ديــوان / مـارد الشـعـر ...( الحميدي الثقـفي ) .

[أحمد شاهر البلوي(رحمه الله)]

أحـبـتـي

لكي يرتقي الشاعر لابد له من الإطلاع

ولأن البعض كسول

ولأني أحـب الشعر

ولأني أحـــبــــه

ولأني أحـبــكم

.

أحضرتــه الى هنـا

أحضرت روحـــه .. / .. شــعــره

.

أحبـتـي


سوف أخـصص هذا المتصفح ليكون عبارة عن

( ديـوان يحمل كل قصائد مارد الشعر )

الحميدي الثقفي
.

سترون هنا

كيف يكتب الشعر
.

إنـتــظروني
.

[أحمد شاهر البلوي(رحمه الله)]

http://www.adab.com/photos/55062509.jpg


نبذة حول الشاعر: الحميدي الثقفي

شاعر شعبي سعودي ، من أهم الرموز الحديثة في القصيدة الشعبية الحديثة في الخليج العربي .
تلقى تلعيمه الأولي في مدينة الطايف، ويعمل موظفا..
نشر العديد من قصائده في المجلات والصحف العربية والخليجية، وله عدة مشاركات ثقافية وشعرية، خاصة في مهرجان الجنادرية للثقافة والفنون .

[أحمد شاهر البلوي(رحمه الله)]

.

جيتك خيالي دخل خارج مجارات الردى

...........................جيتك وبعيوني قرى ترفض جباهٍ تستكين

ابي صباحاتك مدن تستاهل دموعي ندى

...........................ابي نهار مصافحك يستاهل اعصابي يدين!

ابي تزيديني ضلال الشاعر ان ضل اهتدى

..........................ابي على طول انتظر و انت تجين ولا تجين !

للدرب عمري ما اقتديت الدرب لخطاي اقتدى

...........................درب قتل كل الخطا ..عندي يموت بخطوتين

في سلة أحلامي (خبر) يرفض حصار (المبتدى)

...........................أنا الفقير اللي نطق بفواه كل المعدمين!

أحلامنا توجد صغار وتكبر ذنوب وعدا

.........................بين احتمالات الحياه ورهبة الموت اليقين !!!

.

[أحمد شاهر البلوي(رحمه الله)]

يا كثر ما يشتكي ...لو يشكى الدفتر !

.................... من نزعة الحـرف في عقلـي وتجميعـه

أحيـان ما يحن في جـــوفي نـبات أخضـر

.................... وأحيــان في " ثانية" تـورق مطاليعـة

يبــرق ويــرعد خفوقـي والقلـم يمطــر

...................... وأنا اتعــمد ضمـا حـرفي وتوجيعــه

فـي داخلـي صمت .. يحتـاج انفعـال اكثر

.................... من زخرف القول يـا " خالد" وتصنيعه

الشعـر بعيـون أخوك / الحلـم والمهجـر

.................... خوف وبعض صدق تنـزفنـي ينـابيعـه

وش لون تمطر سمانا – والسحاب أحمر ؟!

.................... والـبرق يـدمي جوارحنـا بــصابيعــه

محـدٍ خبـر سيـل .. لا يدفـن ولا يحفـر ..

................... وان جـف يحـزن ثـرا الوادي لتوديـعه

كـف وحـدا على التصفيــق مـا تقـدر ..

................... لاشفـت مـاهـو مطـاوعـك الزمن طيعـه ..!

مـا هــو ضـروري يـلامـس جرحـك الخنجـر

....................... ولا أنت مجبور .. حتــى تعلن البيعه .

[أحمد شاهر البلوي(رحمه الله)]

بلشت بعرفنا الفاضل ..بسحر الخاتم المعمول

..................... عطوني حب واخذوا ماغلى من تركة اجدادي !

سيوف معلقة وخيام ودلال وسروج خيول

......................... مرابطها خشب وتقاعدت في قرنها الحادي

تموت الخيل عطشا في ( المذاود) والشعاب سيول

.......................... تلحفنا جلود احلامنا... في المرقد الهادي..

( أحبك في الشتا والصيف ..أحبك في شهر ايلول !!

......................... أهالينا بخير ...تزوجت هند ونجح شادي !!)

وحنا صابرين وننتظر سيف الله المسلول

........................... يجينا من بلاد الشام يقفل موجة الرادي !

نضت حيلي مدارات العطش ياما تهد حيول

................... تعبت استشرق الغفران واعصي طاعة اسيادي !

أبقتل مولدي وادري بـ اصير القاتل المقتول

...................... ولكني كسرت المستحيل ونقطة ابعادي

على جسر الضياع المنتمي للخوف والمجهول

..................... افتش عن سطور الموت عن تاريخ ميلادي

ولاأملك غير حبر لدفتر أشعار وقلم مشلول !!

..................... وعرفان الحنان : أمي وأبوي وطيبة ابلادي !

[أحمد شاهر البلوي(رحمه الله)]

بس ماخذت من صمتي نهاية مطاف

.................... دمي أخضر ..ورماي القفا مايصوب

ترعد اقلوبهم – لكن مطرها جفاف

.................... وش يميت القلوب الا جفاف القلوب

من يصدق ؟ نهر يغتال حلم الضفاف

..................... بين جزر الشمال وبين مد الجنوب

ماهقبت أن في عشق الرمال انحراف !

.................... لين خانتني الخطوة ..وخنت الدروب

بعدها صرت " للصفين" معنى وقاف

.................... وابتسامة على ثغر المواجع تذوب!

الاماني / سنابل ..ينتظرها القطاف ..

.................. والمواسم / تعاني جوع كل الشعوب!!

[أحمد شاهر البلوي(رحمه الله)]

عند الحصاد الموسمي للنور يتساقط فراش !

................... واللي غرس شوك وذرا – ما يجني إلا ما غرس

ماجيت أسوم امكبرات الصوت والمقعد بلاش

.................... جيت بيدي ورد وحروف ..وممتطي صهوة فرس!

فوق الثريا هامتي والرمل لا قدامي ...فراش

....................... لا من ورا ظهري ..ولا يمشون قدامي حرس!

جيت اعطي الظلما قمر جيت اعطي الفجر انتعاش

.................... جيت ارسم البسمه على وجه امتلا غيظ وخرس !

جيت اسقي الزرع / الهشيم اللي سمع صوتي وعاش

.......................... جيت اكتسي ريش بدال اللي تكسر وانهرس!

حزين ! لكن ماني ابغيمه ولادمعي ...رشاش

...................... مهموم! لكن ماني اللي.. من همومه مفترس!!

احرق فتافيت الدبش بالنار واهتج ( المحاش )

................. واكسر غضب موج البحر ..واتجاهل ارباح ( البرس )

هذا أنا .. ضد الوحل .ضد الغرق ..ضد المناش

............................جيت وهذا صوتي أنا ..للمسمع البارد جرس !!

[أحمد شاهر البلوي(رحمه الله)]

وأقول : انه ترجّل ما سقط عن صهوة المهرة

.....................مثل نجم توهج وأحترق في ذاكرة أعمى !

يقلي صاحبي وأشعلت جمر الغيض في صدره

......................سبايا يرقصن مع الغزاة بهودج الظلما !

وأقول : أن اللي مايكره يحب واللي يحب يكره !

