انا بلادي

[محمد ظاهر الميهوبي]

بمناسبة اليوم الوطني للمملكة العربية السعودية .. وطني


أنا بلادي


لي ديرة مادنسوها المعادين =عذراء عفيفة من قديم العهودِ
دار الوفا والعز دار الميامين=ام حنون ومن عطاها تجودِ
انا بلادي ياديار الحرمين =عندي أنا مامثلها بالوجودِ
ديرة غلاها مسكنه حاجر العين=غالي جبلها والسهل والنجودِ
حكامها مع شعبها أخوان غاليين =تضمهم بأحضانها والعضودِ
الديرة اللي وحدوها السلاطين =حامينها بالسيف آل السعودِ
في عهدهم تنعم بخضر البساتين =لبست حللها ظافية للزنود
شادوا حضارة في جميع الميادين =ضمن الشريعة بالحضارة تزود
حتى إعتلت من فوق نجم الموازين =يم المعالي شامخة بالصعود
دستورها القرآن سيد القوانين =شريعة الرحمن بأرضه تسودِ
شعارها التوحيد والرمز سيفين =والنخلة اللي قد زرعها الجدودِ
واجب علينا نسهر الليل ليلين =منها العطا ومنا الفداء والصمودِ
من دونها بالروح والله مفادين =نحمي حماها من عدو وحسودِ
ترخص لها الأعمار قبل الملايين =واجب علينا عن حياضه نذودِ
مما بقلبي للوطن قلت بيتين =حب الوطن بالقلب حتى اللحودِ



محمد ظاهر الميهوبي

[نواف النجيدي]

بارك الله فيك

[زيدان البلوي]

صح لسانك وسلم بنانك
على هذه الكلمات المعبرة عن الحب والانتماء لهذا الوطن الغالي

[بن قبلان]

شاعرنا محمد ظاهر الميهوبى ياهلا فيك وصح لسانك على هذه الرائعه وسلمت