تكفى ترى دمار اهل الكرم والمروات

[محمد ظاهر الميهوبي]

ياقايلٍ تكفـى00 بتكفـى شقينـا

ياما لجل تكفى لقينـا المضـرات

ياما لجـل تكفـى نزلنـا ورقينـا

وياما تجشمنا الدروب الصعيبـات

كم ليلـةٍ لعيـون تكفـى سرينـا

لعيونها نسري على غير مشهـات

ياما حملنا ارواحنـا فـي يدينـا

والعمر ماياقـاه كثـر المـدارات

كم غاليٍ من شان تكفـى عطينـا

نعطي ولانحسب حساب الخسارات

تكفى تـرى تكفـى دمـارٍ علينـا

تكفى دمار اهل الكـرم والمـروات

وان قلت تكفى قلت ابشـر وجينـا

نجيك لو دونـك بحـورٍ غزيـرات

نسوق لجلـك كـل شـيٍ ثمينـا

نجيبهـا بالمـال والا الوجاهـات

على البلا نصبر إلـى مـن بلينـا

نصبر على شيل الحمول الثقيـلات

لاتستغـل الحلـم والطيـب فينـا

الحلم له حـزه وللطيـب حـزات

كم جاهلاٍ لعيـون تكفـى نصينـا

وكبرت بعين الجاهليـن التفاهـات

الجهل أعيَـى كـل طـبٍ مكينـا

من عصرادم لين عصر الحضارات

اخشـى عليكـم ساعـةٍ تعترينـا

نسرج بها خيل الجهل للجهـالات

دام الدواء جهلٍ علـى الجاهلينـا

نجهل جهل اعوام في ظرف ساعات

ياللي تقول الحـزن خيـم علينـا

الحزن بعض احيان للنفس ملهات


احمد بن عبد الرحمن العريفي
(نديم المجره)

نقل اخيكم محمد بن ظاهر الميهوبي -شاعر العرب

[حمود سليمان البلوي]

محمد ظاهر الميهوبي (كاتب وشاعر)
.
.
مبــــــدع في كل اتجـــــــــاه
.
.
تقبل مروري

[جرووووح السنين]

محمد ظاهر الميهوبي (كاتب وشاعر)
.
.
مبــــــدع في كل اتجـــــــــاه
.
.
تقبل مروري

[محمد صالح الرموثي]

نقل جميل تسلم يالغالي

[سرحان]

شكراا لك قصيدة معبرة