...................تخلص من شغب ذاتيتك حاول تكون أسمى

أبد ماظل للنظرة مدى ..كل المدى نظرة

.................توحد في شتات الكون ..كون ابن السما والما

أنا ذاك الذي عمره غدا للي غدا عمره !

................اجوع إن جاع طفل وإن (ظمت) بعض الخبول أظما !

تحت جفن الرماد أبقى وميض النار والجمره !

...................أنا ابقى رجا (ممكن) تعلق في وعد (مهما)!

[أحمد شاهر البلوي(رحمه الله)]

ماكبرنا حيل لكن المحابر

..............(ضوها) – شابت يدينا من سواده

دمنا غيث الورق / عطر الدفاتر

...............فرحة المحزون في قمة حداده !!

ايه نمشي والعصا كنز المسافر

...................كلما هز العصا تورق بلاده !

نستلذ العيش – كون العيش نافر

............وان تحصل مالنا في العيش راده !!

هات من خبز الفراغ ..الجوع كافر

....................موتنا ياسيدي موت الولاده !

نزرع الدنيا قصيده والف شاعر

...................وغيرنا يتعلق –الدنيا / قلاده!

لا (ألاهبي بصبحك ) يالخواطر

.................(واصبحينا ) بـ اسود ناصع مداده

للضحى دمي وللخيل الحوافر

...................في كتاب الرمل مفتاح السعاده

[أحمد شاهر البلوي(رحمه الله)]

كم وجه " ماجد " يشبه الوجه القديم لـ " صاحبي

…………….كم هي يدينه تشبه أقواس النبال ..أقواسها

لا شفت يا ماجد ..هوى غصن الزمــان وطاح بـــي

................... والنار في جرحي تصب أخر نشيد أعراسها !

اكتب – عـزاي إني تعقبــت الســـواد - وراح بي

................... درب طويل من العطش بين الشفاه وكـاسـها

اكتب – عزاي إني بـاصل – لـو دربي أكملهـا حبي

................ وأدخل من أبواب المــدن ريــح تدق أجراســها

بــرق ايتعـرج في كهــوف المعــدن /الرمـال الغبــي

............. فوق المـرايـا ..في القـرايا ..في الوجوه ونـاسهــا

وأصيح ! في عمق الثــرى بـ "ابن الرمال الطحلــبي"

................ يـ " ابن الـ .." واللي نوى اعناق النخيل وداسها

والله ..ودمعــة ماجـد البيــضا مثل ...دمــعة نـــ..

.............. صرنا خيـــول مـن الورق مضمارها / قرطاســها!

يا دمـعته ( عنا) خــذي من تـــين صــدري واكتــبي

................ هـاذي رسـوم أجيــال واللعنـة علـى كـــــراسهـا!

[أحمد شاهر البلوي(رحمه الله)]

رغبة القصيدة رغبة الطير للتحليق

.............. سماي اصبعين وبينها جرح مسباقي

تعودت اموت بصدق وارحل بلا تعليق

.............. كفاني احس بلذة الموت في اوراقي

ولا احط نفسي وثن يشرب التصفيق

............. على شان يدخل برزخ النور لأعماقي

مهو لازم اقطع دابر الشك بالتصديق

........... ولاهو ضروري تعكس اشعاري / اخلاقي!

[أحمد شاهر البلوي(رحمه الله)]

[ 10 ]


آه يا قربك ويا بعد المسافة

............... اقرب من القرب لكنك بعيد

أنت عمر صـب في عمري جفافه

............. نصف نار ونصفه الثاني جليد

أنت نهر عندي استودع ضفافه

.............واعذابي لا افتكرت إني وحيد !

حزني ابسقف المسا يأخذ كثافه

............. ويتصاعد صبح دخان وحديد

وارتمي بين الحقيقة والخرافة

........جوف صدري عذق وضلوعي جريد

افتح الدفتر ويصفعني غلافه

...............ويتساقط كل ما به من قصيد

وتختنق دمعه ويسقط حلم تافه

......وارجع ارسم اكتب احلم من جديد !

آه يا قربك ويا بعـد المسافة

...............اقرب من القرب لكنك بعيد !

[أحمد شاهر البلوي(رحمه الله)]

هاجرت من نرجسيات المطر

...............مثل غيمه هدها جوع المخاض

وانعتق من قضبة المجري نهر

...............صح مافي اللاوعي كان افتراض

التقينا اثنين والثالث قمر

.....................والسما حفت مفاصلنا بياض

هزنا الشوق وتساقطنا ثمر

................والعيون اللي بهن السحر فاض

نام فيه النوم والموت انتحر

..............من حورها لا صحاح ولا مراض

آه لو به دم في وجه الدهر

................ماحذفنا في الوجود المستفاض !!

مثل عصفورين والثالث حجر

..................نشرب النظرات رعشة وانتفاض

الوطا جدب أو أنانيه مطر

................. والغيوم ..وهدها جوع المخاض !

[أحمد شاهر البلوي(رحمه الله)]

اذكر ومبتل السكوت أطفاك وأشعلك الحوار

...................ليلة شتا فيها تقاسمنا ظنون الأرصفه

قلت إنك أطول مايسور قامتك ظل الجدار

.................قلت إنك أجمل ماتشوهك الحياة المترفه

قلت أنك اقوى ما نقضيك غير هذا الانكسار

.................في صوتك الليله ولاهو صوتك اللي بعرفه

خابرك تحكي عن خلاص الورد وأغصان الحصار

..................تلمع تلاشى تنبعث في كل شئ من أطرفه

مسفر قم انفض ثرثرة دفترك عن صمت الغبار

.................حتى تنامى في فضا الغبشة عصافير احرفه

وان كان من غيم الجبل سيلت للوادي نهار

.................جبلي معك من سدرة الوادي هديل ورفرفه !!

[أحمد شاهر البلوي(رحمه الله)]

[ مختارات قصيرة .. ! ]


***

أمدد أقدامي

وجدار قدامي

وجدار من خلفي

أموت رغم أنفي !


* * *

تقول أمي وهبني شعري الخلاق عز وجل

..............جمعت لها النجوم بثوبها وأبتلت أسماله!

* * *

ياطفلة الريح افتحي شرفة الغيم

...............على العطاشا ينفض البرق ظله !


* * *

انت ملحد

انت فاسق

انت زنديق

وحداثي

انت تهذي

انت تجهل

ماتقول

وقاطعه :



أنت عشق الليلك

اليابس على

عتاب المدى ..

انت صدى

صوت الجميع

وماتعرف من الفصول

الا الربيع !!


* * *

قال الشعر قلة حيا

.....................قلت : الشعرقل لتحيا !


* * *

لغيابك المثمر تصب العناقيد

...............لذة حريق الثلج في سلة النار


* * *

من رقى نخلة الدفتر وشق السحابه

.................تغسله بـ احتمالات المطر والتراب!


* * *


انام وادخل قميص الليل مع كمه

................... واخرج صلاة الفجر مع كمه الثاني!

[أحمد شاهر البلوي(رحمه الله)]

( زهرة المنتهى ) !


بعض القصايد غذا

.............. وبعض القصايد سم

وبعض القصايد كذا

..................... صرخه بليا فم

جرح ينزف شذا

..................وجرح ينزف دم

ومابين هذا وذا ..

