شعار فشفاش

[مقبول الميهوبي]

يامسوي الفنجال هيلا وبنـــي = سلمت يمنك وازنه ينعش نعاش
اسكب لنا ما يبعد الهم عنـــي = يعدل مزاجاً شارد الذهن منداش
مدري علام البال ما يرجهني = وانا ثقيل وعادتــي رابط الجاش
انقش على الفولاذ لوحات فني = ولين لي صـم الصـخر كنه قماش
لوحات من هاجوس شعراً سكني = يزوم مثل الموج في عاتي الطاش
لاقلت هات البيت مليون جني = يسابقن رفات عينــي بالارماش
احترت ويش اختار يوم حضـرني = بنات فكري كنهن لـؤلو بشـاش
قلت انصراف الوضع صار متدني = اليوم صار الشعر كليبات وفلاش
كـلا يقـول الشعـر وكـلا يغنــي = كثرت مـواويلـه ومضمون مهناش
ومجنون ليلى صار مليون جنـي = يصفق جمهور انت لـه عاشو وعاش
لكن الحقيقـه كان ما خاب ظنـــي = ما ينفع التطبيـل شعار فشفـاش
واللي بنفسـه شك وشتك منـــــي = المعـذرة اختامها طاش مـاطــــاش

ش/ مقبول البلوي

[أحمد شاهر البلوي(رحمه الله)]

:(

واحــد مشتـك

.

الرائع

مقبول الميهوبي

صـح لسـانك

قصيدة رائعة جداً , ووجهة نظر تستحق الإحترام

لكن تأكد لا يصح إلا الصحيح

والفشفاش ولا يهون الباونتي

لن تقوم لهم قائمة , بوجود جمهور واعي متذوق

أكرر شكري وإعجابي
.

[مقبول الميهوبي]

استاذي/ ابــوشاهر
شكراً على مرورك الكريم واشادتك اعتبرها وسام اعتـز بــه ودافع
لـي بالاستمرار.

مقبول البلوي

[محمد حمدان العثماني]

مقبول الميهوبي صح لسانك قصيده جزله والله يعطيك العافيه

وتقبل كل الود

[فرحان البلوي]

مقبول الميهوبي.....ماشاء الله عليك....والله كل كلمه قلتها عن قصيده
نعم فالواقع مرير
والفشفاش كثر
ولاكن كما قال احمد شاهر
لايصح الا الصحيح
قصيده بحق رائعه..............

[ابن بطيحــان الجذلي]

مقبول الميهوبي صح لسانك قصيده
وتقبل مودتي


ابن بطيحاان الجذلي

[سلمان العرادي]

مقبـــول الميهوبي ..

قصيدهـ جزله أمتعنا بها ,اطربت ناظرنا بقرائتها ..

أطيب الـمُــنــى ،،

سلمان العرادي

[عبدالله سليمان الوحيشي]

جميل اخوي مقبول
في اسلوبك وطريقة طرحك واختيار كلماتك
رائع ولانعدمك

وتقبل
خالص
مودتي



عبدالله

[عايد السميري]

المبدع
مقبول الميهوبي
سلمت
على كل ماقلت
و
هذي هي الحال
..
سجل اعجابي ...
ودمت بهذا الشموخ
تحياتي
وتقديري
_____
عايد السميري

[ياسر حمدان المقبلي]

مقبوول الميهووبي
صح لسانك
والله قصيدة اكثر من رائعة
لاهنت وننتظر جديد قصيدك الرائع

[عبدالله مناحي منقرة البلوي]

أصبت في تشبيهاتك ونحن يا مقبول في زمن الشعر والشعراء وكل خمسة تشوفهم بالشارع ترى أربعة منهم شعار وخمسه نقاد

أحسنت

[مقبول الميهوبي]

الاخـوة // اعضاء وشعار هذا المنتدى العزيز
السلام عليكم ورحمة الله وبركاته:
شكرا لكم على مروركم الكريم وحيقيقه شرفتوني في اشاداتكم الغاليه
واكرر للجميع شكري واحترامي.
وفقكم اللـه لمايحبه ويرضاة. ودمتم بخير0

مقبول البلوي

[سلطان البوي]

مقبول الميهوبي

والإبداع الواثق الحاضر الجميل




مدري علام البـال مـا يرجهنـي

وانا ثقيل وعادتي رابـط الجـاش

انقش على الفـولاذ لوحـات فنـي

ولين لي صم الصخر كنـه قمـاش

لوحات من هاجوس شعراً سكنـي

يزوم مثل الموج في عاتي الطـاش

لاقلت هات البيـت مليـون جنـي

يسابقن رفـات عينـي بالارمـاش

[ابووافي]

ش/مقبول الميهوبي
هههههههههه حلوووووه (شعار فشفاش)...!
تبغى الصراحه الكل شايف وماهو عارف يقول
وانت قلت وصدقت ... وابدعت ولك مودتي...!

[الفواز]

http://www.alamuae.com/gallery/data/media/123/0464.gif


الشاعر مقبول الميهوبي
صح اللسانك ويعطيك العافية


http://www.alamuae.com/gallery/data/media/123/0465.gif