إعــلان :( لمــن يرغــب في النشـــر )

[أسعد السحيمي]

السلام عليكم ورحمة الله وبركاتة

اخواني وأخواتي في منتدى قبيلة بلي .... بعد التحيه


لمن يرغب في نشر قصائده في الديوان الكتابي ( شعراء من وادي القرى )
للشاعر / عبد الله عبيد العنزي وهو ديوان بإشرافي ولذلك تم الأعلان .


شروط النشر ..
1 - أن يكتب أولا عنوان القصيده وله الخيار إما قصيده أو قصيدتين فقط .
2 - أن يكتب القصيده خاليه من الاخطاء الاملائيه.
3 - أن لاتزيد القصيده عن 14 بيت .
4 - أن تُكتب القصيده هنا في نفس الصفحه وذلك لسهولة النسخ .
5 - أن تكون القصيده لمن هو عضوا في المنتدى .
6 - أن يكتب الشاعر الأسم الثلاثي تحت القصيده مباشره .
7 - ان تكون القصيده بخط واضح وذلك لتفادي الأخطاء.
8 - أن يتحمل صاحب القصيده اي مسائله للشاعر عبد الله عبيد لاسمح الله عند النشر .

:
:

هذا والله الموفق

محبتي ..

أسعد السحيمي

[ياسر حمدان المقبلي]

بيّض الله وجهك يابوابراهيم

وان شاء الله مايقصروا الشعراء معك

[سلطان البوي]

السلام عليكم ورحمة الله وبركاتة
.
.
.


(شعر وطرايد)
.
.
.
ودِّي ولكن ودّها ضد ودِّي
.................وكل يوم يقوم يومي عليّه



والبَحْر هايج والسفن ماتودِّي
............. والريح تصدفني على كل نيِّة



والقلب عيّا لايروق ويهدِّي
..............مقهور يكفخ في عزومن قويّة



ألعين تركز بالمشاريف حدِّي
..............وحالي شقيه والطراوي شقيّة



مبطي وانا اصرخ في جهاد وتحدِّي
................ ولاصوت ياصل والمنابر قصيِّة



أصوم ليلي عن منامي واعدِّي
..............كم صبح يذبح في عيوني ضحيّة



والقلب دايم يخلف الجزر مدّي
..................جزره كريم ومده جيوش غيّه



والراس مارد.. يارث جنون جدّي
................... شعر وطرايد ..والمرامي مديّه



أسج وارفع بالشعيرة وامدّي
................. لاقصى سمينة تِلحم البندقية



واضرب وابيِّح هم قلبي وسدِّي
...............سهمـن غضيب ومشتعل كالشضيّة



يقضب مساره صاملـن بالمهدِّي
..................... يفرس ظبيِّه وانفهق للظبيّة



واشب ناري في لديدي والدّي
......................يم الرخوم الجايعة والحديِّة



وارمي لها الفضلة على طول يدِّي
.......................فرثـن غثيث وعنه تَكرم يديِّه



مالي خشيرن بالفرايس وندِّي
....................ياكود ذيبان وأخوه وخويِّه.
.
.
قصيدة غزلية
(ياريشة الطير)
.
.


ياريشة الطيـر خطِّـي كلامـي
..........لـحــرة الـطـبـع ذيـــك البـنـيـة

قولي لها كيف نَحْلت عظامي
...........ألقلـب شفقـان والعـيـن زيِّــه

سكنتي القلب دون اهتمامي
............سكنتي ختـال مـدري سطيِّـه

لقيتـي العيـن قــدرت تنـامـي
.........ولقيتـي الـروح تضحـك رضيِّـه

طويتـي كتـاب يشهـد غرامـي
..........طويك مع الوقت طويـه خفيِّـه

أول مع الناس وسط الزحامي
...........والـيـوم مـزحـوم دون الـبـريِّـه

نشـدتـك الله قـولـي عـلامـي
...........ردي علـى روح جَبْـرَت عصيِّـه

سرب (القطا) طار ينزع لثامي
............والظبـي مرتـاع يصعـب عليِّـه

عليتنـي فـيـه ياطـيـر ضـامـي
..........تطري علي فيه ذيـك الصبيِّـه

دينن علـي صـار دينـن لزامـي
..........لا اضميـك ياطيـر جفَّـل ظبـيِّـه
.
.
.
كلمات/سلطان سعد فرج البلوي
.
.

