قصيدة رثاء في المرحوم سليم عواد القرعوطي البلوي

[محمدسليمان البلوي]

بسم الله الرحمن الرحيم هذه قصيدة رثائية في المرحوم سليم عواد القرعوطي البلوي (ابو عايض) وهي كذلك موجهه ﻻبناءه..

علمن سمعته زود القلب دقات
وبعض العلوم القلب تفجر وريده

جانا الخبر في موت راع المروات
امثال ابو عايض علينا فقيده

مافيه حين دايمن بالسﻻمات
يالله تجعل خاتمتنا سعيده

اصبر يابو توفيق للصبر حزات
مرت عليك ايام صعبة شديده

ادري فراق ابوك صعبة وبالذات
ﻻصار رجلن كل ربعه تريده

الموت سنة والعمر بس ساعات
سبحان من يحيي عظامن رميده

ياعويضه الدنيا بها كل ميﻻت
صكاتها تلين قسات الحديده

دنيا دنية تفجع بكل ساعات
محدن سلم منها خبيثه نكيده

مادايم اﻻ رب سبع السماوات
والخلق تفنى والليالي جديده

يامعوض اصبر واكتم الحزن بسكات
الله يجيرك من لهيب الوقيده

خلك صبور الوقت كله متاهات
هلل وكبر خل نفسك جهيده

نعزي انفسنا وندعي لمن مات
يالله عسى مثواه دارن سعيده

كل العزاء بسمي وبسم العرادات
انوب عنهم في محافل عديده

سليم ابو عايض رفيع المقامات
راع الكرم راع العلوم المجيده

انشد ديار الفرش تعطيك صفحات
صفحات مليانه علومن وكيده

منها الكرم والجود مافيه شكات
وﻻجاه محتاجن عطاه ويزيده

هذي حقيقة قلتها دون زﻻت
الخلق تشهد والفعايل شهيده

تبكيك صرة عقب ذيك السنوات
وتقول ليت الله علينا يعيده

وتبكيك دارك كل ساعة وحزات
وتقول ليت العمر نقدر نزيده

وفي ختمها مني كثير الصلوات
على النبي مختار صفوة عبيده

كلمات الشاعر /محمدسليمان العرادي البلوي

[راجية]

الله يرحمه ويرحم جميع موتى المسلمين
وصح لسانك والله يبقيك

[مسند دعيس القريد الوابصي]

الله يرحمه
وماقصرت على المرثيه
الله يسلمك

[رشيد البلوي]

صح السانك
ورحم الله المتوفي وأسكنه فسيح جناته
كل من عليها فان ويبقى وجه ربك ذو الجلال والإكرام

نسأل الله العفو والعافيه

[خالد علي فالح السحيمي]

صح لسانك يا بناخي

والله يرحم أبو عايض ويسكنه فسيح جناته وجميع موتى المسلمين

[معرب الجدين]

صح لسانك يابو سليمان ورحم الله الفقيد واسكنه فسيح جناته

[محمدسليمان البلوي]

الجميع صحت ابدانكم والله يعطيكم العافية وشاكر لكم مروركم .

[عاشق المرجله]

الله يرحمه ويسكنه فسيح جناته .

صح السانك اخوي محمد وجزاك الله خير.

[محمدسليمان البلوي]

صح بدنك ياعاشق المرجلة والله يعطيك العافية على مرورك