لاعاش منهو يبكيك

[عايش سالم البلوي]

اول مره افتح اضافه واحس اني مضيع وش بكتب
او وش اللي يحدني اضيف موضوع
امكن هنا تكون بداية احزان ونهاية افراح
او العكس الله اعلم http://www.eqla3.com/vb/images/smilies/rose.gif

ياكثر ماعطتنا الدنيا على قفانا وياكثر ماخاننا الاحساس
ومانقوى غير نقول صبر جميل والله المستعان

يوم حلو نعيشه لازم نثق ان بكره العكس
وتمشينا الدنيا بمزاجها نصير بيدها مثل الدمى
متى ماتبينا نضحك وزعة علينا الابتسامات والقهقهات
ومتى ماجاز لها تبكينا تسلب منا الضحكه وتروج لنا الدموعhttp://www.eqla3.com/vb/images/smilies/frown.gif

اول غصة ذقتها بحياتي ومانسى شلون صعب عليه ابلع ريقي فيها

لماكنت صغير في ثالث ابتدائي
بالصباح دخلت الفصل لقيت صديقي خالد
قليل فيه كلمة صديق احبه بجنون
امكن لو كانت فيه الحين احسه بيكفيني عن كل العالم

جيته وقت الفطور كل العيال نزلو الساحه بقيت انا بجنبه
خالد مهيب عادته الخمول ملاحظته من الصبح اذكر وجه مصفر
وعيونه غريبه جيته قلت خالد وش فيك يالله بننزل
كان يالله يرد علي يقول انا تعبان ما اشوف شي قدامي
قعدت شوي وكلمته ماجاوبتني قلت خالد طيب
اكلم الاستاذ يعطيك دوا يمكن تصير ازين
مارد علي يدي بيده والعيال شكلها يتغير
بالاول يالله يرد علي ببطء وشوي شوي معاد اسمع له نفس
اللي اذكره كان ضاغط على ايدي بقوه
وفجئه تلاش قدامي حسيت انه جماد هزيته ناديت عليه علي بالي نايم
جلست جنبه اناظر فيه ماكنت افهم وش معنى يومه انتهىhttp://www.eqla3.com/vb/images/smilies/frown.gif
كل ذيك اللحظات وانا ابلع ريقي احسه مثل الشوك يالله ابلعه
جسمي انا بعد بدى يبرد... قوة يده معاد احس فيها
شوي والا يتجمعون العيال والمدرسين واسمع صياح العيال
وانا اناظر فيه وهم يشيلونه http://www.eqla3.com/vb/images/smilies/frown.gif
وانا للحين ما استوعبت انه راح
رحت البيت وانا ساكت ومعي شنطته واغراضه
من اليوم الثاني من بدري جننت اهلي الحين بروح المدرسه
دخلت انتظرته بكرسيه طولت وانا انتظر
رحت للمدير ضام شنطته على صدري قلت ياستاذ ممكن اكلم خالد
بقوله شنطته معي جاني المدير
قال خالد خلاص ماراح يجي عطني اغراضه
انا اوصلها جلست ابكي لكن بداخلي
لاني موب مستوعب حجم كلامه
عطيته الاغراض وجلست يومين انتظره ماله طاري
تذكرت ولد جيرانهم هنا رحت اركض قلت خالد وين؟؟
رد علي مادريت خالد مات وحتى مات وهو بجنبك يقول الاستاذ لابوه
حاولت استرجع ذيك اللحظه مااستوعبتها الا لما كبرت فهمت معنى الموت
والفراق الله يرحمه صغيريhttp://www.eqla3.com/vb/images/smilies/frown.gif

اللي ذكرني بسالفة صديقي احساسي اليوم بغصه اوجعتنيhttp://www.eqla3.com/vb/images/smilies/frown.gif
فجيت واضفت موضوع يمكن بكره لاصحيت اسئل نفسي ليش انا كتبت ذا الكلام هنا؟؟

بس على قولة ابوي ماندري منهو صاحب بكره http://www.eqla3.com/vb/images/smilies/frown.gif



صفحه لكم تعبرون فيها عن اول غصهhttp://www.eqla3.com/vb/images/smilies/119.gif

أشوفكم على خيرررررررررhttp://www.eqla3.com/vb/images/smilies/119.gif