[عبدالله سليمان الوحيشي]

اسعد
حياك الله وابشر بسعدك

لي عوده

[عايد السميري]

الشاعر : اسعد السحيمي

من القلب شكراً لك

ووفقك الله انت والشاعر : عبد الله عبيد







يابعـد عمـري
.....................

اصبـري يابعـد عمـري للـقـدر=وارضـي بـدبـرة إلاهٍ نرتجـيـه
ارمـي الحـزن وتحلـي بالصبـر=دام أنا وانتي سـوى هالدمـع ليـه
أمسحي دمـعٍ علـى الخـد أنتثـر=وارفقي بـي يابعـد كـل الوجيـه
أرفقـي باللـي تلـوع بالصـغـر=بالفـراق اللـي لـك الله مانسيـه
الفـراق المـر لأعــز البـشـر=(أم) جعـل فراقـهـا ماتجربـيـه
بعدهـا ذاق المـآسـي والقـهـر=طفـل وافـراح الطفولـه ماتبيـه
طفل / حزنه ..حزن ..ودموعه عذر=حيلتـه ..دمعـه ولحـدٍ لـد فيـه
وعيت الضحكه على شفاهـه تمّـر=عانـده حـظ التعاسـه وأعذريـه
واسمحيله ينثر (جروحـه ) عبـر=فوق صدر الواقع اللي صـار فيـه
ياجمـل أيـامٍ بقـت لـه بالعمـر=يادفـاه وحلـم كـم لـه يحتـريـه
ياربيـع القلـب مـن بعـد الدهـر=ياشذى الازهـار يالوجـه النزيـه
القـدر لا حــل مامـنـه مـفـر=وذا قدر مكتوب والدمـع أمسحيـه


*عايد سالم السميري
..................................

_________________________


امـــرأه سقـطــت مـن الـذاكـره
.....................


أرحلي مع عتمـة الليـل الحزيـن=وانزلي بديـار هاجرهـا الأمـان
ارمي اوراقـك بـدرب الراحليـن=بعثري حبٍ غدا لـي شـئ كـان
انثري فوق الثـرى دمـعٍ ثميـن=اضحكي وابكي فـرح والا جنـان
اسكني من بعد قلبي بيـت طيـن=واطلبي هالطين يعطيـك الحنـان
اتركينـي بيـن حزنـي والأنيـن=مع جروحٍ رافقتنـي مـن زمـان
مع جروحٍ ساكنـه قلبـي سنيـن=شيـدت بنيانهـا فـي هالمـكـان
عذبتني واتعبتني وأنتي ويـن..؟=ماذكرتي من لعهـد الحـب صـان
ماسهرتي مانزل لك دمـع عيـن=بنت عز.. وجوّها بالصيف زان ..!
مـا ألومـك بـس لا تستغربيـن=أرحـلـي أقـولـهـا آن الأوان
أرحلي .. مع عتمة الليل الحزيـنوأضحكي وابكي فرح والا..جنـان



*عايد سالم السميري
.....................

[ياسر حمدان المقبلي]

