الى أخي الذي لم تلده أمي...( ناصر الجبيل)

[مشهور بن يوسف السرحاني]

صاحبي يسعد صباحك عد ماهبت نسايم=وعد ماترزم رعود وعد ماهلت سحابه
مزنةٍ غرا تباهي ببرديتها غمايم=أرتكت باقصى الشعيب وسيلت عالي هضابه
ثم فيض للخمايل واصطفق طامي وزايم=حط حره في جفافاً كم تلذذ في عذابه
واعشبت ذيك الفياض وغردت ورق الحمايم=فوق ذاك الروض غنت هايمه عشق وصبابه
روضةٍ خضرا نديه جوها سحري وغايم=ازهر النوار فيها والنفل عطره شذا به
صاحبي والشوق يمك هزني صاحي ونايم=ذكرياتك..والقصايد..والمواقف..والنجابه
المسافه نختصرها في قويات العزايم=والنوى نقطع دروبه والسفر.. لا.. مانهابه
جيت والغيت الفوارق ثم حطيت الدعايم=صرت اعز من العزيز واقرب من اقرب قرابه
دون شرواك وجنابك صرت عن ملفاه شايم=مالقيت اللي يسلي واعتزي حضرة جنابه
مثلك الايام شحت والزمن يافلان صايم=قلتها حق وحقيقه مابها شك وغرابه
ماكسبنا في زمنا لاتجارات وغنايم=غيرك.. وباقي علومه كلها هم ورتابه
اشتريت العشره اللي دونها ماجيت سايم=في حراج خبول ولا في دكاكين القصابه
فدوتك كل الرخوم وماتبعهم من هلايم=تكرم بطيبك عليهم والموده واللبابه
انت قدوه للشهامه مايردك قول لايم=بالبحر ترمي جميل ولاتأثر من عتابه
الوفا لاجله وفيت وصرت به مغرم وهايم=والجحود انكرت دربه ثم طول باغترابه
الوصل عندك شريعه والجفا عندك جرايم=حافظاً درساً موثق بالقرايه والكتابه
قلتها وانا بعيد وخاطري عمساً وضايم=والطعون السرمديه زادت أصرار وصلابه
قلتها والجرح نازف لو ربطناه بعمايم=مايفيد الكي فيه ولاتطببه الطبابه
قلتها والصبر عندي بالثريا والنعايم=خابراً دربه وعندي لأسئلة وقتي أجابه
والجروح الموسميه للوجع سوت ولايم=واعزفت ناي المواجع وقطعت قوس الربابه
عاصيه ماروضتها لادروس ولاشتايم=عاثت بروحي فساد وكنها شلة نهابه
والخفوق اللي توقد وسط تنوره هشايم=صاح مره.. طاح مره.. واحترق محدن درابه
اعتذر لك يارفيقي ماشتكي عندك ظلايم=باح سدي وانفجرت وهاجسي شدت ركابه
اسرج حروف القصيد وجاك من صف القوايم =شايلاً شوقه وهمه مع عذابه واغترابه
ياعسى عمرك طويل وياعسى خاطرك دايم=منشرح منساح باله لاهموم ولاكآبه

[أحمد شاهر البلوي(رحمه الله)]

.

ينصر ديــنــك

.

هذا الشعر والا بلاش

.

فداك مسودة آخر قصيدة بيدي

بقطعها لعيون شعرك

.

راااااااااااااااااااااااااااااااااااااااااقي ورب محمد

حتى في نزفــــــك

صح قلبك

وناصر الجبيل

ما بقيت لنا شي نقوله فيه

يعني اللي بيمدحة بعدك ( تـورّط )

.

مشتاق لك والله يابويوسف

ومشتاق لأبــو ريـمـا

والله يجمعنا من جديد
.

بصراحة بداية القصيدة ودتني لـ الحفر وايام زمان ../.. ورجعتني بدموع

دمت لمن تحب يا استاذ / شعر

.

[عبدالله سليمان الوحيشي]

سلمت ايه الشاعر والغائب الحاظر
مشهور يوسف

دوم وانت مخلص لشعرك ولاصدقائك

دمت ايه العذب

وتقبل خالص مودتي

[مشهور بن يوسف السرحاني]

اخوي ابوشاهر
لازال مكانك بالقلب شاغرا حتى اشعار آخر
والذكريات الحفراويه مازالت محفورة بالذاكره
والشعر أطرائك زاده روعه
دمت لمن تحب
وتعود انا بالسلامه ايها البعيد القريب

[مشهور بن يوسف السرحاني]

ألاخ عبدالله الوحيشي
مشكور على كلماتك العذبه
ولك مني كل الود والتقدير
ايها المشرف الرائع

[أحمد عايد البلوي]

مشهـــــــــور يوســـــــــــف



ولا زال للإبــــــــــــــداع وطـــــــــــــــــــن يلجئ إليه ..



نـــــــــــــاصر . . يستحق كـــــــــــل ما ذكرته


وله في قلب أخوه الصغير كل التقدير والإحترام والمحبه




بالفعل كنت هنا مع الشعــــــــر


محبتي


.

[مشهور بن يوسف السرحاني]

اخوي احمد عايد
ماعليك زود
ومشكور على مرورك

[الهرفي]

يعطيك العافية وصح لسانك

[مشهور بن يوسف السرحاني]

اخي حيران
مشكور على مرورك
وصح بدنك يالغالي

[بدر الالبد]

استاذي مشهور

ياهلا ومرحبا

انا هنا كي اهني نفسي واهني منتدى بلي بعودتك

كم نحن بشوق لمشهور السرحاني

لي عوده للقراءه

دمت بخير

[موسى بن ربيع البلوي]

قمة الشعر هنا


سبقني من قبلي و ليس لي الإ الإستمتاع بروعة البيان ..


