اشجع رجل .. ابن فطيس

[ثامر ظميان البلوي]

رائعه من روائع محمد بن فطيس.... اشـــجع رجـــل



الله يجازي مـن يسـوي سواتـك

وبذنوب من سوى سواتك يجازيـك

مشيت درب الثقـل وتحـب ذاتـك

ماتـدري انـه للمهالـك يـوديـك

غـرك جمالـك ياخسـاره حلاتـك

ماتدري ان ماغير طبعـك يحليـك

بتقـول زينـك يشفـع لسيـآتـك

الحسن ماهو عن وفا الحب يعفيـك

لوالتواضع والوفـا مـن سماتـك

بعت الحبايب كلهم ديـن واشريـك

لكـن عجـزت اغيـرك ياجراتـك

على الغياب اللي بلا عـذر ينجيـك

خطاي في توضيح وشـي غلاتـك

وخطاك في توضيح وشـو تغليـك

وشلون توصيني وتنسـا وصاتـك

وتصد عن صوتن تقطـع يناديـك

مافاتـك التجريـح والعـذر فاتـك

وتبغي الراي الحين ماعاد يمديـك

صحيح احبك بس هـاذي جزاتـك

بعلمـك درس يفيـدك ويحيـيـك

تدري وش ابيض من خفوقك عباتك

وتدري وش اللي غرني نظرتي فيك

ادري بتستغـرب تصبـر وجاتـك

قصيدة مـن واحـد كـان يبغيـك

وتبغي تناظر وانت عايش مماتـك

شف وحدتك والناس تجلس حواليك

وتبغي تشوف اشجع رجل في حياتك

شفني وانا مقفي على كثر ماغليـك



منقول

[مشعل العصباني]

صح لسان ابن فطيس

و شكرا ثااااااااااامر على النقل

[عيد بن قيضي الوابصي البلوي]

تسلم يا ثامر 0 الله يعطيك العافيه

[ثامر ظميان البلوي]

الله يعافيكم جميع

اسعدني مروركم

[القصير]

الله يعطيك العافيه على نقل هذه الرائعة

[ثامر ظميان البلوي]

الله يعافيك

اسعدني مرورك

[طلال دخيل الله أبوشامه]

صح لسان الشاعر و كل الشكر للناقل ..