ديـوان الأســطورة ( مـتـعـب الـتــركــي ) ..!

[أحمد شاهر البلوي(رحمه الله)]

أحبتي

إخترت لكم اليوم شاعر مختلف جداَ

شاعر قدم إلى ساحة الشعبية أو بالأصح هي من بحثت عنه

أتى ليقلب كيان الشعر ويعيد ترتيب شعراء الساحة

ثم إختفى وفظل الإبتعاد

.

شاعرنا اليوم هو

الأســـطـــورة

مـتــعب الـتـركي

http://maws.jeeran.com/متعب.jpg

الشاعر متعب التركي
شاعر استطاع بجداره طرق قلوب الناس وتوصيل همس الحروف الى كل متذوقي الشعر .
متعب ابدع في سلاسة الاسلوب ووضوح المغزى وانتقاء الكلمات .
شاعر تناقلت وسائل الاعلام قصائده فحفظ الناس ابياته عن ظهر قلب...
لانها صادقه - مؤلمه - نقيه - واضحه - مترجمه لمعاناتهم - باختصار شديد لانها نابعة من القلب
في الاونه الاخيره
ابتعد متعب عن الساحه الشعريه بكل مافيها الى طريقا نتمنى له فيه الثبات والاستمرار.
متعب التركي شاعر لم يلاحق فلاشات الصحافه في مسيرته الشعريه
ولم يكتب قصائده لهدف النشر بل لترجمة الاحاسيس والمشاعر
متعب معلم التربيه الاسلاميه الان في حفر الباطن.
ولا يسعني هنا بصفتي احد متابعي هذا الشاعر واحد جمهوره
الا ان اقول الله يسعدك في دنياك واخرتك.
فقد ابدعت يامتعب بكل ماتحمله الكلمه في قصائدك
والتي وصلتنا مدويه - ملتهبه - نازفه - جميله ورائعه ايضا
.

أحبتي


جمعت لكم باقات ورد من بساتين هذا المبدع
ولملمت لكم بعض نزفه من مستنقع الجراح


لتعرفوا الكثير عن هذا الشاعرالأسطورة
متعب التركي
.

وكما قلت في السابق

لا أنـتـظر ردود بقدر ما أنـتــظر منكم إبحار مع هذا الجنون

وليقتـنــع البعض بأنهم مازالوا يمارسون ( الشخبطة ) في متصفحهم !

أترككم مع جنونه
.

[أحمد شاهر البلوي(رحمه الله)]

(1)
قصيدته التي ترجمت سر الابتعاد


الموت هيـن والبـلا وش ورا المـوت =عند الحسـاب .. يهـون سهـم المنايـا
باكر نموت و تصبـح قبورنـا بيـوت =وعقـب القصـور بضيقـات الزوايـا
في جوف الارض وكل من حولك سكوت =وتعاقبـن بالقـبـر عــوج الحنـايـا
يارب يا منجـي نبيـك مـن الحـوت =سترك وعفـوك يـوم كشـف الخفايـا
باكر ليا جينـا علـى داعـي الصـوت =شيبـان واطفـال وشبـاب وصبـايـا
ندعـي وحنـا بيـن باكـي ومبهـوت =ورحنـا لهـا ننقـاد مـثـل السبـايـا
يـا رب تهدينـي قبـل لحظـة الفـوت =وتغفـر ذنوبـي يـا كريـم العطـايـا
اشكيك هـم ٍ داخـل الصـدر مكبـوت =وايامـي الـلـي بالخطـايـا مـلايـا
ان لاذ بك من كـان طايـع و مبخـوت =فـي مـن يلـوذ المرتكـب للخطايـا ؟
يا رب يا قـادر علـى كـل طاغـوت =لا ياقـف اللـي وحـدوا بـك خزايـا
رحماك لا منـا صحينـا مـن المـوت =واليـا وقفنـا عنـد بـابـك عـرايـا

[أحمد شاهر البلوي(رحمه الله)]

( 2 )
مؤلمه اخرى


البارحـه مــدري وش الـلـي خـذانـي
............يوم اجنبو عني من الضيقه اشملت

جـيـت اتكـلـم بــس عـيـا لسـانـي
..........ماكني الا مرتكب ذنـب واخملـت

الله يسـامـح مــن ذكــرت ونسـانـي
.........وانا ادري انـي لاذكرتـه تجملـت

عانيـت وادري كــل طـيـب يعـانـي
.........وعلى حساب طعوني الخضر جاملت

يامـا خـذو مـنـي ولاحــدٍ عطـانـي
..........من طيبتي في حق نفسي تساهلـت

عــزاي لامـنـه تـجـهـم زمـانــي
.........يممـت وجهـي للكريـم وتوسلـت

واللـي يبـي قـربـي وبـعـدي لقـانـي
.........امشي على وضح النقـا ماتختلـت

مرات احـس انـك معـي شخـص ثانـي
.........ومرات احس انك حبيبي ومازلـت

لاتفـرح انـك دجـت بـيـن المحـانـي
........لـو ماتخـون الذاكـره ماتسلـلـت

عشـان ماضـيـك الجمـيـل وعشـانـي
.........حاول تشيل من الوفاء ربع ماشلـت

مانـي علـى خبـرك حبيـبـي تـرانـي
........حتى عن صغار الامانـي تنازلـت

[أحمد شاهر البلوي(رحمه الله)]

( 3 )
ومن قديمه المتجدد


قالوا حبيبك يسمع الشعر قلـت إيـه= يقـراه بعيونـي قبـل تسمعونـه
لولاه حتى طاري الشعر مابيه= ميراكتبـه مـن شـان خاطـر عيونـه
هو روح شعري وامنياته وماضيه =جذع الشجر وش كان لولا اغصونه
اكتب لغيره والقصايد تجـي فيـه= كـن القصايـد حالفـه ماتخونـه
هذاك لامنه زعل قمت اهاديه =حتـى وهـو مخطـي تعـذرت دونـه
يمكن لوانه يلمس الجرح بيديه= يستغـرب ان اللـي لمسهـا طعونـه
ابطى وهو غايب وزلت حراويه= وأنـا مـن العـام اتحـرى مزونـه
هومادرى اني في غيابهم حاتيه= ليتـه نشّدعـن حالـي اللـي يجونـه
وقلبي اللي توه افلت عراويه= كيف انسرق وضلوع صـدري حصونـه
عجزت ارده كن ماني براعيه= يوم انتثـر شوقـه وهاضـت اشجونـه
يبسن عروقـه لكـن اللـي يعزيـه =ان اكثـر العالـم تـردد لحونـه
خافوا من الله لاتجيبون طاريه= لاصـرت انـا موجـود لاتذكرونـه
لو كل غالي جابه الله لغاليـه= ماشفـت لـك مخلـوق تبكـي عيونـه

