زمان الصعوبات

[محمود علي الميهوبي]

كل ما لي بالقصيد وبدايات القصيد
انا شخص يكابد احساسه العذب الشجيّ

ينتفعبي ماكتبته والاقيه المفيد
يلتقيني مثل خيال وبشفه ضمي

لو لقيت بداخله ما اودّ وما اريد
ما تروى في عيوني ولاهي تستويّ

غير بقبال النقي امتلي روح الزهيد
واترفّع عن حدوث الشوايب وامتلي

اعتبارات الخبايا ومسافات المشيد
تنقرا بعيوني وغيرها بي مختبي

كم تواجهنا اماني ومنيانا طريد
عن حوايجنا نلبّي وننسا المنسي

ويتغاربني زمان الصعوبات السنيد
بين مد الكآن والمحتفى ماهو مدي

لا تدوّر عندي الا عناوين الجديد
البشر مايفهمونك سوا سرد الحجي

واعتباري منهم مايوصلني مفيد
يمكن يوصّلّك السائد انواع الخزي

ويمكن السايد يبيّن لك الشي الجديد
وانت في رفعت حجاجك صعوبات تهبي

مايتطرّق في حكايات وشو له مسيد
ومايفوتك حرف في منطق الحر النقي

ويمكن يوصّف لك القرب اغلبهم بعيد
ويمكن يعاني من الشوق اوفاهم وفيّ

كل ما اترفّع براسي عن الحدّه يعيد
في شطور الشعر والا بهقوات وحدي

هذا هو طبعي ولو كنت بالواقع وحيد
اتبع اسلوم ربعي وقاطع منهجي

ماتحصلني بحدّة زواياها محيد
الا اتحدد بروحي وغيري منزوي

بين حسرات الضمير وتبسام السعيد
ايتبلور راسمٍ خط تقل انه عجي

ولاتوصلت لنهايه ولا واصل بعيد
ما اتعدا من حوالين آمآل الشقي