............. شوف المسافه كم ؟؟؟؟

[أحمد شاهر البلوي(رحمه الله)]

يارب ! هذا الطريـق افعـى تفّـح وعتمـة اعشـاب

_____ ظلمه وطين وبلـل .. وعظـام نـاس امـوات .. حيّـه

الليل غابه ! ونبض انفـاس صـدري فـاس حطـاب

_____ يستنبـت النـار .. فاكهـة الشتـا " شمـس ابجديّـه "

من فيض برد الغبش .. من زرقة الشفـاف .. تنسـاب

____ مـن رجفـة اللـون .. مـن تفاحـة البـرد الشهـيّـه

من سلة الريح .. من غيم الصـدف .. لا بلـل ثيـاب

______ ولــد يـخـون بـوفـا بـنـت بخيانتـهـا وفـيّـه

والشارع .. الصمت نهر اسود من المطـاط .. جلبـاب

______ يشـرب صـدى خطـوة العابـر .. ملامـح سرمديّـه

ياموت .. وبيوت حارتنا علـب سرديـن .. وتـراب

________ تــرى التـعـدي لغـيـر اول قرابيـنـك زريّــه

الريح تصفر .. وينعق طيـر بـوم .. وتنبـح كـلاب

_______ ويضـج صمـت المدينـه .. كلـنـا نــذر المنـيـه

قلت المدينه : تثاوب في وهـن .. ونعـاس الابـواب

_____ والنـاس مـن غيـر تلقـي بـال .. تلقـي بالتحـيّـه

ابسألـك صاحبـي ! خايـف ومتـردد .. ومرتـاب

______ كـم مـن سـؤال يمـوت وينولـد ويـمـوت فـيّـه

هذا الحذر والتوجّـس فـي الملامـح مالـه اسبـاب ؟

______ هـذا الترقـب .. وهـذا الريـب والخـوف المعـيّـه

الصبر طبع الجمل طيّـب ! عرفنـا سـر الاعجـاب

_____ هـذا الوفـا فـي الكـلاب الوافيـه .. طبـع وسجيّـه

ابسألك صاحبـي .. واقسـى كمـا يقسـون الاحبـاب

____ وجهك هو القاتـل .. المقتـول .. مـن فيـك الضحيّـه

عمرك مجرد زمن تافه .. غبي .. جوف الزمـن ذاب

______ من منبـع الليـل .. الـى صبـح المصبّـات القصيّـه

للجوع مخلاب .. من قال ان مـا للجـوع مخـلاب ؟!

_____ لافـي الثـرى ضاجعتـك ولا ارضعتـك الرازقـيّـه

واحلامك اللي تروح اسراب طير .. وتقبـل اسـراب

_____ ملـت .. تقاسمـك اغانـيـك ومواسـمـك البهـيّـه

ياحكمة الطيـش .. ليـش نخلّـد الأسامـي والالقـاب

___ ما يمكن اسم الورد .. اشواك ؟ واسـم الشمـس فيّـه ؟!

لو للغموض المبين .. وللبيان الغامـض .. كتـاب ؟!

______ محـدٍ بقـى لـي عليـه .. ولا بقـى لـحـدٍ علـيّـه

عرفتني كنت انا صاحبك .. واصحابك لـي اصحـاب

_______ امــدّ لمصافـحـك يــدّي .. تصافحـنـي يـديّـه

ابسألك عن ملامح وجه طفـل فـي القـرى غـاب ؟

_____ غيّبت .. الا القـرى .. ياطفـل غابـت فيـك هيّـه ؟

قلت القرى : واجهشت لك في البلاد " رعوش الاعناب "

____ والمشمـش " المستـوي " واغصـان لـوزه عثّـريّـه

والما تقول بـ" كضايمها " زبرجـد فـي المـدى راب

______ والعشـب .. مجـدول بخيـوط الصبـاحـات النـديّـه

ابسألك صاحبـي ! غمـض عليهـا جفـن واهـداب

______ يامـا لصبـح القـرى مـن وشوشـات المـا .. هنيّـه

[أحمد شاهر البلوي(رحمه الله)]

.

لا تحتار بأمرك..

ياتمشي زي الكلب الماشي..

في ظل العربه..

( تـتأمرك) !!

ياامّا الباقي في عمرك !

.

.

أنت خرجت من سواحل صوتي المتعب صدى

__________ طفلة قصيدة أو قصيدة طفل مجهولة حنين

ماتشبهين الحلم ما دام الـ "صباحاتك مدى "

__________ تعبت أصبك في مكــان الجرح نار وتنطفيـن

جيتك خيـــــالي دخل خــارج مجــارات الردى

__________ جيتك وبعيونــي قرى ترفض جباهٍ تستكين

ابي صباحاتك أمس تستاهـــل دموعي ندى

__________ ابي نهار مصافحك يستاهل اعصـابي تلين

ابي تزيــــديني ظلال الشاعر إن ضل اهتدى

__________ أبي على طول انتظر وأنتي تجين و ماتجين

للدرب عمري ما اقتديت الدرب لخطاي اقتدى

__________ دربٍ قتل كل الخطى،عندي يموت بخطوتين

في سلة أحلامي"خبر" يرفض حصار"المبتدى"

__________ أنـــــا الفقير اللي نطق بفواه كل المعدمين

أحـلامنا توجد صغــــار وتكبر ذنـوب وعدا

__________ بيـــن احتمالات الحياة ورهبة المـوت اليقين

[أحمد شاهر البلوي(رحمه الله)]

.

سندباديات البوح

تعبت اراجيهم بما تخفـي الـروح

_________ متشردٍ قطاع غـور الـدم الحـار

إما مسافر حامل أفكاري جـروح

________ ولا مقيم وحامل جروحـي أفكـار

وتعارضت في سندباديـة البـوح

___________ كينونـة الناسـك وبوذيـة النـار

السر مسودة تفاصيـل مفضـوح

________ والحال تضحك منّه أشباح الأقـدار

أحكي وكيف أحكي بما تخفي الروح

__________ وانا يدي حمرا بلون الـدم الحـار

[أحمد شاهر البلوي(رحمه الله)]

جمرة آلما


لو صرخت. النار لاتحطب ضلوعك

________ زادها وزنادها مني وفيِّه

وان صرخت. النور لاتوقد شموعك

________ في عيوني من غبار الشمس فيَّه

وان صرخت الموت لاتنزف دموعك

________مانزف طاهر كما دم الضحيه

ليه تبني فوق رعش احلام جوعك

________عرش عراف المسافات القصيه

وإنت دايم سلمك يرقى طلوعك

________ماستوى طينك لتوطينك هويه

كل منفي داخلك ملفي ربوعك

________ وانقطاعاتك لطاعاتك عصيه

اعص ولاّطيع عصيانك بطوعك

________ لاتطفي جمرة آلما في يديه

هاك نار القلب لاتحطب ضلوعك

________ تحطب ضلوعك ونار القلب حيه

[أحمد شاهر البلوي(رحمه الله)]

"الخامسة والثلاثين "



الايادمي .. يادم الرازقيه

مية عام ماعتقتّك المغارس

الا يادمي طلقة البندقيه

حشا .. مايبورد بها كل فارس

هي الشمس .. لو غربت مشرقيه

هو البحر .. موطن ومنفى النوارس

بقا بي من الكل .. كل البقيه

شغب ضجة اولاد صرفة مدارس

الا يادمي .. يادم الرازقيه

مية عام مسجون من غير حارس!!+

...............