[أحمد شاهر البلوي(رحمه الله)]

( 4 )

توديع الأحباب

توديع الاحباب مثل الموت له سكره= ادمي جروحي وشق الصدر منيـا
والقلب طيرن ضلوع الادمي وكره= لاشاقـه الطلـع لاسلـم ولاحيـا
مصير الاحزان تنسانـي وتفتكـره =ماكل الايام بيض وسمحت محيـا
قل غيرها منت لامجبر ولا مكـره= لاصار ماهو غلا مابيلـك احميـا
لوفي يدي شي ماقلت الوعد بكـره= حزمت حدب الضلوع وقلتلك هيـا
لوكل غالي تجي دايم علي ذكـره =ماصرت اشوفك هناك وحبك هنيـا
ياليتني لابغيت اكره قدرت اكـره =ماكان قلبي اللياجيت اكرهك عيـا
مادامك معيف رح لكن علي فكـره= ماقلتلي ليـه دمعـك سـال منيـا

[أحمد شاهر البلوي(رحمه الله)]

( 5 )

لــيـل المـحـبــة

دليل المحبه شوف عيني عليك تغـار =ولاودي الحاسـد عيونـك يطالعهـا
مع إنك رحلت بعيدلكن بقى التذكـار =لياشافتـه عينـي تسابـق مدامعهـا
دفنت الغرام بخافقي والقلوب أسـرار =مشاعرهقيـت إن الليالـي تضيعهـا
فرحت برجوعك ماطلبت لخطاك اعذار =ونفسي نست ماجرى من تواضعهـا
تهادت مشاعرخاطري لك يلامعيـار =تجاهلتهـا لوكنـت خابردوافعـهـا
يقولون جنّب درب مالك معه معبـار =يلومون نفسٍ بعدالاحبـاب موجعهـا
يقولونها قبلـي يخـون البحربحّـار =والآمواج لاهاجت خذت ماتبي معهـا
تكاثرت منك الصد وأثرالعلوم كبـار =لقيتك على نفسـي تقلّـب مواجعهـا
اقوله وأنا اللي شفت ذاك الغلاينهـار =يشوف الندم رجّال نفسـه يطاوعهـا
مثل ماضرب جّوٍ خلاغادي محتـار =يدّوج ورجله مـادرى ويـن موقعهـا
تعرض سموم القيض والدارمامن دار =هليك وشعربالموت روحه ينازعهـا
جحدت الغلا لين امتلا بالخفوق وثار =قصايد عساها اليوم تطرق مسامعهـا
غرامك مثل نارٍ حطبها الغلا والنـار =تموت وغلاك اللـي بقلبـي يولعهـا
غلاك بضميري واضحٍ ماعليه غبار =تشيل الغلا نفسـي وأناعاجزامنعهـا
يقولون ماودعّك : قلت الفراق وصار =والإنسان روحه تنسلـب مايودعهـا
هذيك الليالي ويـن أثرالزمـن دوار =خذاهـا ولاظنـي زمانـي يرجعهـا
طوتها السنين ولابقالي سوى التذكـار =لياشافتـه عينـي تسابـق مدامعهـا

[أحمد شاهر البلوي(رحمه الله)]

( 6 )

ومــضــة الـجـرح

ما قلت لـي شي .. وش خليت ما قلته؟ =أسكت .. وخــل الكلام لجرحي الدامــي
لو غيرك اللي يسولف .. ما تحملتـــه =لـكن على شان عـينك .. هـانـت آلامـــي
للحـب مــفهوم .. عـمرك ما تخـيلتـــه=ما اظـــن يـسـتوعـبه تـفكـيرك الســــامـي
هذا الفراق الطويل .. وهذي أسـئلته =هـذا حـصــــاد السـنـين.. وهـذي أيـامــــي
يـامـا ويـاما عـليك البــــــال .. طولته=والعمر عدّى .. وأنا عايش على اوهامـي
حـتى طـريق الفـراق اللــــي تساهلـــته=لقـيته أصـعـب عـلى نـفســي مـن أقـدامـي
اصــبر لي شــوي .. لو دمـي تثاقلته =بحـاول اسـتـوعــب اللـي صـــار قــــدامـي
الحـب ضحــكة بعينك.. بس ما طلته =عمرك بهاالكون شفت أبسط من أحــلامي؟
القلب لو ما خفق لك .. كان ما شلته =ولو ما انت ملهم قصيدي.. جفت أقلامي
هذا قصــيدي بعينيك .. لو تجــاهلته =ينزف على شان .. يروي قلبك الـــضامي
العــــام طاري غــيابك .. ما تـــقبلته =واليوم حــــرماني أصبح مصــدر إلهامــي
لا تعـــــتذر لي وابنســـى كل ما قلته =وش ينفع العذر .. لا من ضاعت أحلامي

[أحمد شاهر البلوي(رحمه الله)]

( 7 )

ضــايــق الـبـال


ضايق البال مايستانس لحالـه =وإنت لاغبت عني كني لحالـي

جتك الأشواق رجليّه وخيالـه =غيرالاول تحمل شوقي التالـي

ليت من قال متعب خابت آماله =شاف بعيونك الخدرات منزالـي

واحدن فيك ماهومنشغل بالـه =اشهد انـه بهالدنيـا هوالسالـي

راوي العود يزهالك وتزهاله =عاد من يقـدر يلومـه ليامالـي

صاحبي والقصايد فيك مختاله=وأنت لك حق فيهن يوم تختالـي

دام نفسك لحب الشعر ميالـه =ليه ماصير شاعر وأنت في بالي

من تمناك لاتنشد عن احوالـه =عقب العسل كيف يستطعم الحالي

عقبك النفس مذعورة ومهتاله =سود الايام هزت برجي العالـي

لكن القلب من يمك على حاله =في تناسيك ليه اكذب على حالي

قلت لك نعمة النسيان زوالـه =ذكراياتك بعضها قـام يبرالـي

كل مامرني طيفك على فالـه =قلت يامرحبا في ريحة الغالـي

شلت همك وهمي ماحدن شالـه =كن قلبك غدى ياصاحبي خالـي

ابتعدنا وكلن راح فـي حالـه=بين هالناس لكن كنـي لحالـي

[أحمد شاهر البلوي(رحمه الله)]

