الفرق بين اطفال الهاي.....ورعانا المحترمين

[الحر]

السلام عليكم

هذا موضوع مهم حبيت أنكم تتطلعون عليه!!!!!!!!!!!!!!!!!!!!!!!! هعهعهعهعهعهعهعه

مقارنه بين اطفال الناس الهاي..و ورعانا المحترمين

أطفال الناس الهاااااي
1
- في الصباح حيث يبداء يوم اطفال الهاي عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كرون فلكس

ابو الديك ذاك وبيضه وحده بس!! وكاس عصير وشويت زبده مع العسل

على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له لباب ويوديه لمدرسته الخاصه< ام الدراهم >



**ورعاااانا المحترمين

ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك النعاس

الأم:قم جعلك الجدري الأخ: والله اذا ما تقوم لافقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه < ما درت انه يروح بسير لزاق >>

بعد ما يقوم يمر الحمام على السريع ويغسل وجه شطف هذا اذا راح

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب ابو علم

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي 200 لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه< أكيد

حكوميه >>



**أطفال الناس الهاااااي

2- بعد المدرسه يرجع اطفال الهاي ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق طبعا ما اعرف وشو بس اللي اعرفه انهم ياكلونه بشوكه

وسكين >>

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.


**ورعاااانا المحترمين

اما الورع منهم يجي من المدرسه وثوبه قالب لونه بني< تقول جدار مدرسه >>

ولا دخل البيت حذف الشنطه < اسف السير اللزاق>>بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف يا كبسة لحم ولا مصفعه حقت أمس >>

غيره ما فيه!! يتغدى الورع الكريم ويصــــــــــــــــــك بعدها لتر للبن

بعدها يجلس ساعه فاتح ثمه < تحاول تسكر بفمه أنسى >>

يحتري من يوديه يغسل له يديه!!!!!!!!!؟؟؟؟؟؟؟



**أطفال الناس الهاااااي

3- اطفال اهاي لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني اللى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف مررررررررررره حلوه < أسألوني >>!!!!!!؟؟؟؟؟



**ورعاااانا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله ولا دكان < حلوه دكان >> الا ولعبوا بحسبته

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>



**أطفال الناس الهاااااي

4- أطفال الهاي بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور.


**ورعاااانا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول يزبن لغرفته ويسكر الباب ويطفي النور ويطل من الدريشه

< الشباك يعني >> على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.< يــبي يقيم ابوه ابو الشباب >>

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

وخبزتميس بواق الصبح ويرجع لووووووووووكره<اسف غرفته>

ويقفل باب الصندقه <اكرر أعتذاري الغرفه>> ويتعشى من ذا الجبن والخبز

اللين يدوخ <على الساعه 3>> لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب >


سؤال محير انت من أي نوع؟؟؟ ههههاي

بااااااااااااي

ترقبوا جديد ولد الديره؟؟؟؟؟؟؟؟؟


م ن ق و ل

[بنت العرادي]

من جد رائعة الله يعطيك العافيه

[محمود الجذلي]

ردود الناس الهاي..

ثانكيو ..ومشكور

ردودنا..

يعطيك العافية ..ومشكور <<< بس الصوت هنا غير ,,

<<< من النوع الاول بسم الله علية
.
.
الحــــــــر,,
يعطيك الف عافية

[الحر]

بنت العرادي محمود الجذلي
ثانكس على المرور

[علي بن عايش الرقيقيص]

ذكرتني في طفولتي (ورع هااااااي)

مشكور اخوي الحر

[احمد مصيليح العرادي]

شكرا اخي الحر على هذا الابداع الرائع
بس يا خوك تراك حسرت فينا
والعبره قامت تخنقني

[ناصر عياد الوابصي]

حر

دائما متميز

تحياتي
ناصر ابن طليحه