قصــــــيده لشاعر حامد زيـــــد

[العـــراديـــه]

مساء الخير للجميع هذه قصيده للشاعر المبدع حامد زيد اقروها للنهايه جداااااا رااااااااااااااااااااااااائعه :|for you|:
.................................................. .......................................
في وقت من البطا وبليل ضاقت شياطينه
بعد شفت الظلام ينزع من ثياب المسا ثلثين
تحايلتي المنام اللي مثل بيتك تمرينه
وانا اللي من تفارقنا وانا ما غمضت لي عين
غريب كل حلمي مر في رقادي تزورينه
والاغرب كيف احلم الحلم وارجع واحلمه بعدين؟؟
قبل يومين شفتك في المنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شراينه
تركته في ايدك مثل الامانه واحفظيها زين
ترى حفظ الامانه دين مجبوره تردينه
اجل ما في احد قد قالك ترى حفظ الامانه دين
مرد المقفي بيقفي ويستوفي وتوفينه
بعد ليله,ثلاثه,اربعه,عشره,شهر,شهرين
اذا انتي ما انتي بقد الكلام الي تقولينه
حرام استأمنك حاجه واذا جيت اطلبك تنسين
تخونين وتبين ارضى واحد يرضى تخونينه
انا لا جيت اخونك مع حبيبه ثانيه ترضين؟؟
من اول مارجعت من السفر ما شفت لك بينه
وانا اللي كنت احسبك قبل ادوس ارض المطار تجين
تكونين انت اول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل ما تحكين
واجيب احلى من اللي بتحكينه واتركك تحكين
تقولين الوطن نور واقول بنور مضوينه
تقولي لي غديت احلى واقول عيونك الحلوين
كلام نام بشفاهك وخفتي لا تصحينه
ذخرتيه الغرام اللي ينام ويتركك تصحين
تغانمتي غيابي لين رجحتي موازينه
تعلم من ايدك لمس الكفوف وعلمك تجفين
وليتك لاقيه شي فيني ما تلاقينه
ماهو بغرور لكن خابرك مالك امل تلقينه

انا ماني بناقص عنه يوم انك تبدينه
نصيب هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل ماني حلو لكن ماني شين
اذا اهداك الزهر مره فأنا اهديتك بساتينه
واذا ألهاك بفرح ليله فأنا تهت لبكاك سنين
واذا استضعفتك املاكه وشتتك ملاينه
انا حتى فتات الخبزه اقسمها معك نصين
طموحي بس اجي واظفر بشي تستحقينه
تدينته..تسلفته..سرقته.. مو مهم منين
كأني من كثر ما ارضى بكل اللي تمنينه
لو انك تطلبين الله يعنيني بقول آمين
انا ما العب على الحبلين وقت الطيش وسنينه
تبين اللحين يوم اني كبرت العب على الحبلين؟؟
ترى عند البدو بالذات عيب اللي تسوينه
حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين
كثار اللي تحدوني وقالولي تحبينه
امانه لاتخليني صغير في عينهم تكفين
لاني كل ما قالوا تخون قلت:مسكينه
عليك الله وامانه علميهم من المسكين؟
انا خايف الا طاح الجمل تكثر سكاكينه
وانا ما عادت ضلوعي تحمل طعنة السكين
مثل ما قالوا: المكتوب واضح من عناوينه
لو ارحل منك للغربه بسافر من ظلامك وين؟؟
كفايه كل حلمي مر في رقادي تزورينه
كفايه من تفارقنا وانا ما غمضت لي عين
قبل يومين شفتك في المنام وقمت من حينه
ونمت امس ورجع نفس المنام اللي قبل يومين

منقـــــــــــــول

[شهدالباز]

جميل جدا جاءت فى وقتها

[الحر]

الله يعطيك العافيه
قصيدة جميلة لشاعر مبدع

[العـــراديـــه]

مشكوووورين على مروركم الكريم على الصفحه
ويكمل جمال القصيده بقرائتكم لها***

[حلم فجر]

ومســاكِ خيـــر يـاللــي ، تـَــقطــُـفـُـيــْـن الشـِــعر وتهـَــدينــه
............................... بسطـــورٍ تـَـمنيــَـتَ لــو لــي ، وقــَـتَ أقراهــا 1000 عيـــن

سـِــقــْـتي لنــا مـِـن المعنــى ، شيٍ ‘‘بهيجـــه‘‘ رياحينـــه
............................... يــِـثبــِـتَ قــْــولَـةَ إن ‘‘الزيــْـن.. يتهـادى لروض كــل زيــْـن‘‘

:
:

فهـذا هــو ‘‘المعنــى الزيــن‘‘ يتهــادى إلى ‘‘رَوْضْ مـُـنتدانــا الزيـــن‘‘...

إنمــا، للآن مــو مقتنــع إن مكان هالقصيــدة في (( بلي الأدب الفصيح ))...!!

:
:

الأخــت الفاضلــة العــراديــه

سـَــلمتي أختي وسـَــلمتَ أياديكِ

وبكــــــــ التقدير والإحترام ـــــــــــــل

[سعود الهرفي]

اللة يعطيك العافية قصيدة جميلة جدا

[إبتهاج]

ليس بغريب على الشاعر الجميل والمُبدع :

حــــــــــــــــــــــــــــــــــــــامد زيد ..

هذه القصيده ,,,

وأنا ليست المره الأولى أقرأها ..

فقط دخلت لأني رأيت آسم حـــــــــامد زيد ,,,