( 8 )

هــب نـســنــاســهــا



هب الهوى غرب واجتاح الضلوع وشعرت =إن الليالـي الجميلـة هــب نسناسـهـا
مدري كبـر حلمنـا ولابعينـي كبـرت =والاهي اوهـام ودي يصـدق إحساسهـا
تنسانـي أيـام وتجينـي متـى ماذكـرت =اليامتى وانـت روحـي حابـس انفاسهـا
كنت أجمل احلام عمري بس ليه انكسرت =يـازيـن الاحــلام لوماينكسرباسـهـا
بيديك مديت لي كـاس المحبـه وصـرت =أنا اول اللي يـذوق المـر مـن كاسهـا
من يومها وانت قدام عينـي ولوماظهـرت =دايـم وعينـي تشوفـك بيـن جلاسهـا
قدرت ولا على نفسـي معـك ماقـدرت =لازاد عنهـا غيـابـك زاد وسواسـهـا
لوشفت حال الورق والشعرعقبك عـذرت =اللي حرق صفحـة الماضـي وكراسهـا
ماكنت اصدق يجي يـوم ابتسـم لانظـرت =أطلال ركـب الليالـي مـر .ماداسهـا
والاأنت لوقلت لي نادم وجيـت اعتـذرت =كان اجمل ابيات شعري ينحنـي راسهـا
مافيه داعي توصينـي تـراي اعتبـرت =فرقاك ذكرى وشعـري علـق اجراسهـا
يكفيني البارح إني فـي عيونـك سهـرت =وقفـت بيـن العيـون السـود وانعاسهـا
إن رحت ماأنت اول اللي راح وان حضرت =قلـت الليـال الجميلـه هـب نسناسـهـا

[أحمد شاهر البلوي(رحمه الله)]

( 9 )



.

وكان للشاعر عبدالله ذويبان هذه المداخلة



متعب التركي ..

شاعر .. و رجل بمعنى الكلمه ..
فضل الابتعاد ..
و الالتزام .. في زمن الـ لا ألتزام فيه ..
في زمن .. التطبيل .. و المبالغه في نفخ الاجساد الشعريه بالكلمات (الكيميائيه) ..
قصائده .. معجزه في وقتها ..
و دروس في وقت غيرها ..


و كلي ثقه .. بأن الشعر الشعبي .. لو كان يدرس في الجامعات او المدارس ..
لكانت هناك ماده تسمى .. ( متعب التركي)


يقول متعب التركي ..

و في احد قصائده ..



القوس مكسور والرامي يقوم ويطيح=والسهم منعاج والايام خازوقها




و يقول ايضاً :


كل قلب في ذراه الحب عاش = فيه طيبة زايده عن حدها
والقلوب ان فارقت.. صارت هشاش= موحشة.. والذكريات تشدها






الله يرزقنا مثل روحه .. و دينه

والله يثبته .. و يرزقنا شعر مثل شعره

[سلمان العرادي]

أحمـــــــــــد الشاهر ..

نبذهـ رائعه أستمتعنا بقرائتها ..

كُــن بالقلب ..

سلمان العرادي

[أحمد شاهر البلوي(رحمه الله)]

أحمـــــــــــد الشاهر ..

نبذهـ رائعه أستمتعنا بقرائتها ..

كُــن بالقلب ..

سلمان العرادي



سلمان العرادي


كنت ومازلت أفتخر بوجودك في متصفحي

تحياتي لك

[ابوسعود الميهوبي]

احمد شاهر

الله يعافيك
اتحفتنا بروائع هذا الشامخه

اشكرك على النقل وصح لسان صاحب الديوان

[أحمد شاهر البلوي(رحمه الله)]

احمد شاهر

الله يعافيك
اتحفتنا بروائع هذا الشامخه

اشكرك على النقل وصح لسان صاحب الديوان



أبو سعود

شكرا لك على هذا المرور أخي الكريم

[أحمد شاهر البلوي(رحمه الله)]

( 10 )

بعض الجروح



لاتنشغل فينـي أنابحالـي ادرى=قلبٍ تعلق فيك ينسـى مـع الوقـت
اكثرمن اللي صارلي ويش يجرى =بين الرجاواليـاس فكـري تعلقـت
مثلي ولوشفته عن همومـه ازرى =ماقال ليتك في جروحـه ترافقـت
هاك القصايد لاتضايقت واقـرى =شف وشكثرفيهالبسماتـك اشتقـت
أثرالوفاينبـاع عنـدك ويشـرى=ماكنت اصدق فيك واليوم صدقـت
يامشتهي فرقاالمواليـف حـذرى=تبعدوأنامن سكـرة الحـب مافقـت
لاطافت الفرصه تحريت الاخرى=وتـروح ماكنـي عليهـا تشوقـت
ساري لوإن الليـل مافيـه قمـرى =اشيل من حمل الهوى فوق ماطقـت
لاصارحظ أقشروالايـام قشـرى=مافيه احد عاقل يلومـك لياضقـت
صحيح بعض الناس فرقاه بشرى=وبعض البشرلاغاب ليله تضايقـت
ليتك خذيت بليل الاحباب مسرى=غربت من كثر الطواري وشرقـت
السيل يبقاله على القـاع مجـرى=ويبقالـك التذكارلوكنـت فـارقـت
اشوف لك من وين مارحت ذكرى=ولاشفتهاصديـت عنهـا ودنـقـت
ماكل جرحٍ لاخـذا أيـام يبـرى =بعض الجروح يزيد شره مع الوقـت

[ابوفالح]

اخي /احمد شاهر
اختيارك لهذا الشاعر يتوافق مع شاعريتك يارائع .
متعب التركي ............ زماااااااااااااااااااااااان الـ...............
باقي ان تزف الينا :( نسيتني علمني اشلون ابنساك).
بانتظارك

[أحمد شاهر البلوي(رحمه الله)]

اخي /احمد شاهر
اختيارك لهذا الشاعر يتوافق مع شاعريتك يارائع .
متعب التركي ............ زماااااااااااااااااااااااان الـ...............
باقي ان تزف الينا :( نسيتني علمني اشلون ابنساك).
بانتظارك


أبو فالح

لــ عـيــنـــاك

كم أبو فالح عندي أنا


( 11 )

علمني إشلون بنساك

.

