يوم الذيابه للذيابه عونا

[سلطان فرحان الفاضلي]

هذه قصيده الشاعر المتألق /مقبل البلوي ,
والتي نشرت في جريدة الجزيره العدد 13013
وهوشاعر بمعنى لكلمه وغني عن التعريف واترككم مع ابداعه
من منطلق خبره وعرف ودوا ليل = قال الخبير اللي تمثل وغنا
مايحقق احلامه قليل المحاصيل = يهوم راس الطايله ويتونا
مثل البعير اللي ثنا ساقه الشيل = يبي يقوم ومن رداه يتثنا
تبت يمين اللي شكا قلة الحيل = يوم الذيابه للذيابه عونا
اما نكون اسياد بين الرجاجيل = ولا بلاش نقول حنا وحنا
لاصار للحانا تساق الفناجيل =تقصيرنا مايبعد اللوم عنا
عند الرجال ينزل القدر تنزيل =ويفتح علينا ابواب منا ومنا
ان صار للي مايبينا مداخيل = بالوارده والصادره يمتحنا
اللي علينا قلبه اسود من الليل = يفرح الى جتله على مايتمنا
مايدري انا نذلل الصعب تذليل = انروض الاصعاب ماروضنا
بعزومنا ناصل بعيد المناويل = للمستحيل اعزومنا وردنا
ورد الضوامي للعدود الشهاليل = وردن على حياض الروى ورتونا
ماحولنا من الشداد المحابيل =وش عذرنا للناس لو حولنا
الله خلقنا احرار مانقبل الميل = في وقتنا الحاضر وماضي زمنا
مانقبله واسلافنا تتعب الخيل = وحنا لنا ابيوت لمعزه تبنا
اهل السلوم الطيبه والتعاليل = كنا ومازلنا مثل يوم كنا
سلومنا ميراث جيل بعد جيل = ان مارفعنا فوق مانزلناالشــاعر/ مقبـــل البــــلوي</

[محمد العصباني]

وش قصتك يا سلطان :)

الله يسعدك قصائدك الليلة تسوى كثير من القصائد .

صح لسان الشاعر/ مقبل البلوي.

وسلم ذوقك واختيارك على هذه الروائع .

أبلشت نفسك لابد أن تتعهد أمامنا بأن تنقل لنا كل يومين قصيده على ذوقك واختيارك . :)

وبارك الله فيك وعافاك .

[سلطان فرحان الفاضلي]

الاخ القدير /محمد العصباني
والله مرورك على مشاركتي هو الذي
اسعدني ويعني لي الشيء الكثير ,
واوعدك اخي بنقل الشعر الجزل
وعسى الله يقدرناعلى الزين
تحياتي

[ذيبان]

ونعم والله بقبيلة بلي كرام إلحا

وبيض الله وجهك على نقلها

والله يبارك في مقبل البلوي على هالقصيدة الجزلة

[سلطان فرحان الفاضلي]

ونعم والله بقبيلة بلي كرام إلحا

وبيض الله وجهك على نقلها

والله يبارك في مقبل البلوي على هالقصيدة الجزلة


ماعليكم زود يالاخ /ذيبان,والله ونعم بسبيع
وتقبل احترامي وتحياتي على مروروك العاطر