قصيده جميله <ياقاطعن قلبي من البعد نصين

[إبراهيم راشد المطرفي]

يا قاطعن قلبي مـن البعـد نصيـن

نصن هجرني ونص شوقك غدابـه

إمتى يجيلك يـوم وتشوفـك العيـن

ومتى وصالـك يمطرنيـه سحابـه

مضنى و صدري مرتع الضيم والبين

والوجد يرعى في هضابـه ركابـه

والبعد وش جاب البعد بيـن خليـن

وش لي نزع عرق الوصل من ترابه

أظن اسمـه قبـل هالأسـم سكيـن

ياللي فرق لحم الجسد عـن يهابـه

تكفا كفاني ما جـرا منـك يازيـن

مشتاق لك والعقـل فاقـد صوابـه

للناس يهجع لا سجا الليـل طرفيـن

وانا بعينـي حـط سهـدي غرابـه

لك ناقشن في محجر القلب حرفيـن

أثقل من حروف الشعر فـي كتابـه

تعال خذني بالحضـن بيـن يديـن

وارحم حبيبن شـاب بـأول شبابـه