نسيتنـي علمنـي شلـون ابنسـاك=في هالزمن نسيان الاحباب عـادي

وشلون لامرت على البال ذكـراك=وطيفك سرق مني لذيـذ الرقـادي

وشلون لا قالوا لي الناس وش جاك=من كنت في لـذة منامـك تنـادي

وشلون اعيش اللـي بقالـي بليـاك=لا من غدينا كل واحـد.. بـوادي

لو قلت اداوي جرحي اللي تباطـاك=ماكل جرح يفيـد فيه...الضمـادي

اعلنت حبك ليـن كـل .. تمنـاك=غلطه وغيري من خطاي استفـادي

لو لي..مثل قلبـك تمنيت..فرقـاك=واكيد قبلك بالجفا.. صرت بـادي

حلوه عذاريبـك وحلوه..مزايـاك=حتى بيوم فراقنـا.. كنـت هـادي

كن الليالي ودها تكسـب رضـاك=وآنا يطول مع الليالـي .. جهـادي

في ذمتي.. ماهي غريبة خطايـاك=مبطي وقلبك لو تنبهـت.. غـادي

سهله على من كان مثلك..وشرواك=مثل الثياب.. يغيرون .. المبـادي

علمني اكره..ذكرياتك..وطريـاك=وانسى من الليلة.. صدوق الـودادي

ولاني بقايل عقبها ..وين ابـالقاك=راضي لو ان جروح قلبي .. جدادي

ولا القصايد.. جعلها مـن فدايـاك=لبستها..مبطـي ثيـاب ..الحـدادي

باكر على المخطى يدورن الافـلاك=ونشوف.. من يصعب عليه البعادي

[أحمد شاهر البلوي(رحمه الله)]

أبو فالح

لــ عـيــنـــاك

كم أبو فالح عندي أنا


( 11 )

علمني إشلون بنساك

.
نسيتنـي علمنـي شلـون ابنسـاك=في هالزمن نسيان الاحباب عـادي

وشلون لامرت على البال ذكـراك=وطيفك سرق مني لذيـذ الرقـادي

وشلون لا قالوا لي الناس وش جاك=من كنت في لـذة منامـك تنـادي

وشلون اعيش اللـي بقالـي بليـاك=لا من غدينا كل واحـد.. بـوادي

لو قلت اداوي جرحي اللي تباطـاك=ماكل جرح يفيـد فيه...الضمـادي

اعلنت حبك ليـن كـل .. تمنـاك=غلطه وغيري من خطاي استفـادي

لو لي..مثل قلبـك تمنيت..فرقـاك=واكيد قبلك بالجفا.. صرت بـادي

حلوه عذاريبـك وحلوه..مزايـاك=حتى بيوم فراقنـا.. كنـت هـادي

كن الليالي ودها تكسـب رضـاك=وآنا يطول مع الليالـي .. جهـادي

في ذمتي.. ماهي غريبة خطايـاك=مبطي وقلبك لو تنبهـت.. غـادي

سهله على من كان مثلك..وشرواك=مثل الثياب.. يغيرون .. المبـادي

علمني اكره..ذكرياتك..وطريـاك=وانسى من الليلة.. صدوق الـودادي

ولاني بقايل عقبها ..وين ابـالقاك=راضي لو ان جروح قلبي .. جدادي

ولا القصايد.. جعلها مـن فدايـاك=لبستها..مبطـي ثيـاب ..الحـدادي

باكر على المخطى يدورن الافـلاك=ونشوف.. من يصعب عليه البعادي

[أحمد شاهر البلوي(رحمه الله)]

( 12 )

طاب السهر

يوم طاب السهر عيت تطيـب النفـوس=جت من الله وانا كـم كنـت محتاجهـا

كنها مـن حلاهـا كـل ليلـه عـروس=خايفه مـن عيـون النـاس واحراجهـا

حي هالطول يا زول ٍ عسـاه محـروس=مـن عبـث لوعـة الايـام وازعاجهـا

تزعل نفوس ولا تمتلـي غيـض روس=من يقـرب لهـا وضلوعـي سياجهـا

لي متى وانت يا شوق القلوب محبـوس=طالـت السالفـه وابطيـت بعلاجـهـا

جعل قلب ٍ على نـار الغيـاب محمـوس=يحتـرق بيـن صاليـهـا ووهاجـهـا

من خبر له غلا بين الضلوع مغـروس=غرسةٍ كل ابـو شعـري مـن انتاجهـا

لا تقرب لك الفرقـا هذيـك الهجـوس=من متـى والبحـور تفـارق امواجهـا

لازم اصبر على وجه الزمان العبوس ..=لين سـود الليالـي يضحـك احجاجهـا

من بغى يقطع الفرجه يعـاف الجلـوس=ليـن ياصـل نهايتـهـا ومخراجـهـا

كان شعري قصر ما طال شمس الشموس=تستريـح القصايـد داخـل ادراجـهـا

[أحمد شاهر البلوي(رحمه الله)]

( 13 )

بعض السوالف




ليـه وطيـت عـن خيـل السـروج=ليه مديـت عقـب القـراح الهمـاج

لا تجمل لي الغلطات والعـوج عـوج=يضحك احجاج او ينعقد لـي حجـاج

اصبر اشوي وش علمك تهوج وتموج=ميت القلب مثلك ما يعـرف الهيـاج

ما تعودت أجامـل معتليـن البـروج=الزم العلم قبل يصير هرجـك سمـاج

المشاعر تجي مثل المعاصيـر هـوج=وأنت مالك على هوج الرياح احتجاج

جيت وقلوب حسادي تميـل وتـروج=لا صفى جوهم ساعه قفـاه العجـاح

ابتسم لك وهمي فـوج يقفـاه فـوج=من يحبك لزوم يصير مثلـك هجـاج

بس قلي وانا غلطان لـك ومحجـوج=وين يلقون لجروح النواعس عـلاج

القمر غاب وانت اطفيت نور السروج=قلت يكفيك نور الوجه الاصبح سراج

كن بين الضلوع العوج صفقات مـوج=يوم فاض الغلا والشوق والقلب هـاج

ضيقة الصدر لو بين المحاني تلـوج=كل ضيقة لها عنـد الكريـم انفـراج

ماهو الغيض سبت كل ابو هالهـروج=بس مالي على بعض السوالف مـزاج

[أحمد شاهر البلوي(رحمه الله)]

