلق كله بين نقص وزود
لونّها بالمال والمناصب
الملك لله ثم ابن داوؤد
ولونّها بالجاه و المراكب
هداج تيما ماوراه إعدود
لكن الأمانه خيرة المكاسب
ودينك وبر الوالدين الفود
يالله حسن الخاتمه للطالب
والحمد لله ثم لبن سعود
يالله عفوك حقق المطالب
في جنة الفردوس ياودود
تمت وصلى الله عد المشارب


على رسوله عد ريح النود







الشاعر : الرقيب اول متقاعد من حرس الحدود بمنطقة تبوك عواد حمدان الشنوطي البلوي



http://bluwe.com/kleeja/do.php?img=1128 (http://bluwe.com/kleeja/)



https://mail.google.com/mail/u/0/images/cleardot.gif


http://bluwe.com/kleeja/do.php?img=1107 (http://bluwe.com/kleeja/)

مرحوم يافخر الوطن وأرض الاسلام
يافخرنا يالله عسى الخلد فالك
قدمت روحك للوطن درع وحزام
ماهبت غدار الوغى يوم جالك
بلوي نعم فخر للاجيال قدام
بلوي نعم درب الشجاعه خصالك
بلوي نعم مجدك بقا طول الأيام
بلوي نعم عزٍ لعمك وخالك
بلوي نعم نفقدك مابين الأعمام
بلوي نعم ياطيب والله فعالك
ادعوا معي رب الكريمين الإكرام
ياالواحد العالي عزيزٍ جلالك
تدخل لنا عوده بجنات الانعام
وتقبَله ياربي شهيدٍ لجا لك
نحسبه والله يحسبه رب الآنام


يالله تقبل دعوة اللي عنا لك

الشاعر / ملوح بن عواد بريكان الخولي البلوي

http://bluwe.com/kleeja/do.php?img=1107 (http://bluwe.com/kleeja/)

يالله ياعالم جميع الخفيات
يامبتداء الشكوى ويامنتهاها

يامعتني بالحي يامحيي الأموات
يا باسطن سبعاً وسبعاً بناها

تفرج لمخلوقاً همومه كثيرات
هموم تبلش مال غيرك شكاها

جانا الخبر يوم أعلنوهـ القنوات
وفاة من حد السعودي حماها

ياعين هلي صافي الدمع عبرات
وابكي دموع حرق الحزن ماها

لو مت ياعودهـ تراء الصيت مامات
سجل لك التاريخ صفحة ملاها

أسمك مسجل في سجل البطولات
وعلا درجات الشجاعه خذاها

شهادة أستشهاد وعلا درجات
عساك بالفردوس تلقى مناها

الله يعظم أجركم يالعرادات
وبلي عسى الرحمن يحسّن عزاها

أبناءنا دون الوطن ترخص الذات
بالدم يفدون الديار ولاها

بلي تبًين أفعالهم بالمهمات
مثل الجبال أن كان دارت رحاها

يالمجرمين أهل الغدر والظلالات
دار السعودي ماتمسوا حصاه

الشاعر:عايد عبدالله سالم الهرفي البلوي

http://bluwe.com/kleeja/do.php?img=1107 (http://bluwe.com/kleeja/)


نفدا الوطن نحماه نحما حدوده
عن كل متمرد وكافر اوشيطان
والله يرحم من تجلت اجهوده
في عزدينه والملك ثم الاوطان
ضحي بعمره والخلائق اشهوده
دون الوطن والحر من نسل شجعان
وان مات عوده فيه مليون عوده
بلي ولنا في صفحه المجد عنوان
فينا الشجاعه والعلوم امعدوده
وفعولنا مذكوره بكل ديوان
وأفعالنا عندالجميع امحموده
والمرجله مانييعها بغال الاثمان
ومن قال عوده مات مامات عوده
باْذن الله انه عند مولاه بجنان


الشاعر// صالح عناد البلوي

http://bluwe.com/kleeja/do.php?img=1107 (http://bluwe.com/kleeja/)

والله ان الداعشي لوكان يعقل
ماتحرش في مناعير الجزيره
إن جهل حنا على جهله بنجهل
لين نقطع دابر الروس الشريره
في قيادة قائد(ن) لقال يفعل
قائدالأمة ومقدام المسيره
المليك اللي من أجل الشعب يعمل
جابر العثره وحلال العسيره
والعضيد اللي من أجل الدار يزعل
حامي احماها وزيزوم المغيره
قائدالقوة وزير الجيش الأمثل
راحت العدوان من جيشه كسيره
من فداهايوم جاها الشر جحفل
شب نار الحرب واوقدها سعيره
غير إبن نايف عطيب الكف الأخطل
لين شتت شملهم في كل ديره
قائد الحد الشمالي ماتزلزل
البطل يمشي علي سيرة وزيره
يوم شاف الموت ماخاف وتسلل
افتدى حد الوطن وارخص مصيره
دون حدك ياوطن علقم وحنظل
والصغيره عندنا تجزى كبيره
الدواعش تحتفل يومه ترجل
راح سيف وباقي سيوف (ن )شطيره

