ضــيــف الــشــعـــر

[العنزي]

السلام عليكم ورحمة الله وبركاته:



يبطون والله ما يطولون قدري



............ دامي رقيت الشعر من كف عالي





بدري عليها الخيل تصهل بصدري



......... وبدري عليه السيف يقطع وصـالي


مـدام قــلبي طــيــر والله تـــــدري
......... أن السيوف أحرار بــ عيون عالي


يا مخدر عيون المسى فوق جمري
......... ماتدري أن الجـرح للجـرح صـالي


أخط حرفي وينتهي فـيـك سـطــري
......... ويطيح من غصن المحاني ســــؤالي


تكون فـيني لاطفى ضيّ قـــبــري
......... أو أن بعـضـك يرجم أطراف بالي


ملعون جن الشعر لا أجتاح فجري
......... ما يرحم اللي فـــــوق مــتنه ليالي


يا هــيه كانك هــش ملعــون صـبري
......... ان ما ردمــك أحـثــال تـبكي دلالي


المــشكله لا جـيـت بالبال تــطــري
......... ان الحـشــيمه عــز لــ عيون غالي


يا مصافح أحـساس العذر كان بدري
......... أنـــك تـصافح بالـنـــوايا خــيــالـي


والله مــا تــلمس طرف ثوب قـدري
......... ولا تـقـرب كفوفك فيافي ظــلالي


الطيب يبقى منزله فوق صــــدري
......... وما يرتخي بقلب المراجل عـــقـالي


شفني نهر دايم على الطيب يجـري
......... ما يــوقف الأ في رواسي جــبالي


ضيف الشعر ضامي وليله يهذري
......... يغري ونيني وسرج ليله عنالي


هو جابه الله والأ الأوراق تغري
......... جـمر القصيد اللي خــياله قبالي


كان الشعر ثابت على ليل خبري
......... أبشرك بــكـسر خشم من نوالي


بقدح من اللي بالمعاليق يسري
......... وأروض اللي ما يعزّب خصالي


الشعر سلمي و الميادين قــفـري
......... والسيف عزي والمنايا حلالي


الطيب ما عيب موالي و فقري
......... وماغير قلوب الرجاجيل والي


ببقى على وضح النقى فوق شعري
......... ماهمني قـاف الخبيث الـموالي


يــبطون والله ما يـطولون قـدري
......... دامي رقيت الشعر من كف عالي







ضيفكم / العنزي

[محمد الرموثي]

http://albluwe.com/~uploaded//1567/1157340279.gif
الـــــــــــــــــــــعـــنــــزي

http://albluwe.com/~uploaded//1567/1157483067.gif

واهــــــــلاً وســــهـــــــــــــــــلاً بك معنا

وصح لسانك على هذهـ القصيده

تحياااااتي

محمد الرموثي

[الصعب]

قصيده أكثر من رائعة صح لسانك مليووووووووووووون ولا هنت

[رضا محمود المعيقلي]

العنزي... لاهنت على هالقصيده الجزله ..

تحياتي لك

[طلال الهريم]

العزيز ضيفنا العنزي ترى الضيافة ثلاثة ايام وبعدها تراك راعي محل والله يحييك تواجد الشعار الاقوياء امثالك يثري هذا المنتدى بمزيد من التألق والاستفادة من بعض
تقبل تحياتي

[أسعد السحيمي]

http://www.thewaxwagon.com/divider.gif

أخــــــــــوي..

~*¤ô§ô¤*~ :|for you|: العنـــزي :|for you|: ~*¤ô§ô¤*~

http://gallery.7oob.net/data/media/19/good_2.gif

وحياااك الله ومرحبا مليار,,

http://home.no.net/anyas/anyaflower428.gif


جنون شعري ,,

دمت شامخ ,,

محبتي :|hart:| ,,

زاد الشقى

[بن قبلان]

ياهلا:|for you|: وغلا:|for you|: شرفتنا ياعنزي وصح لسانك