ارقبت لي رجم

[وازن أبو شامه]

ارقبت لي رجم تطاول على تل
غرب الاعيلي من شمالي شيبه
عشبه طماس من المطر تو مبتل
للسيل وسماً في مجاري شعيبه
أخذت فوقه ساعتين او اقل
لما شعاع الشمس اقبل مغيبه
لقيت بك يارجم طباً لمعتل
من بعد ميس من علاجه طبيبه
حاله غدى من جاير الوقت منسل
وظروف مرت في حياته عصيبه
لولا رقيتك يارجم ماتبدل
وظعي وغيرك يارجم ويش ابي به
دورت في بعض الاوادم على حل
اغراب ولا من ربوع قريبه
على امل نلقى بهم مزبن وضل
وصدورهم للي تضايق رحيبه
أثري قلوب الناس مليانتاً غل
خسران من دور جزاة لطيبه
اطيبهم اللي لا نخيته وهو زل
كنه غدى ديان وانا الطليبه
تليت رجلي والامل يمهم تل
والعمر روح في رجا الناس سيبه
واليوم جيتك يارجم ودي اهل
مدامعاً فوقك تهامل سريبه
وارفع يديني للولي عز وجل
يجبر مصابي والجروح العطيبه

# وازن ابو شامه


ملاحظه: الموقع المقصود يقع بمحمية الحرة بمنطقة الجوف

[محمدسليمان البلوي]

صح لسانك ياوازن ابوشامه على هذه القصيدة الاكثر من رائعة

[مضالي وقت]

الله عليك يابو شامة ابداع صح السانك :|for you|: أثري قلوب الناس مليانتاً غل انشهد انها مليانه غل وحقد وكرة :mad:

[سعود عقيل بن مظهر السحيمي]

صح لسانك أخوي وزان

[سعود عقيل بن مظهر السحيمي]

الله عليك يابو شامة ابداع صح السانك :|for you|: أثري قلوب الناس مليانتاً غل انشهد انها مليانه غل وحقد وكرة :mad:



يا صاحبي ان كان لك حقاً يبين
أقدم على ربعك وصل العلومي

الحق من دون الحجج والبراهين
ماينصف الرجال ويقضي لزومي

والهرجه العوجا تخل الموازين
وتخل عادات العرب والسلومي

لاصار خصمك مايهاب الميادين
بالعقل والحكمه حقك يدومي

سعود بن مظهر

[موسى بن ربيع البلوي]

صح لسانك وسلم بيانك

الله يعطيك العافية

[حامد بن راشد الوابصي]

صح لسانك أخوي وازن ....

[ثاقب النظره]

شاعر مبدع ومتألق دائما..... صح لسانك يابو شامه

[سعود السحيمي]

صح لسانـكـ



لك خـالص ودي وتقديري

[صقر القبيله]

ابيات جدا رائعه صح لسسسسسسسسسسسسسسسسسسسسانك

[شاعر قلطة]

صح لسانك ملايين

[وازن أبو شامه]

صحت أبدانكم جميع لا عدمتكم والله يقدرنا على إرضاء اذواقكم وكل حرف خطته أناملكم بمثابة نبراس يضيء لي الطريق للإبداع

من القلب
شكراً لكم جميعاً 🌹🌹

[بلي تاج الفخر]

صح لسسسسسسسسسسساااانك