علي البــلوي
01-31-2008, 05:28 PM
مابين فرقـى روح ويـومٍ تجـدد=موعد لقا ماجا على البال طاريـه
والشمس غابت بعدها الليل سرهد=وأطلق حجاجه ثم بانـت مواريـه
ياليل وشبك دايم الـدوم تجحـد=همٍ توارى فـي سـوادك وتخفيـه
ارخي لك التفكير وتقوم تشتـد=لأنته عتقت القلب ولانته بشاريـه
جاني خبـر قالـو: توفـى محمـد=ليلة خميس اللي شهقت لي بتنبيه
طفلٍ صغيرٍ كـل حلمـه تبـدد=من يوم قفّى كل الاركـان تنعيـه
آشوف طيفه يقتـرب ثـم يبعـد=وآسج وانسى ثم اصوت واناديـه
والخاطر اللي من غضى الحزن وقّد=نارٍ تحف القلب بشويـش تكويـه
والنار لامن قرّب الدمـع تشتـد=وانا احسب ان دموع عيني تطفيه
وجدار بيتـه مـن فراقـه تنهـد=يوم يتذكر كـورةٍ بيـن رجليـه
والباب والشباك وكتـبٍ تـردد=وينه محمد ياترى وش حصل فيـه
واقلامه اللي فوق الاوراق تمتـد=وهذا فراشه وذا لحـافٍ يغطيـه
والدفتر اللي يحسـب إنّـه يعـود=تبكي سطوره والمواضيـع ترثيـه
وياثوبه اللي داخـل القلب وقّـد=حزنٍ تملك فـي حشـا ام تغليـه
يالله ياللـي بالعـبـاده تـفـرد=ياللي تشيل الهـم عنّـا وتجليـه
ارحم (محمد)عـد مالطيـر غـرّد=وعداد من يسمع نـداك ويلبيـه
علي البــــلوي
والشمس غابت بعدها الليل سرهد=وأطلق حجاجه ثم بانـت مواريـه
ياليل وشبك دايم الـدوم تجحـد=همٍ توارى فـي سـوادك وتخفيـه
ارخي لك التفكير وتقوم تشتـد=لأنته عتقت القلب ولانته بشاريـه
جاني خبـر قالـو: توفـى محمـد=ليلة خميس اللي شهقت لي بتنبيه
طفلٍ صغيرٍ كـل حلمـه تبـدد=من يوم قفّى كل الاركـان تنعيـه
آشوف طيفه يقتـرب ثـم يبعـد=وآسج وانسى ثم اصوت واناديـه
والخاطر اللي من غضى الحزن وقّد=نارٍ تحف القلب بشويـش تكويـه
والنار لامن قرّب الدمـع تشتـد=وانا احسب ان دموع عيني تطفيه
وجدار بيتـه مـن فراقـه تنهـد=يوم يتذكر كـورةٍ بيـن رجليـه
والباب والشباك وكتـبٍ تـردد=وينه محمد ياترى وش حصل فيـه
واقلامه اللي فوق الاوراق تمتـد=وهذا فراشه وذا لحـافٍ يغطيـه
والدفتر اللي يحسـب إنّـه يعـود=تبكي سطوره والمواضيـع ترثيـه
وياثوبه اللي داخـل القلب وقّـد=حزنٍ تملك فـي حشـا ام تغليـه
يالله ياللـي بالعـبـاده تـفـرد=ياللي تشيل الهـم عنّـا وتجليـه
ارحم (محمد)عـد مالطيـر غـرّد=وعداد من يسمع نـداك ويلبيـه
علي البــــلوي