إنساني المذهب

[محمود الميهوبي]

الـشـعر روحـن ضـمّها عـدّة حـروف
تــتـأدّبـك بــالـلـي تـصـيـبه وتـبـغـى

والـشعر مـجمل فـيه مـايود ملهوف
ومـتـمـثّـلـين الإنـتـصـافـات نــبـغـى

الـشعر أحـلى مـنتظم لانـتثر شـوف
يـامـفـكرينن تـصـبـغه كـــلّ صـبـغى

إنـساني المذهب ومخلوف مخلوف
تـبـدعـه قـافـيّـن لـــو بـغـاك فـرغـى

واذا تـنـشّئ فــي مـعـانيه مـعـروف
والـــوزن لاتــمّـت مـعـانـيه يـطـغـى

كـم بحر أبحربه وفي داخلي خوف
وكـمّ مـوج فـي درّه تـمنّيت يـصغى

وادبـغ مـقاصيده وانا قاصد آطوف
والـلـي عـلـيه يـبـادي الـعـلم دبـغـى

يـعني مـعاني فـي مـعاني لها جوف
مـسـتكملن بـوصـاك يـالـشعر دمـغى

وشـعوره الـلي بـداخلي كلّ مكلوف
ومن قبل ماعرف ماقصد وش ألغى