سألتيني


سألتيني عن اجمل حب عاش بداخلـي مكنـون
................سؤال إجتاحني والصـوت باقـت فيـه نبراتـه
سؤالكِ أبسط حقوقكِ ولكـن مادريتـي إشلـون
................حبيبك من سؤالكِ بات حايـر بأصعـب أوقاتـه
سؤالكِ للوداع أقـرب وحبّـي للزمـن مرهـون
..............فهمت المقصد الخافي، سؤالـكِ فاضـت اهاتـه
سؤالكِ أكدّ الفرقى على صدر الفتـى المطعـون
...............سؤالكِ يمنـع الراحـل مـن إستكثـار نظراتـه
تكدّر جوّي الصافـي سبايـب لغـزكِ المدفـون
.....................كأنـه حلـم لاح بغفـوة المـحـروم لـذّاتـه
أنا- واللي شبكني فيـكِ- لامذهـب ولاقانـون
................يخلّييني أضحي في هـوى عمـري ومشهاتـه
ولكن كانها الفرقى وصـار موادعـكِ مضمـون
..................طلبتـكِ يانظـر عينـي وروح القلـب ومناتـه
تكوني ستر لأسراري عـن الحسّـاد لايـدرون
................تعبت أشيل همّ الحـب ،كيـف الحـب وعداتـه
وإذا مطلوب ياروحي أجاوب هالسـؤال يكـون
...................يجـاوب عـن مـدى حبّـي وفاقلبـي ودقّاتـه
احبـكِ حـب ماحبّـوه لا"ليلي"ولا"المجـنـون"
..........ولا"عنتر"ولا"الرومـي"و"ابـن زيدون"بأبيـاتـه
أنا الصادق وأنا العاشق وأنا الوافي وأنا الممنون
...............وأنا شاعر يبي ساعة صفا مـن حـب ماجاتـه
عسى ذكراكِ لا أقفيتي تسّلي خاطـر المحـزون
..................مُنـاي ألقـى بعّـز الليـل طيفـكِ وابتساماتـه


عبدالله محمود البلوي

[عبدالله سليمان الوحيشي]

امل اليتيم
سويتهـا فيـه وروحـت للغيـر=وهذي سوات اللي علومـه رديـه
ماجاك مني ياهوى البال تقصيـر=ولاجـاك منـي ياحبيبـي خطيـه
كنت اعشقك عشق الطفل للعصافير=كنت اعشقك عشقٍ ولافيـه زيـه
كنت اتمنا شوفتك صبح وعصيـر=ولاحبـك بقلبـي حبيبـي شويـه
يامالجل عينك قطعـت المشاويـر=قضيت عمري بين روحـه وجيـه
واليوم مهماجبت لي مـن معاذيـر=راحـت علـيـك ولاتدورعلـيـه
اللي مثل شرواك حبـه مخاسيـر=وانا انصدمت وصدمتي بك قويـه
لاترتجيني عفـت كـل الغناديـر=إلاالحنـون اللـي لقلبـي وفيـه
بعض البشر قربه كما نافخ الكيـر=الفايـده يحـرق ملابـس خويـه
ايـام راحـت بيننـا كـل تقديـر=وانت السبب ضيعتهـا المقدريـه
عندك امل ترجع لقلبي على خيـر=امـل يتيـم بشوفـت الام حـيـه
----------------------------------------------------------------------

صعب الفراق

ماكنت اصدق يوم قالولي ترى صعب الفـراق=كنت احسب العالم تبالغ في كثيـر اشواقهـا
واليوم جربتـه لقيتـه ياجماعـه مايطـاق=والله يعين اللي عشق حلـوه وذاق افراقهـا
لمحتهايـوم انهاطلـت علـي مـن الـرواق=عشقتهاوحبيتهاوحبيـت حـتـى رواقـهـا
حبيتها من قلب صادق مادخل فيـه النفـاق=واليوم مدري فيـن ولاويـن حظـي ساقهـا
هي عود موزاً لنثنـى لاهوغليـظ ولادقـاق=والشعر الاسود لنتثر ياصل مثانـي ساقهـا
انجيت ابوصف عينهاكل القوافي فـي خنـاق=مافيه قاف إلا تمنى كيـف يوصـف ماقهـا
قلبي لهامشتاق شوق اللي ولدهـا فالعـراق=روح يجاهدوالحنونـه فـي جهـاده عاقهـا
كنـت اتمناشوفهـاودي ولولحظـة عنـاق=واليوم اقول ان السعيد اللـي شفاهـا ذاقهـا
لاتحدني يانورعينـي فـي بحركلـه غـراق=نفساًبريـه فـي كتـاب الله حـرام ازهاقهـا
من بعدها اللي شاف حالي قال ذا مكسورساق=ينقد عليه مادرى فـي نـار ذقـت احراقهـا
وانشهد اني صرت اصدق من شكى هم الفراق=واشفق بحال اللي عشق حلوه وذاق فراق

[سلمان العرادي]

بيض الله وجهك يابو إبراهيم .. ولاهنت

[فايز بن جبيل]

السلام عليكم ورحمة الله وبركاته لي الشرف بالتواجد معكم بهذه القصيده شاكرين جهودكم المبذوله ولكم كل التحيات اخوكم فايز عبدالسلام بن جبيل البلوي...........