الشاعر العقيد/موسى سعد منق

.................................................. .................................................. ..............................................




http://bluwe.com/kleeja/do.php?img=1131 (http://bluwe.com/kleeja/)



http://bluwe.com/kleeja/do.php?img=1107 (http://bluwe.com/kleeja/)


ياعميد وياشهيد ويابطل
ياشجيعن ماتقى نيرانها

يوم صاح الصوت تر داعش دخل
ماتاخر سابقن فرسانها
ماتقاها بالاوامر والحيل
لوهو غيره ماقتحم نيرانها

كان حرك من جنوده واتكل
بس عوده غير عن شجعانها

خم ولد داعش كما صقر نزل
وطرحه بالقاع في عجانها

وحيلة المجرم يوم قلّن الحيل
فجر بنفسه ودمر شانها

جعل له بالنار مكان ومحل
و عل عوده في نعيم جنانها
يكتب التاريخ ويسجل سجل
هالبطوله نادره في عنوانها

ويامحمد افتخر يابن البطل
بفعل ابوك وخل عنك احزانها

وكل( بلي ) تفتخر بلي حصل
جدد التاريخ عز اركانها

بالشهيد اللي الى العليا وصل
الرجال تذود دون اوطانها

فعلها راسي كما حصن وجبل
ماتغير لو تدور ازمانها

والأمن من فضل ربي مكتمل
دام ابن نايف مسك بعنانها
الوطن نحميه من اللي به خلل
تحت حكم ال سعود يعلي شانها

والختم صلو علي سيد الرسل
عد مابالارض من سكانها

الشاعر// العميد علي بن صالح العصباني
http://bluwe.com/kleeja/do.php?img=1107 (http://bluwe.com/kleeja/)




البارحه والليل كله تفاكير.
من يوم ذاعو موت عوده بالاخبار
مات الشجيع اللي يقود الطوابير
يوم المواقف ودها رجل جبار
شجيع في راسه تدور الصعاطير
الفعل دايم فعل وافين الاشبار
حنا بلي لاصار بالوضع تغيير
ارجالنا تارد والتهاب الأخطار
وعوده ظرب أكبر مثل للاساطير
الحر دايم ماكره ماكر احرار
دون الوطن ظحى ولاصار تاخير
فادى بعمره قال أنا درع وستار
مرحوم ياعوده ومقبل على خير.
في جنة الفردوس مسكن للابرار
الله حسيب اللي عمل فيك تفجير
في قبره يعذب وبالاخره نار
وصلاة ربي عد ماغرد الطير
على الرسول المصطفى خير الاخيار


الشاعر. عبدالرحمن بن عوده ابن شذيان الجذلي

http://bluwe.com/kleeja/do.php?img=1107 (http://bluwe.com/kleeja/)

مرحوم ياللي لك امجاد وبطوﻻت
ياللي وفاتك كم واحد بغاها

لو حياتي خاتمتها باﻻمنيات
خاتمة عوده انا والله اتمناها

شهيد وصايم ثم مصلي صﻻة
صﻻة الفجر اللي عظيم(ن) جزاها

عوده معوض من رجال العرادات
من قبيلة بلي لطامت عداها

وقف يعادي اهل الفتن والضﻻﻻت
لجل الوطن حياته ارخص غﻻها

مات عوده لكن الصيت مامات
امجاده لو يطول الزمن مامحاها

يالداعشي لو تجمع عصابات
المملكه تخسى تخسى ماتﻻها

المملكه دونها تلقى ممات
عدوها نهاية حياته لقاها

لو حاكم المملكه يعطي سماحات
ويقول داعش نبي نلعن ثواها

رحنا لهم كلهم نماريد وطغات
معنا ( بﻻجيك ) نتقن رماها

ماهمنا لو يجونا جماعات
نخلي اﻻرض تشرب من دماها

ياحاكم المملكه وقت الشديدات
حنا معك وعداك والله نطاها


الشاعر/احمد صالح الوابصي


http://bluwe.com/kleeja/do.php?img=1107 (http://bluwe.com/kleeja/)