تكللت وحدي / توحدت كل

تظللت جسمي / تجسمت ظل

تحللت أسأل / تساءلت حل

تقللت كثري / تكاثرت قل
..................

اقبلي واقبلي .. واقبلي واقبلي

في بياض الغموض

وفي الغموض المبين

صرت انا كل ما مافات فيما يلي

ماتبينه يكون / كوني اللي تبين

اقبلي واقبلي .. واقبلي واقبلي

مظلمه مشرقه / خافيه بينه

اقبلي هالة المعتم المنجلي

مثل من ظل يمشي على بينه

احلم بحضورك .. أمضي لمستقبلي

دام راح التعب / راحة المتعبين

طوقيني..

بحس بيقيني ..

هي ( الخامسه والثلاثين )

بوابة الأربعين

اغسليني بما رآب من زرقة الرمل

وكتابك المحو ..

والمحو ماتكتبين..!!

واطلقيني ..

مع الليل للشمس ..

ياشمس صبح اشرقيني..

فلربما تشرق الشمس مني واغني :

( الا ياهلي ) ..!!

صدقيني هي ( الخامسه والثلاثين ) ..

بوابة ( الأربعين ) ..!

اغسليني ببرد الغبش ..

من دروب .. الشغب

توقف الناس عند اول اعتابها متعبين

احرقيني بسكينة الشك ..

ابقطع يقيني..!!

هي ( الخامسه والثلاثين ) ..

عند اول اعتابها

تفتح اسطورة الصخرة ابوابها..!!

تسألي ..

انت مين ...؟!

افتحي الباب ..

واحد من المنتمين!

المعصَّر بغيم الصدف

بالغوايات ..

بالطيش ..!!

وبلذة العيش

في ( الآخر ) اللي نزل فيه ..

واستوطن الذات

ثم ارتحل من دم النطع ..

حتى اقاصي سديم الملذات ..

والولدنه..!

اقبلي وغدنه

مظلمه/ مشرقه ..

مجدبه / مورقه ..

ممحله / مغرقه ..

بارده / محرقه ..

كوني ابعد من الأقربين

أقرب الأبعدين ..

اقبلي ..

كوني الاصغر الأكبر الـ .. الـ .. بلا الـ ..!!

كوني مثل ماتبين ..

جاهله / غارقه ..

حانيه / جارفه ..

هاديه / عاصفه ..

قاسيه / لينه

صعبة ٍ / هينه..

كافره / دينه

غامضه / بينه ..

مثل مستقبلي ..

اقبلي :

كل ماخط منحط خطين..

خط البدايه وخط النهايه

...........

ركضنا .. وقفنا ..

سمعنا وطعنا ..!!

اكلنا شبعنا .. !!

على ربوة في العقيق اجتمعنا ..

نغني (( احنا وسود العيوني ))

وياعيوني / عيوني!!

وياشجوني / شجوني!!

وياظنوني / ظنوني!!

وياديوني/ ديوني!!

وياسجوني / سجوني!!

وياعطوني / عطوني!!

لحد ماسكتوني ..!!

تعبنا نغني :

مشينا لعليا في ثمانين ليلة ٍ ..

على شانها عليا تهون الصعايب

عشرين منها تضرب الارض بالحذا ..

وعشرين منها في ظهور الركايب

وعشرين منها في البحور الغزيره ..

وعشرين منها في الجبال النشايب

وعشرين منها في بطون الشعايب

............

طاعن ٍ ف( الباهت ) المصفر وجهك ..

شاحب ٍ ذابل ومنهك ..

في ظهيرة يوم سبت ..!!

والمدينه تطفح ارصفة الشوارع

ضجة اولاد وشغب ..

صرفة مدارس

تحت شمس ٍ من نحاس ..!

كنت بلحالك ..

جسدك ..

وماتيسر من ظلالك

كنت تنسج من سؤالك حيرتك..

والريح تنسج منك خبت ..!

كل كلمة صيف تكتب محوها ..

تمحي كتابتها

تتكسر مرايا من خيال الما..

على مرمى عطش مكسور كاس ..!

هو من فينا البحر ..؟!

قال الجسد للظل ..

قال الظل : من فينا الغريق

امتد وامتد السؤال وما أجبت ..

هو من فينا كسر قيد الطريق..؟!

ومن هو المأسور من فينا الطليق..؟!

وطال .. طال الظل طال ..!!

اكتظ حولك من غبار التايهين وجوه ناس

هو من فينا .. ومن فينا ..

ومن فينا تمادى .؟!

طال طال الظل طال ..

لحد ماصاح الجسد :

يكفي ..

تعبت.. !!

ارجوك من هذا العبث..

يكفي .. تعبت .!!

بعدها صار البحر صمتك فراغك

والشجر هذا الدم المورق شماغك ..!

والهوى كينونتك ..

والأرض تحت اقدامك ..

والما ينحسر عنها ..

ويمتد اليباس

..........

البحر باب الملوحه ..

والشجر عالم بروحه

مثلنا مثل الطيور ..

كلنا تكوين ( لوحه )

شمس تكتب مامحيت ..

وريح تمحي ماكتبت

ربما كراسة زرقا / سما ..

تجلس على صخرة نهار

تختمر كراس ازرق في التباس المبهم .. المبهم..

لحد الالتباس

[أحمد شاهر البلوي(رحمه الله)]

وهم ..

.. وأوهام ..

امد خلف النافذة يدي ..

أقبضها … أردها

ألقى بها حفنة ظلام ..

أروح للصنبور ..

أغسلها أنام ..!!

*********

( موت )

أمدد أقدامي

جدار قدامي

وجدار من خلفي

أموت .. رغم أنفي

*********

( غبن )

صار اصبعي ريشة

صار القلم فرد

ومشرد حروفي ... ترعى مضارب جرد

بعض القصايد سم

والبعض الآخر كذا

صرخة بليا فم

ومابين هذا وذا

شوف المسافة كم ..؟

*********

ياسيدي الجمهور ..

لولا عذوبة مانقول .

كان الحقول

صارت اراضي بور ..

عزيزي الجمهور

ان مافهم الي نقول .

تقدر تطفي النور ..!!

*********

أمدد أقدامي

وجدار قدامي

وجدار من خلفي

أموت رغم أنفي !

* * *

تقول أمي وهبني شعري الخلاق عز وجل جمعت لها النجوم بثوبها وأبتلت أسماله!
* * *

ياطفلة الريح افتحي شرفة الغيم على العطاشا ينفض البرق ظله !
* * *

انت ملحد

انت فاسق

انت زنديق

وحداثي

انت تهذي

انت تجهل

ماتقول

وقاطعه :

أنت عشق الليلك

اليابس على

عتاب المدى ..

انت صدى

صوت الجميع

وماتعرف من الفصول

الا الربيع !!

* * *

قال الشعر قلة حيا قلت : الشعرقل لتحيا !
* * *

لغيابك المثمر تصب العناقيد لذة حريق الثلج في سلة النار
* * *

من رقى نخلة الدفتر وشق السحابه تغسله بـ احتمالات المطر والتراب!
* * *

انام وادخل قميص الليل مع كمه واخرج صلاة الفجر مع كمه الثاني!