( ا نــــدب الأيــــــــام )



ول ياذ الليل ما طولك ابعيوني

لاجفاني النوم واضناها سهر

لا صباحك لي ولاساري ابدوني

والله أني احسب البارح شهر

اقلب الجنبين وفراشي طعوني

بالظهر سكين وبصدري قهر

اتغطى البرد وتحرقني اغبوني

ما يذوب الثلج والجمر أبنحر

اتوسد غيض راسي عن متوني

والمخده تحت راسي تنصهر

الوجع يشرب وتظمابي مزوني

كن همي جـم يارد بي نــهر

الغظب الغيض يامكثر ظعوني

الجفاءالضيم واغرف من بحر

ماندبت الليل لجل اللي جفوني

اندب الايام لا ا قــفا بي دهر

لاحتمى موقف وخابن الضنوني

لاترد الشوف لا شـاب النظر

احترق ياقلب ان خانت جفوني

وفاضت الدمعات اقلال القدر

من علوي غورقن بدنا لحوني

بس لاترقى وقاري وتحــد ر

كم رقا حزني وما ثارت جنوني

عبره اقهرها ولا احقرها حـقر

ول ياهالليل ماطولك العيوني

وين صبحك مابقا بعيني صبر



ك// فايز بن جبيل البلوي

[حنين الماضي]

لمس الكفوف
الحقيقة ماعلى الدنيا عتب 00 لاتجاملني وانا عيني تشوف
ابتعدمابيك لاتبدي سبب 00القصيدة تعشق ابداع الحروف
الحياة احزان والغربة تعب00 والليالي كلها دمعة وخوف
النظر يكفيك والخافي غضب00 لاتزيد الجرح ماعندي نكوف
من عطش بالحب من قلبي شرب00 والموادع يحتري لمس الكفوف
كل من حبيت في حبه رسب 00 النتيجة تشكي احوال الظروف
القلوب بوقتنا تهوى كذب 00 والصدوق يموت من طعن السيوف
ياحبيبي النار يشعلها حطب 00 والشقاء مكتوب مع وقتي يطوف
الصراحة ما على الدنيا عتب 00 وكل منا في نظر عينة يشوف

محمد بن سعد العرادي0 الوجة

[حنين الماضي]

تذكرتك
تذكرتك بعيد ووقفت الدمعة على عيني 00 من الحسرة من الوحدة عن النظرة اخفيها
سهرت اناجي الدمعة ابكيها تبكيني 00 اعاندها تعاندني ولااقــــــــــــــدر اداريــــــهــا
سهام الجرح في قلبي ودمي غرق ايديني00 اشوف الهم في نفسي ولاغيرك يسليها
وحيد الليل انا ساهر اراقب لحظة تجيني00 دموعي تشرح احوالي يكفيك النظر فيها
تعبت اجامل الواقع ادور بسمة سنيني 00 حياتي عشتها دمعة عجزت افهم معانيها
جراح الامس تطردني وجرح اليوم يكويني00 وانا حاير مع الخطوة حياتي كيف ابمشيها

محمد بن سعد العرادي 00 الوجة

[قلـــ الكرـــبي]

أسعد
بيض الله وجهك على هذه الخدمة وأرجو من الشعراء ألا
يترددوا في نشر قصائدهم
كي نرى شعراء قبيلتنا في الدوواوين,,
لك جزيل الشكر يا أسعد..

[محمود الجذلي]

اسعـــــــــــد

الله يبيض وجهكــ ,
ونفتخر بوجودكــ هنا ..
.
واتمنى المزيد من الشعــــراء .
,

[محمود الجذلي]

.