قولو لداعش حدنا منت وياه

وقولوله يقطع بقايا الخريطه

وقولو لمن حقده على القاده اعماه

مسكين ومغرر جبان وسقيطه

الحر لو تزعله مأ تلحق أقصاه

الحر يشهر والهبيطه هبيطه

ترا الوطن دونه سباع مضراه

ودونه سيوف بالملاقا سليطه

أكبر دليل اليوم عوده سواياه

تفرح محبه والمعادي تشيطه

ساسه بلي وقت الوغا والملاقاه

يشهد لها التاريخ بأول شريطه

والوايلي ياحي داره ومرباه

جرحه ولو ماطاب حنا نخيطه

والشبل طارق ياعسى الخلد مثواه

حلوان ربعه فالمراجل قليطه

ويادارنا حنا لك جنود وحماه

بعد الولي من فوق وجه البسيطه

لشاعر //عبدالله محمد مطلق الوابصي

http://bluwe.com/kleeja/do.php?img=1107 (http://bluwe.com/kleeja/)

يارب لي امنيه يارب حققها
جلا جلالك ياعالم غيب مافيه.
ياعالم الغيب والدنيا ء ياخالقها.
يامدير الافلاك والافق الحراريه
.ياذا الجبروت نفسي نفسي اعتقها. ّ
في رحمتك من عذاب القبر والسيئه
طالبك بالجنه وطلبتي سايقها.
عليك يامجازي الحسنه عن السيئة .
تغفر ذنوبي وترحم نفس مرهقها.
والنفس امارتا بسوء عفويه
ويارب ترحم شهيد الروح فارقها
شهيد باذنك وقدرتك الإلهية .
عوده معوض فخر والعز صادقها
. ماقال وين اخوياي وجاب دوريه
. طناخه وقو باس ونفس سايقها
دون الوطن دون دينه لامباليه.
وهذي بلي تعرف وهذي وثايقها.
النصر والا الشهاده نارهم حيه
واهل الولا تعرف الدوله حقايقها
ونقول عوده فقيد والاذكر زيه
. بسباب زمرة خنا الله لايوفقها.
مستشرقه بين بعثيه وشيعيه
.تبغا يشوه علي الاسلام منطقها.
الله يشوهك ياوجيه الحراميه.
اكلاب متجمعه وبليس عاشقها.
تخساء عن الحد وبلاد السعوديه
دوله علي منهج القران عاتقها.
فيه الحرامين والكتب السماويه
مهبط وحي بين مغربهاومشرقها
والله حماها من اهل الفيل والهيه
. والله يديم ابومتعب من عمالقها.
حكام للشعب والدوله عموميه.

الشاعر عطالله القرعوطي البلوي

http://bluwe.com/kleeja/do.php?img=1107 (http://bluwe.com/kleeja/)

حـل الـحـزن واشـعـل عـلـينا وقـوده •
بـالمـمـلـكـه مـاهـو بـعـرعــر وحـدهـا •
مـن يـوم مـاذاع الخـبر مـوت عـوده •
عـلى يـد ألـلـي نعمـة الله جـحـدهـا •
شـهيـد مات ولا أختلف عن عـهـوده •
دون الـوطن والشعب روحه فـقـدهـا •
يـالــلــه عسـى قـبـره تـوسع لحـوده •
وتـجعـلـه روضه من جنانك وجـدهـا •
وايـامـنـا فــي هـالـحـيـاه مـعــدوده •
ومـافـيـه نـفـس ألا تـلاقـي وعــدهـا •
يـالـلـه يـالـلـي مـاجـحــدنـا وجــوده •
تـحـسـن خـواتـمـنـا وماهو بـعـدهـا •
ويـادارنـا ألـلـي تـفتخـر بـه جـنـوده •
المــوت دونــك عــزة الـلـي شـهــدهـا •
لـكـن أبـطـلـق عن ضـمـيري قــيـوده •
وارسـل عـتب لـلـممـلـكـه مـن ولـدهـا •
هـذا الـبـلـد وشـلـون تنسـى حـدوده •
وأهل الضلال إشلون محدن رصدها •
مـانـصـبت شاشات تكشـف جـلـوده •
وتنصب لنا الشاشات ماكثر عـددها •
مـن أفـضـل الـشـاشات دقـه وجـوده •
رزت تــرصــد لـلــعــرب فــي بـلـدهـا •
وإشـعـاع لـلـسـرعـه مـكرس جـهـوده •
ويـاخـذ إفلوس أهـل البلد مانـشـدهـا •
ويـامــن ظـــلالـه لـلــضـلالـه يــقــوده •
هـــذا بــلـد ذيــب الـرجــال واسـدهـا •
يـاأهل الفتن يالـضايـعــه يـالـحـقـوده •
يـاأهـل العـيون أللي عـمـاها رمـدهـا •
هــــذا بـلــدنــا مــرويــتــنـا عــــدوده •
ونـمـوت قـبـل إنـشـوف طامع وردهـا •
الــدار يـاداعـــش عـــيــالـه إســـوده •
حـنـى ذرى لـلـدار وحـنـى ســنـدهـا •
الـطـفـل دون الـدار تــقـــدح إزنــوده •
ونـاسـن تمـس الـدار تـنـقـص يـدهـا •