[أحمد شاهر البلوي(رحمه الله)]

حبر الكتابة

صاح بي .. صاحبي .. والليل حبر الكتابه

________ كيف نرسم وطن للمتعبين أغتراب

كيف تطــلع يدينك ... يارفيق الصـبابه؟؟

________ وانت للتمر في شفتك طعم الغياب !!

قلت له ظلك الناضح ... بريق ومـهابه

________اطعن الظل واكتب من دماء الجواب

من رقا نخلة الدفتر ... وشق السحابه

________تغسله باحتمالات المطر والتراب

كل ما خدرت ... صحو السؤال // الإجابه

________سال قيظٍ تشــجر من ضلوع السحاب

فوق نخلٍ جنوا طلعه ... وخانوا ترابه

________وارتدوا فوق ثوب الطين / طين الثياب

صبّي الغـــيم ياسلمى ... لناسً غلابه

________من عطشهم على الما يحلبون السراب

اظهري مثل نفحة برق ... والفجر غابه

________واختفي مثل ورده في ظنون الكتاب

غصنها يعزل الما .. من سراب التشابه

________والنسانـيس ترسم به نوافذ وباب

[أحمد شاهر البلوي(رحمه الله)]

.

الــصـــايـــع
.



ضاق صدره ..

حس حتى البيت اللي .. انو لد به ..

صار قبره .!!

لملم انفاسه .. وبعض اوراق كراسه

شرب باقي بقايا الشاهي البارد بكاسه ..!!

وخرج ..

وقف على الدرج ..

ولع سيجاره ..!!

استرق نظره على شباك غرفة جارته ..!!

شاف جاره .. وانحرج ..!!

أرخى راسه .. صار نصف انسان ..

ربع انسان ..

ماباقي من الإنسان فيه الا لباسه ..!

كان في حالة ندم ..

لو طعنته وقتها ماسال منه .. نقطه دم ..!!

.....

والله ياديما ..

مااسامح اسلافي ..!!

أخذوا الأيادي ..ما ..

خلوا سوى اكتافي ..!!

أمشي كما الأعمى ..

قدامي خلافي ..!!

والنور والظلما ..

حملٍ على اكتافي ..!

( واغض طرفي إن بدت لي جارتي ..

حتى يواري جارتي ماواها )

...

على خيال الما ..

هذا الحجر طافي ..

كل النسا : سلمى

وكل الرجال : وافي

لاصارت الأسمى ..

تلمس وتنشافي ..!!

..

وامتطى سيارته ..

سار في كل اتجاهات المدينة ..

لف ابو كل الشوارع

مره نازل .. مره طالع

مرن نازل ... مره طالع ..!!

قل : يدور شلته

قل : يفكر في عذر ( للجار ) إذا علم ابوه بزلته

قل : يبي ( كفتيريا ) جايع ..

يبي يشرب وياكل

قل : يدور عن حلول

او عن مشاكل ..!!

قل : يسوي مايسويه المراهق ..

إنحرافات وخرافات ..

وسخافات .. ومهازل ..

قل : يغازل ..!!

....

البحر ..

ويش البحر..؟!

لولا رمال الشط ، والأطفال ، واليامال..

والمرجان والأصداف والما.. والسفينه

والمسا ..

ويش المسا..؟!!

لولا دفا لون الستاير من شبابيك المنازل ، والنسا ..

وخشوع جمر الليل في احظان المباخر ..!

انت شايف ضحكة الموجه على صدر البحر تختال ؟!

شايف ضحكة الما .. كم حزينه في نوافير المدينه ؟!

شايف الفرق الكبير الشاسع الواسع

شايف كم هي الأشيا تكون أجمل كثير بدون آخر ...!!

............

في اليمين من التقاطع

اعترض له نور احمر

نور ساطع

صاح به : اوقف

وكان الصوت حازم حزم قاطع

خفف السرعه .!!

رخى صوت المسجل

ارتجف .!!

صاح نفس الصوت وبقوة صراخ : أوقف

وقف ..

واستعاذ بطيبته من شر حراص النوايا

وين رايح ..؟؟

أو إذا ماكنت رايح قلنا من وين راجع

ماأنا .. ما ...

ما أنت ماعندك ادب

إنت تربية شوارع

إنت شكلك واحد مسوي سوايا

هات إثبات الهوية

حاضر وماعندي مانع

ها هـ هذي هية :

الإسم : راضي سويكت

المؤهل : جامعي

المهنة : صايع

[أحمد شاهر البلوي(رحمه الله)]

.



موجـــة حمام

.

رفرفت في بالي اوراق بيضا مهملـة

__________ واشتهى صمت ابيض الجوع تفاح الكلام

مثل طفل ٍ كان يبنـي ويهـدم منزلـه

__________ في هديل البحر واصطادته موجة حمام

جيت لاسهم ٍ تناسـى ولاجـرح ٍ دلـه

__________ عن هوى اللي ينزعون الجروح من السهام

جيت للدنيا قمر وجه صوتـي حنظلـه

__________ تحت جلدي ذاكرة خبت من رمل .. وعظام

لي سما عالي وحفنة سديم و.. وسنبله

__________ سبحت فيها وغنت عصافيـر الغمـام

كن من روّع ضبى خبت دمي واجفلـه

__________ وارتبك في حانة الصيف طاروق الصرام

كلمـا قربـت للريـح نـار ٍ مشعلـه

__________ فوق صدري زادني جمرها برد وسلام

كيف خيلت آخر الوقت قـاع ٍ ممحلـه

__________ كيف خيلت آخر القـاع وقـت ٍ للهدام

وش هو آخر دربنا .. آخر الدرب اوله

__________ لاهمزنا مهرة الوقت وانـزاح اللثـام

كل درب ٍ تعرفه حـاول انـك تجهلـه

__________ الدروب لصمت وجهي .. مجاهيل وظلام

[أحمد شاهر البلوي(رحمه الله)]

قميص الليل


دخيل ركض الوجـع والآه والضمـه

_________ ومتابع الركض .. لاتكّلف على شاني

خلاص مني ومنك الحب في الذمـه

_________ تضاعفت من جروحك قـوة ايمانـي

محسوبك ان جيت وان ماجيت ماهمه

_________ وش ياخذ الدمع من تغميضة اجفاني

انام وادخل قميص الليل مـع كمـه

_________ واخرج صلاة الفجر مع كمه الثانـي

اتنفس الفجـر الاول عاقـد الهمـه

_________ واركض مع الناس .. والعن خيّر احزاني

كرامة النفس عندي فوق في القمـه

_________ وتثور من دونها .. ناري ، ودخانـي

ذبحت خيل الهوى .. واسقيتها دمـه

_________ خليتها غصب تحمل جثة ( الجانـي )

ياحالمه في دروب العشـق مهتمـه

_________ عمري مهو لك رصيف احلام واشجاني

عمري قصيده ( ردية حال ) منسمه

_________ مافيني اوراق يامحبوبـة اغصانـي

[أحمد شاهر البلوي(رحمه الله)]

أسئلة للبياض



يومك ابيض

قلبك ابيض

( دا نهارك زي زهر الفل أبيض )

صفحتك بيضا ..

وهمْ هذا البياض الواضح الفاتح شهيتنا ..

ونغرق في الكلام ..

وفي الكتابه !

ياترى فعلاً ..

تكلمنا .. كتبنا .. في البياض ؟!

ياترى ..

هذا الورق أبيض كما يظهر لنا .؟!

ياترى ..

هذا القلم أول قلم يحرث بكارة تربته ..؟!

ياترى . محد ٍ كتبني ؟!

