بحر الأمل

[محمود علي الميهوبي]

يالله عسى مدّه وجزره تساهيل
بحر الأمل لاغصت عمقه بشاره
ماتبري ضفاف الأماني تعاليل
وبغمرها مجدولة الاستعاره
لحفّة الشاطئ ولوه النوازيل
وملوحة أمواج البحر إقتداره
وشلون بتقناه وبوسطه آطيل
واتنصل بلهفة حنيني بحاره
ماتلتقيني والهواجس شواغيل
الله لو لي يد إبإختياره
وامواجه تعاتب جفوني مواويل
والشوق يعنيلي طريق المناره
لا حولي المرسى ولابه دواليل
والقلب قبطان الهوى واعتباره
كم لي وانا اتوجّد وئام المواصيل
وانزّل شراع المحبه جساره
ويلي على التوجيد وجد المقابيل
وجد الرضيع الي عليه الحراره
لابيدي اتهوّى ولا احط وآشيل
وماغرسه بقلبي وجاني ثماره
يعني على ماقيل مامن محاصيل
ودّي به وبحر الأمل إنتظاره


/محمود الميهوبي