الـشـاعـر/ سـلـطـان الأحـمـدي •

http://bluwe.com/kleeja/do.php?img=1107 (http://bluwe.com/kleeja/)

http://bluwe.com/kleeja/do.php?img=1174 (http://bluwe.com/kleeja/)




http://bluwe.com/kleeja/do.php?img=1107 (http://bluwe.com/kleeja/)

تزاحم هواجيسي بقلبي صدور ورود
اتزيحم حيام(ن) وردن الماء بلا راعي

حيام(ن) تشوف الماء وتقفي وثم تعود
على جال مطوي(ن) يجي عشرة ابواعي

حداها لهيب القيض وراها الدروب حيود
تحافت على جاله وهي غب وارباعي

على عوده معوض يدن الهجوس رعود
هماليلها حزن وثرى غيثها اوجاعي

عليه اخفي الدمعه وانا خاطري ملهود
مجاديف صبري ضامها هزة شراعي

سما خاطري مظلم على الصاحب المفقود
عليه اظلمن نجوم جوي وانا واعي

صديق(ن) عرفته قبل سبع وثمان وزود
سنين(ن) كساها الطيب مع حسن الاطباعي

ولكن عزاي بصاحبي فعله المحمود
لعله شفيع لصاحبي يوم الافزاعي

شهيد(ن) بجاه الواحد العالم المعبود
جزيل العطايا سامع(ن) دعوة الداعي

حديث المنابر سيرته والعباد شهود
على مده الوافر بلا زيف واطماعي

صحيح ارتحل لكن بقن له ركاب الجود
يمدن حسانيهن على دربه الساعي

وصلاة ربي عد ماذعذعت به نود
على اللي نهار الكون للخلق شفاع

الشاعر// فالح عائض السميري البلوي

http://bluwe.com/kleeja/do.php?img=1107 (http://bluwe.com/kleeja/)

لي اسبوعين ماني يم .. هم القصيد
لوعلينا القوافي ..هاضله ..سارحه
اشغلونا الخوارج..والاكيد..الأكيد
البطل موتته لافعالنا .. شارحه
وكلنا عوده معوض وصبح الشهيد
وجه حق(ن) كشف ليلية البارحه

وهاكذا موتة الابطال قال..العميد
وللمواقف رجال(ن) باللقاء فارحه


وكان سهم المنايا بين.. حد ..اووريد
الشهاده سهمها جل من طارحه
سهم ماهو تذبذب بين يهبط / يزيد
جنة الخلد والجاهل نبا .. نصارحه

ربع عوده (بلي) والفعل ماهو جديد
دون ميقافهم هقواتهم جارحه

وكلنا عوده معوض وصبح الشهيد
وجه حق(ن) كشف ليلية البارحه

الشاعر //عايد السميري البلوي





(الاخوه أعضاء وزوار منتدى بلي الرسمي على هذا الرابط تجدون )

كل ماكتب شعرا في الشهيد العميد عودة بن معوض العرادي البلوي (رحمه الله ) | إخبارية بلي (http://bluwe.com/%D9%85%D8%A7%D9%83%D8%AA%D8%A8-%D8%B4%D8%B9%D8%B1%D8%A7-%D8%A7%D9%84%D8%B4%D9%87%D9%8A%D8%AF-%D8%A7%D9%84%D8%B9%D9%85%D9%8A%D8%AF-%D8%B9%D9%88%D8%AF%D8%A9-%D9%85%D8%B9%D9%88%D8%B6-%D8%A7%D9%84%D8%B9)

[عبدالله بن مساوي]

رحم الله شهيد الوطن العميد عوده معوض البلوي رحمة واسعه وجعل مثواه الجنه مع الشهداء الابرار



والله يرحم شهداء الوطن كافه والله يحمي وطنا من كل شر ومن كل حاقد حاسد ويدم علينا نعمة الامن والامان يارب