قبل هذا البياض ..؟!

والكلام اللي نثرته

باترى محد ٍ سبقني .؟!

وحدي اللي في بكارة تربة الصوت ابتذرته ..؟!

ياترى ..

محد ٍ نطقني ..؟!

أعتقد مهما توهمت الكلام ابيض ..

وصوتي والورق أبيض

فالابيض صمتكم وانصاتكم ..

وانتم الأكثر بياض ..!!

[أحمد شاهر البلوي(رحمه الله)]

شجرة شجرة



وحدها تجلس على كرسيّ عرش الليل ..

هذا الاسود الفواح لمَّن ينكسر غصن النهار

وتنفطر من مكسره !!

وحدها تخرج ونبع انفاسها ينساب من

فستانها الكحلي..

ومن شال البنفسج ..

كان الاسود شف عن ليلك ..

وشف الليلكي عن ساقها الكحلي ..

وشف الكحلي المعتم عن الازرق ..

والازرق شف عن هذا السديم !!

وشف عن .. ..

عن ..

وجهشت في كرنفال اللون زهرة !!

إسمها ..!!

وتسابقت داخل فمي الاسما .. تباهي في

في سما وجه ( المليكه ) ..!

إسمها بلقيس ..؟!

لا..

زنوبيا ..؟!

لا ..

كليوبترا ..؟!

لا

ملكة الليل ..؟!

هذا ماتقول الناس ..

لكني اسميها :

( حزن زهر البنفسج ..

ضحكة النرجس ..

خجل ورده ..

غرور الياسمين

الفل متواضع .. أسميها ..

واسميها دفا الريحان ..

والشيح النفور ..

وطيبة النعناع ..

أسميها حكاية ( سرْ ) وافشاها النسيم !!

[أحمد شاهر البلوي(رحمه الله)]

.

رفيف
.




أكتب رفيف وتطيح اربع نجوم وسنا ..

_________ من فوقها نجمتين وتحتها نجمتين .

كتبتها ف ( اول الصفحه ) تساقط جنا ..

_________ كتبتها ف ( آخر الصفحه ) نبت ياسمين .

كتبت فوق السطر مال السطر وانثنى ..

_________ يميل يم اليسار وينحني لليمين

كتبت ( تحت السطر ) وارخيت عيني وانا :

_________ أكتب وتسأل رفيف الشعر هذا لمين .؟!!

[أحمد شاهر البلوي(رحمه الله)]

.


ماجـــده

تبكي وتضحك على المسرح كما طفله ..!

كما ..؟!

كما ليش هي طفله كما هيه .!!

كما بعد ليش ..؟! عصفور ٍ ترفرف له ..

في بال الاغصان حالة صمت محكيه !!

من صوتها يرجع الغايب على غفله ..

وتطل قمرا ليالي صيف شرقيه .!!

-----------

صيحة


صحت في ( سمع الفراغ )

بالـ( فم المليان ) ..

صيحه ..!!

ياإلهي ..!!

كل ذا الأخطا .. صحيحه ..؟!!



-----------

حــلم

أرى في مايرى النايم ..

سفينة نوح ..!!

وساطور السما ريح ٍ تشق ال ( فوق ) ..

تنهب زرقة المالح ..

وتحت تخيط اساميها الذوات..

الروح ..+

تتكور جسد عايم ..!!

______

بــوح

ياموطني ..

دام الحياه أخذ وعطا ..

خذ واعطني ..!!

---------

جــــواب

انا الآتي

حياتي ..

في ال ( بقيه من حياتي ) !!

________

حــيــرة

مدري أي كتاب ب ( اقرا ) !

مدري الليله !!

انا عن أي شي ب ( اكتب ) ؟!

عن زرافات ( الحريم ) الشاحبات

عن ( ! ) ..

عن العصيان .. أبكتب ؟!

آه .. ي ( أسراب الأفاعي ) !

واليمامات الحزينه !

من يقول ( العقل زينه

[أحمد شاهر البلوي(رحمه الله)]

.

أحبتي

إستراحة ولي عودة لإكمال هذا الديوان

لا أنتـظر

ردووووووووود

بقدر ما أنـتـظر إبحار منكم مع هذا الجنون

تحياتي لكم


.

[أحمد شاهر البلوي(رحمه الله)]

مفهوم العتاب

يامحرم علـى اوراقـي حضـور القصيـده

_________ خيـرة الله عليـك اطلـق رهينـة غيابـك

القوافـي غـدت مثـل الخيـول الشريـده

_________ ويـن ماتتجـه يتبعـن وجهـة ركـابـك

واحتبس منـك دم المحبـره فـي وريـده

_________ شوف.. حتى القلم ماطاق قسـوة عذابـك

كيف اعاتبك ؟! كيف اعطيك فرصه جديده؟!!

_________ انـت شوهـت مفهـوم العتـاب بعتابـك

كـان لـي فيـك ياماكـان هقـوه بعيـده

_________ يجذبنّـي حبـال الصيـف واتبـع سرابـك

اتعبتنـي مسافـات الــدروب العنـيـده

_________ لازم اسألـك واتحمـل فجيعـة جـوابـك

قـول مابيـك والفرقـا طرقهـا عـديـده

_________ كان عندك شجاعة صـدق تبـرح جنابـك

خذ معك كل شـي غيـر القلـم والقصيـده

_________ مالهـا ذنـب تاخذهـا رهينـة غيـابـك

[أحمد شاهر البلوي(رحمه الله)]

قصائد قصيرة جدا






( قنوط )

امد خلف النافذة يدي

اقبضها .. أردها

ألمس بها شي ..

وآخذه ..

القى بها حفنة ظلام

أروح للصنبور ..

أغسلها وانام ..!!

.

.

( موت )

امدد اقدامي

جدار قدامي

وجدار من خلفي

اموت رغم أنفي ..!!

.

.

( غبن )
عمر الجروح بيوم ..

ماكانت الورد ..

وعمر الذي في النار ..

ماحس بالبرد ..

الورد ينزف شذا ..

والجرح ينزف دم ..

ومابين هذا .. وذا ..

شوف المسافه كم ..؟!!

...........

صار اصبعي ريشه

صار القلم فرد

ومشرد حروفي ..

ترعى مضارب جرد

بعض القصايد غذا

وبعض القصايد سم

والبعض الاخر كذا

( صرخه بليا فم ) .. !!

.

.

( رصيف )

على رصيف الشارع المظلم .. جلس ..

يقلب اوراق السنين ..

الشارع الأول .. نظيف..

الشارع الثاني .. مخيف ..

الشارع الثالث .. أبد ماله ( رصيف ) ..!!

.

.

( متشابهات )

متشابهات ..

وجه ٍ يشابه وجه ..

حرفٍ يشابه حرف ..

صوتٍ يشابه صوت ..

لكنها ..

ماتشتبه في اختيار الموت ..!!

.

.

( حاله )

كنت ذاهل بحزني مسجي

وحيد اتهجى

دم الصمت الابيض يسيل

في عروق الكلام ..!!

.

.

( وقت )

يدخل البرد ليّن من النافذه

يدخل الوقت دافي

لمست الوقت دافي

لذيذ / وطري ..

حار مثل الرغيف ..!!

.

.

( لوحه )
ارسم بحر ..

ارسم قوارب صيد

ارسم ناس .. صيادين ..

ارسم ساريه ..