( 14 )

قبل أسافر

قبل اسافر وتنسى جيت اسلـم عليـك=جيت ابي عمري اللي من يديني غـدى

ضاعت اجمل سنيني من عمايل يديـك=اكذب ان قلت راحت لاجل عينك فـدى

فرصة العمر قالوا لا غدت مـا تجيـك=جتني اكثر فرص عمري وضاعت سدى

جرب الخوف مره حـس بـه يعتليـك=وارفع الصوت ماتسمع لصوتك صـدى

تدري اللي ذبحني قولتـك مـا ابيـك=ما بقالـي لثـاري لـو بغيتـه مـدى

ما هقيـت المشاعـر كلهـا ترتجيـك=قل لها بالمفـارق منهـو اللـي بـدى

هاك دمعـة عيـون ٍ باكيـه تشتكيـك=هاك ريح ضمير ٍ ما استـراح وهـدى

ما تناظر عيونـي زول هـذي وذيـك=ما يهز المسامـع اسـم ريـم وهـدى

قلت ما عاد لي رغبة وشوفـات فيـك=قلت يا نفس طيبـي يفرحـون العـدى

قلت عايف ونفسـي بالخفـا تشتهيـك=عزة النفس تدري طيب ما هـي ردى

خل عينك تهـل دموعهـا وش عليـك=انت خدك ورود ودمـع عينـك نـدى

[أحمد شاهر البلوي(رحمه الله)]

( 15 )

ياســعــود



يا سعود لا تنشد ترى مانـي مجيـب=خل الذي خافي لـه شهـور.. خافـي

إن شفتني مغتاظ.. لي حق و مصيـب=يا سعـود مزعلنـي جديـد اكتشافـي

الغالي اللي كـان مـن قلبـي قريـب=بيني و بينه.. صـار مثـل التجافـي

إن قلـت زلـه.. مثلنـا زلتـه عيـب=من قال لك شمس الضحى مـا تشافـي

إن قلت هقوه.. يمكن تصيب و تخيـب=كم لي سنه .. ما شفت فيـه اختلافـي

و إن صار في نفسه بعض شكة و ريب=حتى البحر ما هو على طـول صافـي

صرنا من الصده .. سوات المصاويب=كلن نقـل جرحـه و قـال: امتعافـي

أصعب فراق.. فراق عكف الأشانيـب=مـا هـو مفـارق لابسـات الغدافـي

و الذيب لا منه عوى.. جاوبـه ذيـب=و العلم حامض.. بس وين الأشافـي؟

دامه لقى لـه غيـر قلبـي معازيـب=الله يسمـح درب هــاك السنـافـي

يروح.. لا يرجي رسـول و مكاتيـب=هو خابر إنـي.. مـا اتلفـت خلافـي

واللي تعلـى فـوق روس المراقيـب=أكيـد مـا تسقـى عليـه السـوافـي

رح بشر اللي _شال شلفـا_ تريحيـب=قلـه: تـراهـا كلبـوهـا عـوافـي

اليوم نفسي طابـت.. و باكـر يطيـب=جرحي.. لو انه مـن يديـن المشافـي

خلصت.. و الدنيا دروس و تجاريـب=سجل يـا بـو عبدالعزيـز اعترافـي

[أحمد شاهر البلوي(رحمه الله)]

( 16 )

وسيع البال




يا وسيع البـال .. ضيقـت الصـدور=رحت ما علمتني وين أنـت سـاري؟

في غيابك.. مـا لخلـق الله حضـور=وفي حضورك.. ما لهم بالبال طـاري

ليـه مـا تختـال يـا بـدر البـدور=و القصايد لك وصيفـات و جـواري

لـك بنـات الفكـر ربـات الخـدور=.يكشفن الثامهن.. و الجـرح عـاري

جعل قلـب مـا مـلاه الصـدق نـور=عند وجه الريح.. ما يلقـى مـزاري

التغاضـي عجـز لا طـال القصـور=ليه أداري؟.. و انت عني منت داري؟؟

الزمـان قصيـر .. والدنيـا تــدور=كل يوم يضيـق فـي عينـي مـداري

صاحبي محتاج لـك شعـر و شعـور=و إحتياجي شي.. ما كـان إختيـاري

من متى و الغصـن يختـار الطيـور=من متى و البـال يختـار الطـواري؟

لا تسمي صمتـي البـارح .. غـرور=إنكساري خلف هالصمـت امتـواري


في غياب الشمس وش ذنب الزهـور=و المطر لا شح وش ذنب الصحاري؟

اللقـا لحظـات و الغيـبـه شـهـور=تقصر الخطوات و يطـول انتظـاري

لو قريـت المنكتـب بيـن السطـور=ما كتبـت لغلطـة العمـر اعتـذاري

صمت هالمينا.. مثل صمـت القبـور=ما رسى مركب.. ولا لاحت صـواري

[أحمد شاهر البلوي(رحمه الله)]

( 17 )

من زمان



كل حاجه طعمها مـر فـي هـذا الزمـان=هـم هـالدنيـا و حنٌـا نعيـش لهمهـا

المكان اللي عرفنـاه مـا عـاد المكـان=و القلوب.. أحـداث الأيـام زادت غمهـا

صاحبي حتى أنت ما عاد تستاهـل حنـان=أنت بعثـرت المشاويـر و انـت تلمهـا

البكا في مثل هالحال نـوع مـن الهـوان=و المهونـه كـل رجـال حـر يذمـهـا

صاحبي.. لو كان للناس و الدنيـا أمـان=ما تمـوت ورود الأحـلام قبـل نشمهـا

خل عنك علوم الأحبـاب .. واللـي كـان=انتهت..وسيـرة الأشـواق مانـي يمهـا

كلما تظما لياليـك قمـت اكتـب عشـان=.تنزف جروحي و الأيـام تشـرب دمهـا

الكلام الموحش يخـاف نـور الشمعـدان=تحتـرق أسمـى معانيـه قبـل يضمهـا

من زمان أكتب على شان تقرا.. من زمان=بس ما شفـت المكاتيـب جابـت همهـا

[أحمد شاهر البلوي(رحمه الله)]

