الفارس اللي ماينطحه كل فارس

[بندر الضوان]

ابي اعطيكم لغز
اسألك عن فارسن ماينطحه كل فارس // ومااخس من بنت الحبارى تفكه





يالله نشوف رمعاتكم

[معيض ابراهيم الرموثي]

لغز قوي

وين حلالين الالغاز ؟؟

وينك يا رشيد ..وزيدان ..وموسى ابن ربيع ...

عجلووووا على الضوان ..بالحل ..

_________

توقعات ..

اتوقع الرقيقيص يحل اللغز ...

[رشيد البلوي]

قبل الرقيقيص ما يحلها ودنا ننقز لنا برمعه
النوم اللي ...هو اساس اللوم لو يدري الفتى ..




........



معيض اقول لو تصير على هالتوقعات محلل للاسهم
اعتقد ذاك الوقت بنعرف سبب دحدرة الأسهم المستمر


بندر الضوان مشكور على هاللغز
بس عاد لا تونا علينا بالرد .. الا أذا رمعتي من جنبها
ما عليه لو تاخذ لك قطعة ايام ما رديت

[عواد سلامه الرموثي]

لغز قوي

وين حلالين الالغاز ؟؟

وينك يا رشيد ..وزيدان ..وموسى ابن ربيع ...

عجلووووا على الضوان ..بالحل ..

_________

توقعات ..

اتوقع الرقيقيص يحل اللغز ...


اللغز قوى مشاء الله

ابو نايف اشوفك بس تشجع معندك رمعات بالمــــــــــــــــــــره

[موسى بن ربيع البلوي]

اهلا بأخي و صديقي بندر الضوان

لغزك مليان و في محله ..

طبعاً اللغز حله معروف عندي لذا لن أشارك به ..

و أترك الفرصة لغيري ..

و حل اللغز يبدأ بالحرف ( ج )

للتسهيل و أمون على أخي بندر

[علي بن عايش الرقيقيص]

الجــــــــــــوع

[رشيد البلوي]

الجــــــــــــوع


ماشاء الله عليك يا الرقيقيص
الصراحه سجلت هدف دبل كيك بالحارس الاخطبوط معيض
شفت يا معيض أنه الواحد عندما يرعى البرعم الناشىء
يجي منه :D ...
ألينك ياابو عايش لاعب حريف ورماع له مستقبل واعد
أحتمال نوقع معك عقد أحتراف بقسم الالغاز
بس عاد نحتري بندر الضوان أو موسى يأكدون صحة الرمعه
وأن كان رمعتك ماهي صايبه بنعتزل الرمعات ونمسك الجاده أنا وأنت
وندور لنا قسمن ثاني نرمع به:D
تدري عاد أني كنت بلشان بين الجوع والنوم
بس أنايوم رمعت كنت توني متغدي ونعسان
ولا طرى علي غير النوم .. فقلت النوم
وجا موسى مطفي النور وحط نص الاجابه يعني لو صبرشوي
الى ما أصحصح زين وأتقهوى كان أتوقع ...أتوقع
اتووووقع ( وجه يناظر معيض:rolleyes: كله منك أعديتنا صرنا كل كلمه
والثانيه أتوقع ... يا ترى بتوقعاتك ليه صرنا نتوقع ولا نرمع على طول)
أتوقع أني غير أقول الجوع :D
الرقيقيص .... هنيئاً لك هذه الرمعه المدويه ... وأحب أن أشد
على يدك وأقول لك مافيك حيله

[موسى بن ربيع البلوي]

الجــــــــــــوع



نيابة عن أخي بندر

أقول لك صح لسانك و رمعة صائبة

و الله يقويك


و صراحة قاعد ( أتشوف ) أبو نايف و انتظر ردة فعله

[بندر الضوان]

اشكركم جميعا على المشاركات في هذا اللغز وصح لسانك اخي الرقيقيص ويعطيك العافيه يابو نادر لمتابعتك والتمس منكم العذر لعدم ردي بسرعه على رمعاتكم ونتقابل في لغز اخر

[المهاجر]

نبا نحاول ممكن الجمر