وخيوط سنارة سمك . بس ..

واترك الموجه بريشة صمتها ..

تمحاك فيه وترسمك ..!!

.

.

( سكن )

لو مافتحتي شرفة الغيمه البعيده

مانتفض قلبي كما العصفور من صدري

وراح يطير .. يطير .. يطير

كم غيمة قالت : تعال

وكم شجرة قالت : تعال

وكم نجمة قالت : تعال

من دونها ليلٍ مطير

وسنين من ظلما وريح ..

مالك مطير

وكل قطرة دم في قلبي تصيح ..

وتقول : طر فوق وتعال ..

طر فوق وتعال .. طر فوق وتعال ..تعال ..

ورحت اطير .. اطير ..

حتى وصلت لجنة ايدينك جريح ..

ولو مالجراح ماحمحم الريحيان بين اصابعي ..

ولانبت في دفتري عشب الصباح ..!!

.

.

( الجمهور )
ياسيدي الجمهور ..

لولا عذوبة مانقول ..

كان الحقول ..

صارت أراضي بور ..!

(عزيزي الجمهور ) ..

ان مافمهمت اللي نقول ...!

تقدر تطفي النور ..!!

[أحمد شاهر البلوي(رحمه الله)]

عرس الشمس



انا ماني بمن يقرا الصور حتى ينـام اللـون

________ولامن يهدم اسوارالشمـوس ليبنـي ظلالـه

انا الليل البهيم اللي خرج من كاحل العرجون

________صباح اطراف اصابعكم تنـز بطينـة اطفالـه

جنوني حكمتي .. والحكمه اولها صلف بجنون

________لذا صوتي رما دلـو الكـلام وقطّـع حبالـه

صحيح النار تاكلني .. ولكني عرفت اشلـون

________اموت .. وكيف يختال الرماد بعـزة اشعالـه

وداعاً يالسيوف الطاعنه في جثة المطعـون

________وداعاً يالمرايا .. وجهى اول وآخر اشكالـه

وداعاً للمكان المستوي فيني وفيـه الكـون

________ هلا بك يامكان ٍ قبلي اسمـك ماحـد ٍ قالـه

مخاليقه تعيش بدون اساميها عشان آكون :

________ انا اول من يدق طبول عرس الشمس في رماله

[موسى بن ربيع البلوي]

.

أحبتي

إستراحة ولي عودة لإكمال هذا الديوان

لا أنتـظر

ردووووووووود

بقدر ما أنـتـظر إبحار منكم مع هذا الجنون

تحياتي لكم


.


بالفعل أخي الغالي / أبو شاهر

ابحار و لا أروع ..

من وجهة نظري كثرة الردود تشوه جمال الموضوع ..



لك كل الغلا ..

[أحمد عايد البلوي]

.


لا إله إلا الله

.

[أحمد شاهر البلوي(رحمه الله)]

.

أستاذي / أبو نادر


أستاذي / المجرم

.

رغم أني كتبت

لا أنتـظر

ردووووووووود
بقدر ما أنـتـظر إبحار منكم مع هذا الجنون

.

إلا أنــكــم كنت هنا


وأنا لا الومكم

فمع هكذا جنون :

من الجنون أن ترد ومن الجنون أن لا ترد

لقد حذفت حتى توقيعي من المتصفح خوفاً على هذا الجمال

من وجودي

تحياتي لكم
.

[أحمد شاهر البلوي(رحمه الله)]

درب الحجاز

ايه في منحنى درب الحجـاز اعتـراف=أيه والسالفه تغـري لسـان الكـذوب
حاصروني من اول سطر بعد الغـلاف=صرت انا حرف يبحث عن مساحة هروب
أيه وتعطروا دمـي خجـل وانكسـاف=مثلما البحـر يتعطـر بـدم الغـروب
قوم ترمي عبثها في المسامع هتـاف=يذبحون القصيده فـي سبيـل الذنـوب
بس ماخذت من وقتي نهايـة مطـاف=دمي اخضر ورماي القفـا مايصـوب
ترعد قلوبهم لكـن مطرهـا جفـاف=وش يميت القلوب الا .. جفاف القلوب
من يصدق نهر يغتال حلم الضفاف ..؟! بين جزر الشمال .. وبين مد الجنـوب
ماهقيت ان في عشق الرمال انحـراف=لين خانتني الخطوه .. وخنت الـدروب
بعدها صرت للصفيـن معنـى وقـاف=وابتسامه على ثغر المواجـع تـذوب
الامانـي سنابـل ينتظرهـا قـطـاف=والمواسم تعاني جوع كـل الشعـوب

[أحمد شاهر البلوي(رحمه الله)]

جنون العاصفة


ليلة مطر شق الرعد جـو الانفـاس=وامطر جنون العاصفه من حروفـي
اعد واذكر ناس .. وانسى بعض ناس=اشباح ذكرى تسكن اطـلال شوفـي
كان الزمان لصادق الحـب نبـراس=وكان المكان اطهر مكـان لوقوفـي
طفولتي ياحلـم ياغربـة احسـاس=يابعد شـق بخنجـر البعـد جوفـي
اصرخ ولكن تحتضن صوتي اقـواس=وجمرة قلم مرتـد تشعـل كفوفـي
كل ماتكسـر للقلـم بيـدر المـاس=حدر السنابل تورق اغصان خوفـي
وكل ماخرج من معطف الليل نسناس=احاول اخـرج مـن ثنايـا ظروفـي
واكتب شعر تنزيل من وحي الانفاس=لعلها تقلـب حروفـي .. حروفـي

[ابو رشيد]

:خالي الغالي..............بدووووووووووووووووووووون زعل
إذا كان الثقفي مااااااارد الشعر فأنت الفانوس أللذي بداخله الماااارد؟؟؟؟

[عايد البلوي]

أحمد لك أحـــــــتــــــرامي
:
:
:
:
:
http://www.shathaaya.com/vb/images/smilies/i.gif

[أحمد شاهر البلوي(رحمه الله)]

.

ابو شيد

عايد البلوي

.

شكرا لكم جميعا

انشغالي في امور الدراسة ابعدني عن إكمال الديوان

ولكن

أعدكم بعودة قريبة تليق بكم

و

بمارد الشعر

تحياتي

[أحمد شاهر البلوي(رحمه الله)]

هل سمعتم عن

غبااااااااااااار الشمس



لو صرخت. النار لاتحطب ضلوعـك
__________ زادهـا وزنادهـا مـنـي وفـيِّـه
وان صرخت.. النور لاتوقد شموعك

_________ في عيوني من غبار الشمـس فيَّـه

وان صرخت.. الموت لاتنزف دموعك

_________ مانـزف طاهـر كمـا دم الضحيـه

ليه تبني فوق رعش احلام جوعـك

_________ عرش عـراف المسافـات القصيـه

وانت دايم سلمـك يرقـى طلوعـك

_________ ماستـوى طينـك لتوطينـك هويـه

كل منفـي داخلـك ملفـي ربوعـك

__________ وانقطاعاتـك لطاعاتـك عصـيـه

اعص .. ولاّطيع عصيانك بطوعـك

__________ لاتطفـي جمـرة آلمـا فـي يديـه

هاك نار القلب لاتحطـب ضلوعـك

_________ تحطب ضلوعك ونار القلب حيه ..!!

[أحمد شاهر البلوي(رحمه الله)]