( 18 )

ذكراك




ذكراك لاهبت يجـي عطرهـا صلـف=واستنشقـه بالصـدر مثـل الخزامـى

إي والله إن غيابهـا مكلـف كـلـف=إي والله ان عـروق قلبـي تـوامـى

رمش النواعس والحجاجيـن والزلـف=ياماخـذن قبلـي قلـوب النشـامـى

أمضى من المصقول واسبق من الشلف=سهم الهـوى لوكنـت عنـه اتعامـى

لا يخدعك صبري على الجرح ماخلـف=هالشعر غيـر جـروح قلبـي تدامـى

لي خاطر بينـه وبيـن الشقـا حلـف=يامـا عثـت فيـه المقاديـر يـامـا

من عاش هالدنيا بلا صاحـب وولـف=عزالله إنـه عـاش عيشـت يتامـى

خل السوالـف والمشاريـه والحلـف=مبطي وأنا علـى الجـروح اتسامـى

قلب ٍ يضيق بذكريات الهـوى جلـف=وقلبـي مثـل جـرد القفـار يترامـى

[أحمد شاهر البلوي(رحمه الله)]

( 19 )

ماهـو خطا




ما هو خطا عشـان ادور معاذيـر=ولا هو غلط عشان ادور صوابـه

اليوم تـوه عـود لوكـره الطيـر=واصبح يشوف العالم اكثر رحابـه

مستغربين انه ملى قلبـي الخيـر=ليه الغرابة! وين وجـه الغرابـة؟

تعبـت ادور للخطـاوي مشاويـر=ليـن التعـب زاد الليالـي رتابـة

يبكي فرح من شاف بعض التباشير=..معذور لـو دمعـه يبلـل ثيابـة

من كنت بأول خامسة طفل صغيـر=كنت امتلي حزن وغموض وكأبـه

كنت أشعر اني غير والمدرسه غير=هيمان في جو النبـي والصحابـة

كنت المح بوجـه الليالـي تعابيـر=.وأقراء همومي قبل أعرف الكتابة

والشعر غاااب وله محبة وتقديـر=اول غيابـه شلـت هـم لغيـابـه

بالنفس كان لبعض هالأمر تأثيـر=والليلة اهون من جنـاح الذبابـه

[أحمد شاهر البلوي(رحمه الله)]

( 20 )

باب الرجى



مفتوح باب الرجى لو هب مليون ريـح=والريح ماتاخذ الغرسـه مـن عروقهـا

القوس مكسور والرامي يقـوم ويطيـح=.والسهـم منعـاج والايـام خازوقهـا

لو لبسو ساقط الهرجه ثيـاب المديـح=قلنـا سحابـة وبلـة يابـس حلوقهـا

ياحادي الركب لا توده عليـه وتصيـح=ماعاد هـي سالفـة ليلـى ومعشوقهـا

مديت شوفي وشفت الكون رحب وفسيح=والارض حدر المواطي والسماء فوقهـا

مادام عين الرضا ماها هماج وشحيـح=ابتبـع الغيمـة اللـي رفـة بروقـهـا

مدري عن المقبلة لكن عسى الله يبيـح=اللي تهـز القلـوب وهزنـي شوقهـا

غنيت للحب ولسـان المحبـة فصيـح=والبدو سبـة غناهـا ضيقـة خلوقهـا

باكر يروح الشتاء والثلج قصره يسيـح=مايفضح الثلج غير الشمس وشروقهـا

[أحمد شاهر البلوي(رحمه الله)]

( 21 )

وجه الزمن



حسّي بلوعات الليالـي والاحـزان=بعديـن حسـي بالهـوى لا بغيتـي

وش به يهمك لو يقولون زعـلان!؟=لو فيك ذرّه من غـلا .. ماجفيتـي

يالي تقولين الخطـأ زلـت لسـان=في زحمـة الايـام ليـه اختفيتـي

خطاي وان جا مدري الذنب وش كان=ليه انتهـى ذاك الغـلا وانتهيتـي؟

وقفت في وجه الزمن قدر الامكـان=وانتي جنح فيك الخيال .. وغفيتـي

غلطان انا في كل الاحوال غلطـان=اسرجت لك خيل القصيـد وسريتـي

جيتي وقلت الجرح يوم اقبلت هـان=واثرك على الجرح القديم ارتكيتي!!

قلتي لي ان الحـب لابـد ينصـان=واليـوم ماكنـك دقايـق هويتـي!

شافوك حساد الهوى شوف الاعيان=يومك على رجـم القصايـد رقيتـي

العام لك طاري بقلبي ولـك شـان=واليوم احـس بغلطتـي لا طريتـي

وان قدّر المولى وعشتي بحرمـان=ومن حرّ لوعـات التجافـي بكيتـي

تذكري قلـبٍ لـه سنيـن شفقـان=شوفي بحقـه ياكثـر مـا خطيتـي

كل القصيد اللي اقوله علـى شـان=تهزك الذكرى عقـب مـا نسيتي

[أحمد شاهر البلوي(رحمه الله)]

( 22 )

قلـّـه يفارق




لا يا علي الوضع هذا ما يناسبني=قله يفارق ترى لي بان تزييفه

يروح يبعد..وثم يرجع يقربني=يبيني اتبع هواه واخضع لكيفه

يخطي..ويزعل ويرجع لي يؤنبني=اسكت وانا اسمع تفاهاته وتخريفه

ماني بتمثال وقت الضيق ينصبني=عنه اتلقى خطا غيره وتهديفه

عذروبي اللي يعرفه ما يعيبني=كتاب مكشوف واضح فيه تحريفه

الموقف اللي حصل بالحيل متعبني=ولا يحاول بثوب الكذب تلحيفه

قله فراقه ترى ما عاد يرعبني=ما عاد يسوى بعيني(ربع تعريفه)

انغام عزفه ترى ما عاد تطربني=عندي تساوى برود شتاه مع صيفه

ماني معاتب وقله لا يعاتبني=جوي تعكر ولا اطلب منه تلطيفه

نهر العطا جف قله لا يحاسبني=القلب مما علق به صعب تنظيفه

[أحمد شاهر البلوي(رحمه الله)]

( 23 )

