لعبة اصحاب الكراسي محاوره

[محمد ظاهر الميهوبي]

=كانت هذه المحاوره ايضا بيني وبين
=الاستاذخالد رجب الزهراني
=وكانت البدايه عندي

=محمد
البدايه عند خالد وابن درام اللي تبيعه=والنشاما كلهم عندي على عيني وراسي
وينكم يااهل المشاعر واللي حروفه تطيعه=هيا نلعب يا جماعه لعبة اصحاب الكراسي

=خالد
ياابن الجواد القضايا كلها شروه وبيعه=وانت لا تغدي تفصل توبك الا بالقاسي
والذي من حرب مدري من البقوم او من سبيعه=لا يورطنا في اللعبه وهو ماهو اساسي

=محمد
عصرنا عصر التجارب والفضايح والقطيعه=كل يوم الله اكبر كم نشوف من المأسي
كل منا ينطلق يا صاحبي والله منيعه=تسكب المهنى على المعنى ولا فيه ألتباسي

=خالد
أمس مثل اليوم لا تاخذ من ايامك ذريعه=ما تشوف الناس يغدون الذهب مثل النحاسي
والشريعه ياابن عمي لو مشينا بالشريعه=كان ما حي(ن)سمع عن فتح وإلا عن حماسي

=محمد
وقتنا يجري على صهوة جواد اسمع قريعه=والاوادم سارحه في غيها والكل ناسي
لو رجعنا للشريعه ما حصل فرقا وقطيعه= وانتكاس الفكر للأمه جعلها بأنتكاسي

=خالد
الخايق ينسبون اقدار ربي للطبيعه=والله اللي يرسل الاعصار ويهد الرواسي
والحبيب اللي نوى الهجران سوا لي فجيعه=شيب افكاري ودهور حالتي واقلق نعاسي

=محمد
الفصول الاربعه مابيْن صيفه من ربيعه=كم تجرعنا المراره للمراه طعم قاسي
من هجر ك اهجر ابوه وحاول انك لا تطيعه=والرحم مقطوع اشوفه بين ناس وعند ناسي

=خالد
الحقاره ما جي من ناس قيمتهم رفيعه=ما تجي الا من عيال اللاش واعيال الدناسي
وطالما ان نياتنا مع ربنا بيضا نصيعه=لو تجينا مخطيه نقدر ندمسها دماسي

=محمد
أدري اصحاب الحقاره دايم حالتهم شنيعه=احمد الله مالهم فينا ولا فيكم مساسي
النوايا خيلنا واللوانها اجمل قليعه=ولا دخلنا بالمربع والدواير والسداسي

=خالد
يا محمد مابتْعرف من تساير في سويعه=والمحبه ماتجي عنوه ولا هي بالدواسي
وان لقيتاني في المحراب وعيوني دميعه=خشية الرحمن ما هو خوف من المواسي

=محمد
الذيابه كان طاحت بتالاغنم تفني قطيعه=وانت ذيب وعارف الهدات في وقت الرماسي
لا يغرك من دموعه سيلت واد البديعه=ولا يغرك من صمت والصمت للرجل الفراسي

=خالد
يا طويل اعمر لا شك ان كلاً دون ريعه=لا تصدق بو دلامه لا تصدق بو نواسي
والذي يهرج بغير الصدق ويزكي صنيعه=ما درى انه في شواطي المخطيه دق الشماسي

=امل تذوقها ونقدها ولكم تحياتي
=ابو فيصل