زيف الصحاري


ياصاحبي وقف لزيف الصحاري

_________ وبشر هجير الشمس عن موعد السيل

حاول تغير في ملامـح نهـاري

____________ واعط القمر مفتاح بوابة الليـل

مدري لشنهو موعدي وانتظاري

____________ مادامت أيامي قليلـة محاصيـل

في داخلي نزعة خفوق انتحاري

_____________ حلم تكسر في ثنايـا التفاصيـل

واثر انكسار الحلم يعني انكساري

___________ بغيت اكمل وانكسر فيني الحيـل

[أحمد شاهر البلوي(رحمه الله)]

مالك بن الريب


يا مالك أبن الريب .. يا ريـب مالـك

____________ لا تعترف لاحـدٍ .. ولا يعتـرف لـك

صمتك ضجيج .. وضجتك صمت حالك

__________ صاح السكون أبمن تكون وهتف لـك

من بعت شمسك واشتريت بضلالـك

___________في صفحة الماء نجمةٍ ترتجـف لـك

هذا أنت .! في قاع المدينـة لحالـك

_____________ مالك بها ممشى ولا ينو قف .. لـك

ما دو زنت وقـع الخطـاوي نعالـك

___________ ولا مدى هذا الغموض أنكشـف لـك

والظبية اللـي فـي مفالـي خيالـك

_____________ دارت وحارت دمعتـك تنـذرف لـك

حتى الوجع جمر وهجع فـي رمالـك

_____________ وأنبـت ورودٌ ذابلـة تنقطـف لــك

[أحمد شاهر البلوي(رحمه الله)]

غيمة

جتني مع الريح غيمه وارحلت غيمه= وماكل غيمه حملها الريح تغرقنـي
اموت عطشان ضامي والمطر ديمه= وارحل وانا ماخضعت لغير خالقنـي
استثني امي وابوي اخضع لهم شيمه =على رضاهم جناح الـذل يسرقنـي
يستاهلون العمر ويهـون تقديمـه =امشي لهم بالقدم والروح تسبقنـي
اما على غيرهم ماللحـزن قيمـه= وان كنت كذاب سألوهـا تصدقنـي
تملا عروقي حزن والكون تجهيمـه= تلقاني اطلب دفـا والنـار تحرقنـي
بعيونها يعتقـل وجهـي تقاسيمـه= وانـا لحريتـي ذكـرى تشوقنـي
ماني بمن تعتقلني في السما غيمـه= ولاكل غيمه حملها الريح تغرقنـي

[أحمد شاهر البلوي(رحمه الله)]

فاقد الشي يعطيه

من قال مالك شي من فاقد الشي= ماهو صحيح وفاقد الشي يعطيه
مثل الشجر يعطي لنا بارد الفـي= يعطي الظلال ولاهب القيظ يكويه
مثل القمر يعطي لنا برزخ الضي= يعطي الضيا ومايندرى وش يغطيه
مثل العذاري تسقي النازح المي= تسقي البعيد ونخلهـا ماتسقيـه
مثل الطبيب اللي يداوي عن العي= لكنّ ماهولاقـي احـدٍ يداويـه
عطيتك التحنان من خافقٍ حـي= يعني عطيتك شي انا منحرم فيه
أرويتك ابعضي وانا فاقد الـري= مخفي ظماي وقلبي الحزن طاويه
لي في عيونك لاح مستقبلٍ جـي= حلمٍ بعيد ٍ .. ساهر الليل يرجيه

[أحمد شاهر البلوي(رحمه الله)]

فاقد الشي يعطيه

من قال مالك شي من فاقد الشي= ماهو صحيح وفاقد الشي يعطيه
مثل الشجر يعطي لنا بارد الفـي= يعطي الظلال ولاهب القيظ يكويه
مثل القمر يعطي لنا برزخ الضي= يعطي الضيا ومايندرى وش يغطيه
مثل العذاري تسقي النازح المي= تسقي البعيد ونخلهـا ماتسقيـه
مثل الطبيب اللي يداوي عن العي= لكنّ ماهولاقـي احـدٍ يداويـه
عطيتك التحنان من خافقٍ حـي= يعني عطيتك شي انا منحرم فيه
أرويتك ابعضي وانا فاقد الـري= مخفي ظماي وقلبي الحزن طاويه
لي في عيونك لاح مستقبلٍ جـي= حلمٍ بعيد ٍ .. ساهر الليل يرجيه

[أحمد شاهر البلوي(رحمه الله)]

ظلمة المجهول

ذكرت يامحمد الموعـد وغايبتـه= الهاربه من نطاق الوقت تتعبنـي
ماريّح البال من كثرة مشاغبتـه= حتى رسم من كحلها عين تدمعني
فوق السطور احتفال بجرح صايبته= بارودة الوصل من نسيان قاطعني
وتفتحت من نواوير الحشـا نبتـه= تنثر شذاها غياب وحلم يجمعنـي
باكر .. وباكر يدين الليل صالبتـه= وامشي .. وانا ظلمة المجهول تبلعني
من عاتب الوقت ماتجدي معاتبته= ذب الورق في مهب الريح واتبعني
قل للزمن : يازمن خذ كل ماجبته= مادام فيني تسامـي ذات يرفعنـي

[أحمد شاهر البلوي(رحمه الله)]

أروى

اروى .. وانا جرحي ثمل طين وتراب= قـاع ٍ خطـب ود الغيـوم ونفاهـا
اروى . وتكسر ضحكتي دمعة اسباب= وكم فرحة بعـت بكدرهـا صفاهـا
تبعثرت فـي ذاكـرة صيـف كـذاب= ادركـت باديهـا ولـذت بجفـاهـا
كلي رجا .. ومنادمة ليـل وعتـاب= وجروح تركض عكس نقطة شفاهـا
اغمّض عيوني على بـرد الاهـداب= واتذكر احضـان امنحتنـي دفاهـا
والليل درويش ٍ حمل رفض الابـواب =خبل ٍ شرب زيت الشموع وطفاهـا
وانا على جال السهر ظـل وكتـاب= احـاول استرجـع لاولـى جفاهـا

[أحمد شاهر البلوي(رحمه الله)]

هاجس الطرقة


يالله على المسرا

من قال انا ساري

همته شجر يقرا

في دفتر امطاري

وانا اكتب المجرى

وابوح بـ ( اسراري )

يارفيق الجنب هذي (( طرقة المسرى )) وذي مركوبة المدى

تاكل اعشاب الشموس وتشرب الما من غيوم الموتى

مانزانا .. والرياح انفاسها والكون عينها

( مالها جره .. ولامسحب .. ولاممسا .. ولامقيالي )

تعتريني همس .. تغرقني صراخ .. وتمتطي دمي .

يارفيقي ماتسعنا ..

من دخلناها ..

وانا وجهي بوجهك مااجتمعنا

ياترى من ضاع

انا والا انت ؟!!

والا كلنا الاثنين ضعنا ؟!!

[أحمد شاهر البلوي(رحمه الله)]

أحبتي


هنا أتوقف بعد أن إستمتعت بنقل ديوان


مارد الشعر

وأحد أساتذة الشعر الشعبي


الحميدي الثقفي

وهذا رابط الديوان


http://www.adab.com/modules.php?name=Sh3er&doWhat=lsq&shid=357&r=&start=0


وإلى لقاء مع مجرم أخر


تحياتي لكم

.