هـــذي



هذى اللى غلاها مايبى قول قايل=هذى اسباب غيضى والرضا والهيام

هذى رسومها بين الضلوع النحايل=هذى اللى على صدر القصيده وسام

الاصايل يجنّك مثل أهلهن أصايل=والوكاد إنّها منهن بليّا كلام

يوم فلّت على الخصر النحيل الجدايل=.وإستدارت خجل مدرى تصنّع غرام

عودها مال لو هى ماتبيه يتمايل=ماهو بكيفها من لين ذاك القوام

واقف وكن رجلى فوق جرف متهايل=للجمال بعيون العاشقين إحترام

قلت فى خاطرى مانى عليها بعايل=لكن القلب سابقنى برد السلام

مانى اللى حذف عند الزناد الفتايل=يومها ولّعت ناره تغطّى ونام

واجد الزين عند الحاضره والقبايل=شفت واجد ومرّنى مرور الكرام

بس هذى وصايفها علوم وهوايل=كنّها قطعةٍ من نور بدر التمام

ياكثر ملحها والا الحلا له دلايل=حورٍ عيونها والخشم سلّة حسام

كن ذيك الخدود بروق ماتنتخايل=لا كساهن شعرها شفت برق وظلام

تعسف الخيل ونفوس البشر تنتحايل=مير خيل القصايد مايطيق اللجام

انتحيت ولقيت القلب مأمن صما يل=كل ماذعذع الغربى من الشوق هام

ياكثر مانى من الشوق والحب شايل=من عشق مثلها وشلون بالله يلام

هذى اللى حلاها مايبى قول قايل=ماهى أول غلا لاشك مسك الختام

[أحمد شاهر البلوي(رحمه الله)]

( 24 )

الهنوف

زى لون الطيف وألوان الفراش=الهنوف اللى شغلنى صدّها

إن بكت جا دمعها مثل الرشاش=وإن تبسّم ثغرها من قدّها

وإن حكت كن بشفايفها رعاش=الخجل عن سالفتها لدّها

والطيور اللى جفت حضن العشاش=ليتها خلّت بقايا ودّها

عقبها كل الغصون أمست نشاش=خاليه عقب الوناسه خدّها

كل قلبٍ فى ذراه الحب عاش=فيه طيبه زايده عن حدّها

والقلوب إن فارقت صارت هشاش=موحشه والذكريات تشدّها

رفرف البرق وزِمَت بيض الدشاش=وامتلا من صافى الما عِدّها

مابنيت بيوت شعرى من قشاش=ليه أخاف إن الرياح تهدّها

والهجوس اللى من الفرقا عطاش=ترقب نجوم السما وتعدّها

يوم شق النور من ليل القماش=شفت حبّة خالها فى خدّها

القصيد لمثلها ولأّ بلاش=لو تبى عمرى حشى ماردّها

[أحمد شاهر البلوي(رحمه الله)]

( 25 )

ماهجيتك


مدرى البارحه ويش إفتكرت وسرحت=هى طوارى والا ان هموم قلبى ثقال

هى طرت لى قديم الذكريات ولمحت=زول والا الحكايه كلبوها خيال

هجّن ركاب فكرى بالمشاعر وصحت=منهو اللى تغافلنى وفك العقال

ضقت والبال عمس ومنقلب فوق تحت=هى من شوى يوم تفوح صفر الدلال

ودى افرح ومن مبطى انا ما فرحت=ودي القا عن شموس الحبايب ظلال

كم سنه عقب مركوز النهد مافتحت=قلبى ولا عيونى للغلا والجمال

لو بغيت انتهز فرصات واجد ربحت=كانت اجمل فرص عمرى تنادى تعال

ما هو بعيب لازلّيت والا جنحت=منهو اللى بلغ فينا حدود الكمال

وانت ياللى عن حدود المحبه نزحت=كل ماشد لك حيلى تشد الرحال

ماشكيتك لو انى من جفاك انذبحت=وانت شف حكمة الخالق ذبحك الدلال

لا تقول انك بذاك التصرف مزحت=.يوم سويت فى هاك النهار احتفال

ماهجيتك ولا كنى ابد مامدحت=كلبوهن عقب هالعشره اكبر محال

صاحبى دام انا منك وعليك انجرحت=لاتجينى على درب الخطا والخمال

تدرى انى تحمّلت الكثير وسمحت=خابر ان التسامح من كريم الخصال

ليه تفهم غلط وشفيك لبعيد رحت=ماطلبتك تشيل الهم يابن الحلال

ماشغل بالى الا يوم افكر بنحت=القصايد واحفّظها قلوب الرجال

قالوا انى بترويض القوافى نجحت=قلت اجل كيف لو بزعل وامس الحبال

لو تخوّفت من درب الخطر مافلحت=مايهاب الصعاب الا ردى العيال

عكس تيارهم شفنى جزمت وسبحت=ماحرصت انى اترك للتراجع مجال

لو طموحى قريّب من زمااان استرحت=مير خابر محلى فوق روس الجبال

[أحمد شاهر البلوي(رحمه الله)]

( 26 )

باب الميانة




مرفوض ياللى بعت غيره عشانه=أزريت عن رد الجزا أو تهاونت

مابي لك أكثر سد باب الميانه=.بانت مع الوقت الخفايا وبينت

مادام مالى وسط قلبك مكانه=أنا بعد مثلك عن الحب هونت

أنا مثل خيال خانه حصانه=عذره يقول من الرسن ماتمكنت

غرّه مع المركاض وارخى عنانه=مخطى وانا غلطان يوم انى امنت

لو كنت وافى ماتخون الامانه=ياللى تقول تشيب روحك ولا خنت

ذاك الهوى لو ماشعرت بحنانه=ماكنت فى حلو القصايد تفنّنت

شاعر تزلزل من فراقك كيانه=لك يعترف مايسكن القلب غير انت

لو كان قلبك صافى الود خانه=فى ذمّتى ماهان حبّك ولا هنت

أحدٍ يخون وواحد الوقت خانه=أنا ترى الثانى وألاوّل تراه أنت ؟

[أحمد شاهر البلوي(رحمه الله)]

( 27 )

