يا قصار الثياب يا طوال اللحى

[ابراهيم سليمان اللوط]

يا قصار الثياب يا طوال اللحى =لا تفيض العيون ولا تضيق الصدور
دارت الأرض بالعالم.. ودار الرحى =وانتم الشامخين وما تبّـقى يدور
أهل الأذكار تدعي والظلام انتحى = والدعاوي تهزّ مشيّدات القصور
والخطاوي تعثّر بين خوف وسحى=والفتن تشتعل وانتم سوات البدور
كل ما ألمح شموس وجيهكم في الضحى =أحمد اللي بعيني زوّد النور نور
في الجباه السّمار اللي ظهر ماانمحى =ابشروا به وهو يشفع بيوم النشور
ألسنتكم عطاها الله حديث افصحى=وافئدتكم من الإيمان تنضح سرور
قصّر المسك ياحمالته واستحى=يوم جا يعطي عطيتوه طيب وطهور
ياتلاميذ عقد الصفوة اللي نحى = ياحبايب صلاة الفجر واهل السحور
يارجال(ن) على ايديكم صحى من صحى =سعد روح(ن) تغدت من بصيرة غيور
أنتم المعشر السالمين خير صفا =وانتم لنصرة الدين أصدق اللي يثور
من دخل صفّكم وجه(ن) كذب والتحى=ردّه اللي يردّ الكيد وسط النحور
وان هرج زيد لعبيد بسوالف جحا=لا لحقكم شكوك ..ولا لحقنا نفور
واللي أنزل تبارك والقلم والضحى=انّكم هدينا عن محدثات الأمور
واصلوا يا بْركتنا دون خوف وسحى =ردّوا نْفوسنا اللوامة من القصور


* الشاعر : ناصر القحطاني ( شاعر الأندلس )

[احمد مصيليح العرادي]

اخي المميز
ابراهيم سليمان اللوط
الله يعطيك العافيه على نقلك هذه القصيدة الرائعه وصح لسان الشاعر
ننتظر منك المزيد
تحياتي

[أحمد شاهر البلوي(رحمه الله)]

الأخ / إبراهيم

أربكني رد الأخ أحمد مصيليح

آمل التوضيح حول ( صاحب القصيدة )

سواء لك أو لغيرك للأهمية وللحقوق الأدبية

أنتظرك
.

[سليمان ظاهر البلوي]

نشكر الاخ ابراهيم اللوط
على هذا النقل الرائع
والقصيده
للشاعر: ناصر القحطاني الملقب ((بشاعر الاندلس ))وقد طرحها في ديوان صوتي يحمل عنوان ((بروق في العتمة))

قبل سنة تقريبا...

[بدر البلوي]

شكرا لك أخي ابراهيم

نعم القصيدة للشاعر ناصر القحطاني المميز

[صقـر النـوايف]

يعطيك الف عافيه على حسن الأختيار
تقبل خالص تحياتي,,,

[محمود الجذلي]

ابراهيم سليمان اللوط

.

سلمت يمينك على هذا النقل الرائع برو ع ــــتك ..

.

ولك محبتي وتقديري,,

.
محمود الجذلي