نيابة عن المبدع .. منصور غصيبة العثماني البلوي

.
مصافحه اولى لذاقتكم ....

http://www.bluwe.com/bluwe/showthread.php?t=11552 (http://www.bluwe.com/bluwe/showthread.php?t=11552)

,
طيب الساس

http://www.bluwe.com/bluwe/showthread.php?t=11686 (http://www.bluwe.com/bluwe/showthread.php?t=11686)

,

الشروط التسعه للنصـــــــــالا اخرـــــــــــــــــــــــــف

http://www.bluwe.com/bluwe/showthread.php?t=11867 (http://www.bluwe.com/bluwe/showthread.php?t=11867)

.

الفنجال

http://www.bluwe.com/bluwe/showthread.php?t=11978 (http://www.bluwe.com/bluwe/showthread.php?t=11978)

,

هياكل واسماء

http://www.bluwe.com/bluwe/showthread.php?t=11983 (http://www.bluwe.com/bluwe/showthread.php?t=11983)

,

يا محمد من تهاون

http://www.bluwe.com/bluwe/showthread.php?t=13105 (http://www.bluwe.com/bluwe/showthread.php?t=13105)

,

مبكية التين

http://www.bluwe.com/bluwe/showthread.php?t=12222 (http://www.bluwe.com/bluwe/showthread.php?t=12222)

,

بلي حنا سيدي

http://www.bluwe.com/bluwe/showthread.php?t=12518 (http://www.bluwe.com/bluwe/showthread.php?t=12518)

,

شووووو(عمي جريبيع)

http://www.bluwe.com/bluwe/showthread.php?t=13628 (http://www.bluwe.com/bluwe/showthread.php?t=13628)

,

أبيات لم تكتمل

http://www.bluwe.com/bluwe/showthread.php?t=12246 (http://www.bluwe.com/bluwe/showthread.php?t=12246)

,

يابوي..لا تزعل

http://www.bluwe.com/bluwe/showthread.php?t=13713 (http://www.bluwe.com/bluwe/showthread.php?t=13713)

,

ولكم المحبة
.

[احساس صادق]

بــــيح خفاي وقـــلب الفكر تقليب
ناس يبونها تمشي على غير ماطاب
باحوا خفاي مكثرين المطاليب
لا بارك الله فيه من بد الأقراب انـــشهدإ ن البغض ماله تطابيب
حسبي على الحاسد يوم الحساب
وشلون جنب مسلك الحق تجنيب
وشلون يبدي حجة مالها باب
الظلم مايبرد كبود المغاضيب
والحق له ناراّعلى راس مرقاب
يشوفها الأعمى ويرميه ويصيب
ويا صعب تطفيتة على كل نصاب
أردى كلاب الخلق كلب المغاريب
واردى شياطين العرب كل سباب
ضعيف النفس بليا علم وتجاريب
ما تستوي قاله وفيها لهم ناب
أدنس من الدنسا كثيرة العذاريب
ردي ماتنوخذ بنته لا عرف ولا كتاب
ما يوم حاش بيمينه من الطيب
ماحاش من دنياه كود تبن وتراب
ودي ســـــعـــــود الطبقي كثير العذاريب
الي خلا من المراجل ورب الأرباب
حــــظك هـــــفا بــــليا مــــــناصيب
والبيت مايبنى بلا عمد واطناب
بالكذب تدعي حق ودك تصيب
ومرقع الهرج ما يوم من الدهر ثاب
انشهد إنك من هوات الأكاذيب
ودك تفوز بها عند طويلين الأشناب
ياناس من يسمع الصوت ويجيب
ترى نبرا ونعتري منه أنصار واحزاب
ما عليك لا حسارة ولا مكثرين التحاسيب
وحنا بلى مصدرين القالات حلالين الأنشاب
وشيل عيوبك وكفاك بها عيب
هذي براءة منك مكنونها حبر كتاب
_________________________________________
قصيده الشاعر / سليمان الشنوطي