رغم التعب




رغم التعب والتناقض منزلك عالي=لو كنت في خطوتك تكثر تعاريجك

عنيد لكن عنادك حيل ..يحلالي=.ولو كان للعند تاج اعلنت تتويجك

لكن ترفق وشوف وجيه..عذااالي=تفرح..تايد صدودك لي وتحجيجك

يكفي تشوف بعيونك ثوبي البالي=اللي تمزق تحت قسوة كرابيجك

حزين رددت للاحزان موالي=وانت إتغنى فرح واسمع اهازيجك

لا زلت احبك..ولكن وعد..يالغالي=لابد..اوقف دعاباتك وتهريجك

وإن كنت مهر ..ولا روضك خيالي=جيت وعلى جثتي عسفك وتسريجك

[أحمد شاهر البلوي(رحمه الله)]

( 28 )

خطاب





هذا الخبر صدمه وحزن وعلامه=على محبّة كل الامه لـخطاب


هذا الخبر والهم هذى خيامه=شرّع للأحزان النوافذ والابواب


ألحقت من جاب الخبر لى ملامه=صعبه على الانسان توديع الاحباب


البارحه غابت عن العين قامه=قامة رجل زلزل قناعات واحزاب


ترجّل الفارس وذب العمامه=واستقبل الموت بحفاوه وترحاب


ترجّل بصمت ووقار وصرامه=حتى وفاته شى يدعو للأعجاب


من يعتبر فقدان كفه وسامه=أكيد ماهو لحظة الموت مرتاب


وجه واهو مسجى بدر فى تمامه=.ميت ولكنه واهو ميّت مهاب

أومت له كفوفٍ تمنّت سلامه=بكته الامه قبل تبكيه الاقراب


خطاب ماهو بس رمز الشهامه=خطاب نجمٍ فى سما الامه وغاب


حر شهر والطلع دار الكرامه=والحر مايعنيه تحليق الاسراب


فعله فرض على الجميع إحترامه=واسمه ملا الدنيا بطوله واهو شاب


ماكانت الدنيا مثار اهتمامه=بالعكس كان لنصرة الدين وثاب


لو كان يبحث عن نفوذ وزعامه=كان امتلا صدره نياشين والقاب


الاخره كانت على طول امامه=فى هالزمن خطاب واشباهه اغراب


اختار بديار الجهاد الاقامه=ومن كان هذى رغبته لازم يثاب


واختار بالاسلام ذروة سنامه=الصبح ساحة حرب والليل محراب


يكفيه فخر ان الشهاده ختامه=ماحسّب لدنياه ولعمره احساب


يارب تغفر له وترفع مقامه=.وتعظّم أجر إمة محمد بخطاب

[أحمد شاهر البلوي(رحمه الله)]

:)

أحبتي

هنا إنتهيت من ديوان

الإســــــطورة


متعب التركي

والى لقاء مع جنون مجرم آخر من أساتذة الشعر

أترككم بحفظ الله
.

وأعيد وأكرر

لا أنتظر ردود بقدر ما أنتظر إبحار مع هذا الجنون

لنتعلم كيف يكتب الشعر بعيداَ عن

تلك الشخااااااابيط واولها شخابيطي أنا:(

تحياتي

[أحمد شاهر البلوي(رحمه الله)]

.

يرفع للفائدة والإطلاع

.

تحياتي

[عايد البلوي]

http://www.al-wed.com/pic-vb/10.gif

أستاذنا الوافي الأنيق أحمد شاهــــــر


كل ماتقدمة يزيدك مكانة بقلبي وتنحنى الكلمات خجلا أمم ماتسطره=
جهد كبير لقلبك الكبير وكيف أبدي شكري وتقديري حقا أنت مبدع بهذا الأنتقاء أهداءك لهؤالاء المجرمين دليل أجرامك.. جنونك المتواجد=
زاد من أعجاب أعجابي لك كل الحب ياأحمد



دمت بألف خــــــــــــــhttp://www.7lem.com/up/images/thebeauty4.gifـــــــــــــــــير

http://www.al-wed.com/pic-vb/10.gif

[عايد السميري]

الرائع
المبدع
دائماً
احمد شاهر البلوي
___

شكراً لك

لنقل روائع

شاعري المفضل

متعب التركي
.....

تقبل

احترام

وتقدير
_____

اخوكــــــــــــ عايد السميري ــــــــ/
http://www.arab-x.com/uploads/Feb-06/ccceba27d4.gif (http://www.arab-x.com)

[محمود الجذلي]

قالوا حبيبك يسمع الشعر قلـت إيـه= يقـراه بعيونـي قبـل تسمعونـه
لولاه حتى طاري الشعر مابيه= ميراكتبـه مـن شـان خاطـر عيونـه
هو روح شعري وامنياته وماضيه =جذع الشجر وش كان لولا اغصونه
اكتب لغيره والقصايد تجـي فيـه= كـن القصايـد حالفـه ماتخونـه
هذاك لامنه زعل قمت اهاديه =حتـى وهـو مخطـي تعـذرت دونـه
يمكن لوانه يلمس الجرح بيديه= يستغـرب ان اللـي لمسهـا طعونـه
ابطى وهو غايب وزلت حراويه= وأنـا مـن العـام اتحـرى مزونـه
هومادرى اني في غيابهم حاتيه= ليتـه نشّدعـن حالـي اللـي يجونـه
وقلبي اللي توه افلت عراويه= كيف انسرق وضلوع صـدري حصونـه
عجزت ارده كن ماني براعيه= يوم انتثـر شوقـه وهاضـت اشجونـه
يبسن عروقـه لكـن اللـي يعزيـه =ان اكثـر العالـم تـردد لحونـه
خافوا من الله لاتجيبون طاريه= لاصـرت انـا موجـود لاتذكرونـه
لو كل غالي جابه الله لغاليـه= ماشفـت لـك مخلـوق تبكـي عيونـه

.
.
.

كم انت رائع استاذي الكبير

متعب التركي

غني عن التعريف


.

شكراً لكــــــــــــ بحجمك و بحجم محبتي لك

[أحمد شاهر البلوي(رحمه الله)]

.

أخر الشعراء المجرمين

عايد البلوي

القافلة ترحب بإنظمامك

وما هذا الإسطورة إلا أحد قادتها

كن في القلب

.

[أحمد شاهر البلوي(رحمه الله)]

.

المجرم / عايد السميري

وجودك هنا دليل على وجود الوعي

دمت سيدي

[أحمد شاهر البلوي(رحمه الله)]

.

محمود الجذلي

.

متصفحي يدين لك بالكثير

.

دااااامت روعتك

.