يلعب على المنكوس

[الماهر]

الاياوين ابلقى شاعرن يلعب على المنكوس==يرد الصوت لامني زهمته مايخليني

ترى لعبن مع اقرم الرجال الوافيه ناموس==من اللي مجدهم لاذكر يرجح بالموازيني

[ثامر ظميان البلوي]

الاياوين ابلقى شاعرن يلعب على المنكوس==يرد الصوت لامني زهمته مايخليني

ترى لعبن مع اقرم الرجال الوافيه ناموس==من اللي مجدهم لاذكر يرجح بالموازيني



هلا وغلا يالماهر وصح الله لسانك والله يخارجنا
هلا يامرحبا وأبشر بشاعر يدحم إمع الروس = سواة الضلع مايهزة لا واحد ولا إثنيني
تجر الصوت جاك الصوت وتلعب للربابه القوس = ودون الحلق يالماهر وربي تفزع إيديني

[القصير]

الشاعر الماهر
الشاعر ثامر

الله يعطيكم العافية

[سلمان العرادي]

الله يعطيك العافيه ومتابعين لكم

[الماهر]

بعد ماجابك الله شد حيلك واحذر الفيروس == اخاف امع المداحم ينتقل صوب الشراييني

اباتكتك واباغني وابعطي للخصوم ادروس == ولا ناصل لقضب الحلق دام انك على ديني

[ثامر ظميان البلوي]

الله الله صح لسانك


على هونك على هونك أثر بعض العرب منحوس = وأنا برحمك دام الله رماك وطحت بيديني
ألا يالجودي دقنك لا يقرب لرااس الموس = وراس الموس يالماهر مهو مثل السكاكيني

[الماهر]

علامك قبل مانبدأ بلشت اترقع الملبوس==ولولا رحمتك لي ماقدرت آمد رجليني

ولاياراعي الامواس سن الموس واخذ افلوس==على قدر المشقه يامعلم لاتوصيني

[ثامر ظميان البلوي]

مايخالف ولا تبلش تراك بضلنا محروس = مدام إني ليامن جيت تاقف لي تقهويني
أنا مجبور برضاكم اداريكم بطيب نفوس = وسنعكم وعلمك رضا إلـ ,, داعج العيني

[الماهر]

عجايب يازمن حارس يظللني وهو مشموس=مطيع امريع همه يرضي المولى ويرضيني

تريد ارضاي< ياثامر > عليك اتعلق الفانوس=ابرقد لي ثلاث ايام تكفى لاتصحيني

[ثامر ظميان البلوي]

لقينا العله السودا لقينا التمرة أم السوس = ترتع بأول المحصول لا فيكم ولا فييني
خلك يجودي نايم ,,, ليادق الخطر ناقوس = يفكوك الرجال اللي تدك الروس والصيني

[سلمان العرادي]

الله يعطيكم العافيه ..

[الماهر]

انا مالي ومال اللي يحوسون المعاني حوس==يجيب اللي على باله يحسب انه يسليني

الا ياوجد حالي وجد من له مدتن محبوس==على طيرن كفخ بالحوم مني يوم الاثنيني

[ثامر ظميان البلوي]

صح لسان ولاهنت وأعتذر عن التأخير بسبب الإختبارات :D


يجيك السم يالماهر بكاس إمن العسل مدحوس = إركد وإستمع واقول لا تلهي المصليني
ألا يامدورن طيرك ترا له مدتن مفروس = وكرين ووش جابه على جال الشياهيني

[الماهر]

تفاخر بالغدر كنك عن اسلوم العرب مطموس
اناماعرف اغش الناس لوصاروا غشيشيني

وطيري كان تجهل فيه لو شافك يدوسك دوس
انا حذرك يالمطفوق من بطش السلاطيني

[ثامر ظميان البلوي]

على وضح النقى ماهو سواتك يالردي دنفوس = تدز البغض بين الخلق وصار الخلق قسميني
أظن الماهر الليله عقله ياعرب ملحوس = يوصف طيره إمن اليوم مثل وصف المجانيني

[الماهر]

حشاك من الردى وش صارلك تضرس بدون اضروس=جمعنا منتدى واحد ولافينا ردييني

ترى مهما حصل يبقى الوفا بقلوبنا مغروس= وكان الوقت جمعنا اوضح لك عناويني

[ثامر ظميان البلوي]

ألا يالجودي مزحة برزحة والعذر ملموس = ولا تزعل ولا تنقد عليك الله يازيني
أكيد إن الوفا يبقى وباقي الهرج دوسه دوس = وأقول الله يحييكم هلا وأهلاً وسهليني

[ثامر ظميان البلوي]

الماهر القاف الظاهر إنه شيب النهايه من عندك

[الماهر]

الاخ ثامر الف شكر على مشاركتي في المحاوره
وآسف لاشغالك عن المذاكره فانا لم اعلم ان لديك اختبارات الا بعد فوات الاوان
وإنشاء السميع العليم لنا لقاء بعد الامتحانات

[ثامر ظميان البلوي]

الماهر صح الله لسانك وطيب فالك

أنا تشرفت باللعب معك وإستفدت منك , وبالنسبة للإختبارات لا ماعليك ;)

وأنا آسف إذا بدر مني أي خطأ .. لنا لقاء مرة أخرى

[الماهر]

ماودك نجددها بعد مانتهيت من الامتحانات