قال العرادي

[سالم العرادي]

قصيدة للشاعر /محمد بن مساعد العرادي:ـ

قال العـــــرادي واق في راس مرقاب= رجما على كل المـــــــراقيب عالي
يامـــــل قلبا شـــاب قــــدام لاشـــــاب= من كثر مايمضي على القلب شابي
البارحـــــه باللــــيل بالقــــلب نـــهاب= مع نومـــــت المخلــوق شيا عدابي
مايقـــــــضي الحاجات من كان هياب= الا صبـــــــــيا لانــــــــــوى مايهابي
شفـــــي مــــــع الزينين فتاحت الباب= اللي يعـــرفــــــون الخطا والصوابي
اللـــي لهـــم مفـــــعول بديار الاجناب= يوم انحـــــــرف عن ماقفه كل هابي
انا مـــريض وزاد شـــــــري ولاطاب= ولافيه قلـــــــب من الهواجيس طابي
واللــــي مشـــــى بالدين تراه ماخاب= متقــــــربا ربـــــــه يــــــــدور الثوابي
يالله ياغفــــار ذنـــــــــــــوب من تاب= تغــــــفر ذنوبــــــــي يوم شد الحسابي
اللي يفـــــــك الله من قشــر الاسباب= رزقـــــه على ربــــه ممشي السحابي

[بندر محمد المساوي]

صح لسانك ولسان الشاعر محمد مساعد العرادي
.......ويعطيك العافيه على القصيده الجزله




بس ليش ما تقوم بتنسيق القصيده
ولو تنزلها في منتدى الشعر افضل عشان تاخذ حقها من القراءة



ودمت بخير

[سلمان العرادي]

أبـو حاتــــــــم ..

صح لسانك ولسان الشاعر محمد مساعد العرادي

ولاهنت لاتحافنا بهذهـ القصيدهـ الجزله

سلمان العرادي

[قاسم علي القويعاني]

ابو حاتم
يعطيك العافيه
وصح لسان الشاعر محمد بن مساعد

[سالم العرادي]

اخوي/يعرب
شكرا على الاطراء وشكرا على الملاحظه وتقبل تحياتي،،
اخوك ابو حاتم/سالم العرادي
_____________________________________
قلته وانا من لابتن تحفـــظ الدين$$$ يوم الوغى كلا يشـــــــرف بسيفه
ربعي بلي في ماقف العز ظفرين$$$ ارداهم اللى ماشكى الجوع ضيفه