هذاالقسم يختص بالقصائد الجزلة التي ليست منسوبة لكاتب الموضوع الأساسي

[عايد السميري]

جزل القصيد
قسم يختص بالقصائد الجزلة التي غير منسوبة لكاتب الموضوع الأساسي ، نبحث عن الكيف و ليس الكم ...
لذا :
ارجو من الجميع
* نقل الروائع ( وجزل القصيد فقط )
ليجد زائر هذا الصرح مايبحث عنه من شعر وقصص قديمه
بها الحكمه والفائده
والاهم :
* ذكر اسم الشاعر : ( صاحب القصيده .. او القصه ) .. وهذا لحفظ الحقوق لأصحابها
.................
وسوف تحذف المشاركه التي اقل مستوى من القصائد المنشوره بهذا القسم
وبدون ابلاغ صاحب المشاركه
_________________________________
هذا
وشكراً للجميع
عايد السميري

[لافي السرحاني]

عايد السميري

السلام عليكم وحمة الله وبركاتة

الهدف من الموضوع مشاركه في هاذا المنتدا بغض النظر عن كاتبه

ويحفظ بئسم صاحبه الااساسى

[سلمان العرادي]

بارك الله فيكم على هذا التنويه ..

[عبد الله الجذلي]

من روائع السديري :



يقول من عدى على راس عالي *** رجم طويل يدهله كل قرناس
في راس مرجوم عسير المنالي *** يشتاق له مندق بالقلب هوجاس
قعدت في راسه وحيد لحالي *** والقلب في لجات الافكارغطاس
قعدت أعد ايامها والليالي *** دنيا تقلب ماعرفنا لها قياس
ياما هفت به من رجال مدالي *** ماكنهم ركبوا على قب الافراس
ولارددوا صم المك للتوالي *** ولاثار عج الخيل في كل مرواس
ولاقلطوهن للكمين الموالي *** ولاصار فوق ظهورهن شلع الانفاس
في حومة الهيجا لهن اجتوالي *** كل يبا من زاية الفعل نوماس
من بينهم عود الجنا والسلالي *** مثل البروق الليل الادماس
اقطعك دنيا مالها اول وتالي *** لو اضحكت تبكي وتوريك الاتعاس
يابجاد شب النار ودن الدلالي *** واكسر لنا يابجاد مايقعد الراس
فنجال يضيع ماتصور ببالي *** وروابع نضرب بها اخماس واسداس
لعل قصر مايجيله ضلالي *** ينهد من عالي مبانيه للساس
لاصار ماهو مدهل للرجال *** وملجا لمن هو يشكي الضيم والباس
بحسناك ما منشي حقوق الخيالي *** ياخالق اجناس ومفني اجناس
تجعل مقره دارس العهد بالي *** صحصاح دو خالي مابه اوناس
لاخاب ضنك بالرفيق الموالي *** مالك مشاريه على باقي الناس
وان ناشني من بعض الادنين صالي *** ماني عن الزلات مخبر وبلاس
كالعنبر الغالي بالاسواق غالي *** ولادرهم الفضيه على صفر ونحاس
اجزيه بالصدع جنوب وشمالي *** واتلى هوى قلبي اليا هب نسناس
المستريح اللي من المـقل خالي *** ماهو ولجات الهواجيس غطاس
ماهو بمثلي مشكلاته جلالي *** عجزت اسجلها بحبر وقرطاس
حملي ثقيل وشلت حملي لحالي ** ونصبر على ضيم الليالي والاتعاس
برسي كما ترسي عوال الجبالي *** ماينهزع حيد عليه القدم داس
متى تربع دارنا والمفالي *** تخضر فياضه عقب ماهي بيباس
وتشوف فيها الديدحان متوالي *** مثل الرعاف بخصر مدقوق الالعاس
ينثر على البيداء سوات الزوالي *** يشرق حماره شرقة الصبغ بالكاس
هذه القصيده للامير الراحل/محمدالاحمد السديري رحمه الله

[مساعد عبيد الوابصي]

بارك الله فيكم على هذا التنويه ..