صح شعرك و صح كلك .

[مشهور بن يوسف السرحاني]

اخوي الالبد
وانا ايضا اهنئ نفسي بمرورك العذب
شكرا لك من القلب

[مشهور بن يوسف السرحاني]

اخوي موسى ربيع
صح بدنك ويعطيك العافيه
ومشكور على مرورك على المشاركه

[ياسر حمدان المقبلي]

ياسلام ياسلام
هنا عذب الكلام
الكبير كبير
مشهوور السرحاني
ابدااااااااااااااع
صح لسانك وسلم بنانك
واهلاوسهلا بك
لاتقاطعنا

[فرحان البلوي]

لن اطيل....ابو يوسف...انت من علمنا الكثير...فصحبتك تشرى..ايها النقــــــي...مخلصــا كمــا عهـــــدتك...اذكر هذه الرائعــــه...وانت هنــــاك..حيث الامطــار والخضره..وجمال الطبيعه...ولاكن بلا اصحاب...ولاكن هناك قلوب ....دائما معـــــــــك......
تلميذك......ابو حاتم............

[عايد السميري]

شاعرنا
الغالي
مشهور يوسف
اولاً : من القلب .. أهلاً وسهلاً وحياك الله
و الحمد لله على سلامتك

( ولا تعودها )
___
ثانياً :

من طول الغيبات جاب الغنايم
سلمت ودمت
وصلح لسانك .. يا مشهور

_____
عايد السميري

[مشهور بن يوسف السرحاني]

اخوي ياسر حمدان
تسلم على كلماتك الرائعه
ولاتحرمنا من ابداعات عبدالله محمود

[سلمان العرادي]

مشهــور السرحاني ..

كنت أنتظرك فحللت أيها العـــذب ..

ماهـــذا الابــداع أيها المشهــور أما ترحم ذائقتنا ! المتلهفه والمتشوقه لمعانيك ..

حقاً لقد أرويت ذائقتي .. شعراً

أطيب الـمُــنــى ،،

سلمان العرادي

[مشهور بن يوسف السرحاني]

اخوي ابوحاتم
المنتدى نور بوجود المبدعين من امثالك
لاتحرمنا من الجديد ترى مالك عذر
واحرجتنا بكلمة تلميذ الله لايهينك

[مشهور بن يوسف السرحاني]

اخوي عايد السميري
تكفا لاتوعدني مااعودها والضروف ماتجي على الكيف
مشكور على مرورك ايها العذب

[مشهور بن يوسف السرحاني]

اخوي سلمان
الغياب لايعني الابتعاد عن منتداكم الرائع
ولكن للضروف احكام
عدنا وعسى ان ترضيكم عودتنا وتدمح زلة الغياب

[دخان الضحى]

صح السانك ابا يوسف ,,,,,,,,,,,,,,,, رائع

[مشهور بن يوسف السرحاني]

صح بدنك يابوخالد
نورت المشاركه

[زيدان البلوي]

ابو يوسف
حضور رائع وممتع انسانا حجم الغياب
دامت حروفك باسقة وسامقة

[ابوماااجد]

مشهور يوسف السرحاني

الله يعطيك العافيه على القصيده المعبره

ود مت بخير

ابوماااجد

[مشهور بن يوسف السرحاني]

اخي وجاري ابوعلي
نورت المشاركه بحضورك
دمت على المحبه

[مشهور بن يوسف السرحاني]

ابوماجد
حضورك ازدانت به المشاركه
شكرا على المرور

[إبتهاج]

س: عندمــــــــــانقول الإبداع..........

ج : بتأكيد مشــــــــــــهور يوسف السرحاني ,,

س : عندمــــــــا نقول التميز.........

ج : مشــــــــــــــــــــهور يوسف السرحاني ,,

س : عندمـــــــا نقول الشعر........

ج : مشـــــــــــــــــــهور يوسف السرحاني ,,

س: عندما نقول شعراء منتدى بلي...........

ج : فقط هو مشـــــــــــــــهور يوسف السرحاني ,,


ودمت أخــــــــي الفاضل ..

[فواز الجبيل]

كيف أحوالك يابو يوسف ....ويسعد مساء ناصر.......يعطيكم العافية .... حنا اهل البحر مانقدر نقول شي ماعندنا مايهيضنا......ماغير مستمعين ....ومتذوقين....ولكن قول لبو ريماء...يسلم عليك ابو ماهر.....وموعدنا ...جاي لا محالة .....حقيقه أفتخر اذا وجتكم ....لا تقطعونا وتحرمونا من المتعة...الشعرية...الفريدة..فنحن ..مثل ماقلت ....متذوقون.فقط..حتي تتقاعدون....

[مشهور بن يوسف السرحاني]

ابتهاج
منتدى بلي ليس مشهور فقط
بل فيه مبدعين كثر طالمل استمتعنا بشعرهم
شكرا لك من القلب ...... ولكن لانهضم حق البقيه

[مشهور بن يوسف السرحاني]

فواز
شكرا لمرورك وأطرائك
على الحب نلتقي

[أحمد عايد البلوي]

مشهور السرحاني

كريم

حتى في الشعر والفكر والإبداع


مبدع يا بو يوسف


محبتي لك

.