جــبــيــن الــكــتــابــه

[العنزي]

الأهداء

لــ جميع زوار وأعضاء

منتدى بلي

أقدم لكم نص بسيط عسى أن يرتقي الي ذائقتكم الكريمه


لـ عيون من ينبض فخر داخـل الطيب
............... سليت حــرفي في جــبـين الكـتابــه

جيت أعـتزي بالشعر دام المـخـاليب
............... تركز في قلبي والجـروح إتشابه

يا معدي المرقاب ويــن المراقــيـب
............... اللي سناها يدحم الطيب بـــابـــه

جيناك حـنا يقدح بــ ويــلنا طـيــب
............... نـــار إترامح في مـهب الـذيـــابـه

فعايل ٍ تـطـلـق مناف الشـواريب
............... متهيله بــ أفــعــالــهـــا ألف لابــــه

إن عــذربـوها شامخه كالعياسيب
............... لي مـن فضاها دمـعـتــيـــن ومهابه

هي بندقي هي محزمي بالمناشيب
............... هي فزعتي هي عزوتي والــقرابه

هي صرختي لاجف حبر المكاتيب
............... من دمعها أسرج زوايا الغـلابه

مانوخت للصعب يوم الـمـصاعيب
............... شالت على أكتاف الهوايل سحابه

من خلقة الدنيا وأهلها مـعـازيـــب
............... للسيف للشلفه لــــــــرمح الطلابه

أفعالها في قوس الأمجاد ماتخيب
............... وما رمـدت بصـــدور أهلها ربابه

تاريخنا ياشين يــــــوم الـــلواهيب
............... يقلط على أرقاب الوغى والغـرابـه

يزوم زومات البنادق ولا يهيب
............... وبل الرصاص اللي رقينا هــضــابه

ويلان لا ثار الــفـشـق والمطاليب
............... عــز السيوف اللي تقص الرقابه

ماقد روينا مــن سيوف الأجانـيب
............... السيف حنا من يغذي جـــرابـــه

كن المراجل في يدينا مقضايب
............... وكن المـصايب من يــدينا مـصــابه

حنا أصايل مابنا شــــك أوريب
............... تاريــخـنا صافــح جــبــيـن الصحابه

يــشــهـدلنا تـغـلب وهــمام وكليب
............... ويشهدلنا شــيخٍ عــطـبـــنا صــوابه

كم من غلامٍ كفنته المتاريــــب
............... من ضرب ربـعـي محـزمين العصابه

ويلان يــومــن المــنــايا خواطيب
............... كـــلٍ يــقــدم للـهــوايـــل شـــبـــابه

مطنخٍ نــرقى الـوغى لاعـوى ذيب
............... ما هــمــــنا لو كــشر الوقت نابه

نغرف من أهوال الزمن والمواجيب
............... فــعــل يصوت بالفضى للذيابه

الله خــلــقــنا للمعالي مــعــازيــب
............... لا ثــارت الــبـيدا رقــينا السحابه



أخوكم/ العنزي

[طلال الهريم]

تفرض نصوصك على الجميع الوقوف والتصفيق
وربعك بني وايل يستاهلون المدح وقول وفعل يالعنزي

[العنزي]

تفرض نصوصك على الجميع الوقوف والتصفيق
وربعك بني وايل يستاهلون المدح وقول وفعل يالعنزي


تسلم يا طلال الهريم هذا من طيبك يالغالي


ما عليك زووود

لك تحياتي

[أسعد السحيمي]

العنزي

http://gallery.7oob.net/data/media/19/good_2.gif

والله والله والله

قصيده في غاية الروعه ,,

اشكرك ,,

ولك احترامي,,

زاد الشقى

[غازي الميهوبي]

’ والــــــــــنعم في حمر النواظر ’
اهلا وسهلا بـــــك ,,
غازي الميهوبي,,

[سلطان البوي]

يــشــهـدلنا تـغـلب وهــمام وكليب
............... ويشهدلنا شــيخٍ عــطـبـــنا صــوابه


ونعم فيك يالعنزي

وحياك الله في منتدانا

قصيدة جزلة

من شاعر جزل

وكلمات قوية والله يا اخوي

صح لساااااااااااااانك

الله يعطيك العافية

تحياتي لك وتقبل مروري

[عايد السميري]

والله

والنعم والنعم والنعم والنعم والنعم والنعم والنعم والنعم
والنعم والنعموالنعم والنعموالنعم والنعم والنعم
والنعم والنعم والنعم والنعم والنعم
والنعم والنعموالنعم والنعم
والنعم والنعم والنعم
والنعم والنعم
والنعم
بك
وبقبيلة عنزه عموم
وسلمت سلمت يالذيب على هذه
القصيده
الشامخه بشموخ شاعرها .. وننتظر ابداعك يا .. العنزي .
* وحقيقه
هذا الشعر وهذا الأسلوب وهذا الابداع
ما هو غريب علي
وكأني أعرف صاحبه
بل أشم رائحة عطر إبداع
أخ
عزيز على قلب : عايد السميري
اتمنى ذلك
......
لأقول :
مرحبا ترحيبةٍ يلقاء بها الساري خويه
............ يوم بعض الناس ضيع باللقاء حتى ذلوله

[محمود الجذلي]

العنــــــــــــزي ..

مرحباً بكــ .. واهلاً بحظوركــ ..

والله والنعم بكــ وببني وايل ..

وكل عام وانت الخير ..

.

حضور وطرح لا يجيدة الا الكبار ..

فشكراً لك على ما اطربتنا بة .. من جنونك وابداعك ..
وننتظر جديدك بكل شغف ..

.

لا تطول علينا .

.
لك محبتي وتقديري ..

.
محمود الجذلي

[بندر محمد المساوي]

والف نعم بعيال وايل
وصح لسانك على القصيده الرائعه
وبانتظار الاجمل

[ياسر حمدان المقبلي]

والف نعم في عيال وايل
صح لسانك على الجزلة وسلم بنانك
وننتظر مصافحة جديدهـ

[عايد السميري]

وينك يابن وايل
ليش هالغيبه ..../

يارجل

ننتظر جديدك

.. لا يطول غيابك
_______________

تصحيح معلومه لمن يقول:

( حمر النواظر ...)

(حمر النواظر هم مطير )

[عبدالله مناحي منقرة البلوي]

حياك الله يا عنزي

والنعم فيك وبربعك

والمحل محلك ولا تحرمنا من الجديد

[العنزي]

ما عليكم زووووود يالربع

وشكرن لي كل من مر من هنااااا

أخوكم / العنزي

[العنزي]

ما عليكم زووووود يالربع

وشكرن لي كل من مر من هنااااا

أخوكم / العنزي

[العنزي]

ما عليكم زووووود يالربع

وشكرن لي كل من مر من هنااااا

أخوكم / العنزي

[العنزي]

عايد السمري

صح بدنك وتسلم يالغالي

<<<<<< ماهو اللي في بااااالك (:


شكرن لك يا عااايد على كل شي