محاورة موسى مشني القحطاني وموسى الريثي

[مسند دعيس القريد الوابصي]

موسى القحطاني:
سلام يامن له معى الشعار باع
بالمسك والعنبر لشرواكم يذاع
له فجتً تملى مرابيع الوساع
والله على مااقول ياربعي شهيد


سلام تسليم يهل الطيب
يلفي على من يسمع الداعي

ماعاد ياهل الطيب من تطبيب
ابطيت انادي كل بداعي

الريثي:
يامرحبا ترحيب له راايه ونور
ترحيب يبقى عدة ايام الشهور
يالشاعر اللي ما بقيفانك كسور
والله على ماقول يا ربعي شهيد


يامرحبا واهلين بك يالذيب
يالصاحب الفهمان يالوااعي

ابشر بشعرن شاعره ميغيب
لاا قال بيتن دوم ينذاعي

موسى القحطاني:
البارحه والذيب فالبيدا يطوف
كلً يبي يعرف تفاصيل الوصوف
بنشدك عن وصفه اذا عندك كشوف
والله على ماقول ياربعي شهيد

ياصاحبي للملعبه تجريب
واللي عرفها يتبع الساعي

انا اشهد انك فالليالي شيب
شيبً عوى والتد للراعي

الريثي:
الذيب لاسود لاعوى صوته مخيف
ون جاع جاب الصيد لوهو من عفيف
خلك بعيد ولااا تقرب للرصيف
والله على ماقول ياربعي شهيد


يا صاحبي للكاايده تجنيب
والسيل محدن له بجزاعي

اياااامنا قد كلهااا تحنيب
والكل منها اليوم ملاعي

موسى القحطاني:
ياصاحبي دون السيول اكبر سدود
واما السباع اجناسها تملى الحدود
عقب صبيً ماوقف وقفةً جنود
والله على ماقول ياربعي شهيد

المعتلي علام كل الغيب
والطيب علمه بيننا شاعي

للصيد تضريسً بحد النيب
نيبً ليا من هد قطاعي

الريثي:
السد بعض احيان تجرفه السيول
والسبع دون الحد ماسوى فعول
ونا وقفت ووقفتي فيها الذهول
والله على ماقول ياربعي شهيد


باقول كلمه ما لها تكذيب
غيم الوفا له برق لمااعي

ماكل قانص لارمى بيصيب
لو له على لاطواد مرباعي

موسى القحطاني:
البارحه فزيت من كثر الحلوم
الله يعين اللي تولاه الضيوم
عاين على يمناك واشتد العزوم
والله على ماقول ياربي شهيد

لا قلت كلمه مالحقني ريب
لا صار به فاهم وسماعي

وان ثرت في قاعي سترت العيب
واردها صاعين لصاعي