ترى السنين تدور ودروس تعطيك

[محمدسليمان البلوي]

ياقلب ﻻتحزن على اقدار واليك
رب القدر ربي عليمن بحالي
اللي كتب باللوح ماهو بمخطيك
مكتوب والمقسوم حق وعدالي
خلك صبورن بالليال المشاويك
الصبر زين وتالي المر حالي
عليك باللي ليا من علت يقديك
وصاحب هل المعروف واهل الجزالي
وﻻ تقرب اهل الردى والمشاريك
واخذ المعارف من صدوف الليالي
ترى السنين تدور ودروس تعطيك
واخذ العبر من السنين الخوالي
ايام تفرح وبعض الايام تدميك
هذي هي الدنيا من اول وتالي
الرزق عند الله ورزقك يبي يجيك
لو رحت شرق وغرب واﻻ شمالي
واحرص عن ادروب الشقا والمهاليك
واحرص على رفقة بعيد المدالي
والخلق ﻻتبدي عليهم شكاويك
خل الشكا لله عزيز الجﻻلي
وكلمة بﻻ برهان بالحق ترميك
خلك حريص وشيل حمل الجمالي
وفي ختمها جعل الخطا مايجي فيك
ونختم على عنبر ومسكن وحالي

كلمات /محمدسليمان العرادي البلوي

[ثاقب النظره]

الله الله وماشاء الله تبارك الله ... ابو سليمان جزاك الله خير وصح لسانك قصيده لايكتفي الوصف منها وتخونه أجمل العبارات ولكن البوح الصادق مهما كان من تعبير فوقعه ابلغ ... رساله والشعر رساله لمن اراد الخير ورساله لمن اراد الشر وهذه كلها خير ... فيها تمكن وجزاله وانسيابية شعريه بتدرج لايخرج عن المظمون ... لاتبخل علينا من فيض ابداعك يابو سليمان ...

[ناصر بن سالم البلوي]

الأخ أبو سليمان تشكر على هذه القصيدة الرائعه

وان دل على شي إنما يدل على شاعر متميز

نرجو لك التوفيق وتقبل تحياتي.

[محمدسليمان البلوي]

الله يعطيك العافية ياثاقب النظرةوصح بدنك
اشاده وشهادة من شاعرنا الكبير الشاعر/عبدالله عوده القرعوطي البلوي اعتبرها وسام ودافع لي على تقديم افضل مالدي .
اكرر جزيل شكري وامتناني لك ياثاقب النظرة ودمت بخير

[محمدسليمان البلوي]

الاخ ناصر بن سالم البلوي اشكر لك مرورك الرائع والجميل واشكرك على كلماتك الرائعة